Nnyam 3:6 - Uwumbɔr aagbaŋ

⁶ Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 3:6 ပူးပေါင်းရင်းမြစ်များ

Mpiin 12:1

Uwumbɔr nan bui Abram ke, “Nya aado yaab aatiŋ ni, ni saanib, ni aate do, ki buen kitiŋ ki m ga di ki mɔk si na ni.

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 17:3

Le Abram gbaan Uwumbɔr aanimbiin ni, le unimbil kpaa kitiŋ. Le Uwumbɔr bui u ke,

Mpiin 24:12

Unaagbiija ngbaan nan bi mee Uwumbɔr ke, “Uwumbɔr, u ye maaninkpel Abraham Aawumbɔr na, cha m kan maah ban pu na, ki gbiin saah puu ke aa ga ŋa pu ki tii maaninkpel na.

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 28:17

U nan san ijawaan le ki bui ke, “Do chee na kpa ijawaan sakpen a. Uwumbɔr do sil sɔ, ni ga sil li ye nin chee bi piir koo paacham na la.”

Mpiin 31:42

Ni yaa kaa ye Uwumbɔr u nte Aisak ni n‑yaaja Abraham nan dii na nan bi m chee kan, kina m ba nyan aado nkuun la. Uwumbɔr aah kan maafalaa ngbaan, ni maah tun tii si pu na, le kinyeek na u fe bui si mbamɔn.”

Mpiin 32:9

Le Jakob mee Uwumbɔr ke, “N‑yaaja Abraham, ni nte Aisak Aawumbɔr, ŋun maameel. Uwumbɔr, sin le bui mi ke m gir kun maatiŋ, ni ndo yaab chee, ke aa ga li kii ki ter mi tiwan mɔmɔk ni.

1 Bibɔrb 18:36

Naah nan ŋeer nwiin pu aatork yoonn na, le Elaija buen ti sil kitork ngbaan chee ki mee ke, “Abraham, ni Aisak, ni Jakob Aadindaan Uwumbɔr, mɔk dandana ke sin le ye Israel yaab Aawumbɔr, le m ye saatutunn ki bi ŋani nimina saah tuk mi pu na pu la.

1 Bibɔrb 19:13

Elaija aah ŋun i pu na, le u di waabɔkul biin unimbil wɔb le ki nyan ti sil kitakpaluŋ ngbaan aamɔb chee. Le nneel len u chee ke, “Elaija, aa ŋani ba do?”

Nehemia 9:9

Aa nan kan tiyaajatiib aah jin falaa sakpen pu Ijipt aatiŋ ponn ni na. Baah nan yin si ke aa ter bi buyoonn bi nan bi Nnyusakpem Mamam na chee na, aa nan kii.

Esta 3:4

ki nan pɔɔni bibaa iwiin mɔmɔk ke u li gbaani ki pak Hamann, le u yii kaan ŋun tii bi. U nan bui bi ke, “M ye Juu aanii la, kaan ŋmaa gbaan ki pak Hamann.” Kina pu na, bi nan bui Hamann tibɔr ngbaan ke bi lik Hamann aah ga ŋa Modekai aabimbin ngbaan pu na.

Ilahn 132:2

Uwumbɔr, teer tipuur ti u nan puu na tii si u ye Mpɔɔnsakpiindaan u Jakob mu nan dii na.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 29:45

M ga li bi maanib Israel yaab chee, ki li ye Baawumbɔr,

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nnyam 33:20

Maan cha aa kan nnimbil wɔb, ba pu? unii ubaa aan ŋmaa kan mi ki ki li fu;

Nnyam 4:5

Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Jeremia 24:7

M ga tii bi lineen li ga cha bi bee ke min le ye Uwumbɔr na. Baah ga gir ni m chee ni bisui mɔmɔk pu na, le ga cha bi li ye maanib, le m mu ga li ye Baawumbɔr.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Jeremia 32:38

Bi ga li ye maanib, le m mu ye Baawumbɔr.

Esekiel 11:20

Le bi ga li joo maakaal, ki li ŋani maah bui bi pu na mbamɔm. Bi ga li ye maanib, le m mu ga li ye Baawumbɔr.

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Matiu 17:6

Waadidiliib aah ŋun nneel ngbaan pu na, le bi san ijawaan sakpen, le ki lir kitiŋ lichichikr.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Tibɔnyaan ti Mak ŋmee ti na 12:26

Joo cha binib aah ga fikr nkun ni pu na aabɔr, naa karn Moses aah nan ŋmee busub bu nan gaal mmii na aabɔr nin chee na aa? Nima chee le ni ŋmee ke Uwumbɔr nan bui Moses, ‘Min le ye Abraham, ni Aisak, ni Jakob Aawumbɔr.’

Tibɔnyaan ti Luk ŋmee ti na 20:37

Tɔ, Moses mu nan mɔk timi ke binib bi kpo na ga fikr nkun ni. Buyoonn u nan bi busub bu gaal mmii na chee na, u nan yin Uwumbɔr ke Abraham, ni Aisak, ni Jakob Aawumbɔr la.

Tibɔnyaan ti Luk ŋmee ti na 5:8

Simonn Piita aah kan kina na, le u gbaan Yesu aanimbiin ni, ki bui u, “Ndindaan, siir m chee. M ye titunwanbirdaan la.”

Lituln 7:32

‘Min le ye aayaajatiib Abraham, ni Aisak, ni Jakob Aawumbɔr.’ Ijawaan chuu Moses, le uwon gbaa. Waa ki kaa u ki lik.

Lituln 7:34

M kan maanib Israel yaab aah bi ji falaa sakpen Ijipt aatiŋ yaab aaŋaal ponn ni pu na, ki ŋun baah wii pu na, le m sunn ni ke m nan gaa bi lii. Li pel, m ga tun si Ijipt aatiŋ ni, aa ti nyan bi nima chee.’

Ikaal 6:3

Nimi Israel yaab, li pel maah ban m di i mɔk nimi pu na, ki li joo i mbamɔm. Le tiwan mɔmɔk ga li ŋan tii nimi, le ni ga ŋa litimbokpaan, ki li koo kitiŋ ki kpa tiwakor aamoŋmɔpaan ni ŋisubil sakpen na ni, ke Uwumbɔr u ye tiyaajatiib Aawumbɔr na aah nan puu pu na.

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Hiibru Yaab 12:21

Baah kan tiwan ni na nan kpa ijawaan pam. Moses mu nan len ke ijawaan joo u sakpen, le uwon gbaa.

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Bibɔjirb 13:22

Manoa nan bui upuu ke, “Tinimbil aah kan Uwumbɔr na, ti ga kpo.”