Nnyam 3:4 - Uwumbɔr aagbaŋ

⁴ Buyoonn Uwumbɔr kan ke Moses ŋɔŋ mmii ngbaan chee na, le u yin u mmii ngbaan ni ke, “Moses, Moses.” U nan kii ke, “M sɔ.”

Nnyam 3:4 ပူးပေါင်းရင်းမြစ်များ

Mpiin 22:1

N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

Mpiin 22:11

Le Uwumbɔr aatuun aaneel nyan ni paacham ki yin ke, “Abraham, Abraham.” Le u giin kii ke, “M sɔ.”

Mpiin 28:16

Le Jakob nan finn ngeen pu, ki bui ke, “Uwumbɔr bi do. U bi do chee, le maa nyi kina.”

Mpiin 46:2

Le Uwumbɔr nan len u chee kinyeek, tidaŋ ni, ki yin u ke, “Jakob, Jakob.” Le u kii ke, “M sɔ.”

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Nnyam 19:3

le Moses buen lijool ngbaan aapaacham, u ti doon Uwumbɔr. Uwumbɔr nan bi lijool ngbaan paab le ki yin u, le ki tuk u ke u bui Jakob aayaabitiib, Israel yaab ke:

Nnyam 3:2

Nima chee le Uwumbɔr aatuun nan dan u chee, busub bu bi ke bu aah gaal mmii le na ni. Moses nan kan ke mmii gaal, le busub na mu aa nan wun.

Nnyam 33:12

Moses nan bui Uwumbɔr ke, “Ni ye mbamɔn ke aa tuk mi ke m loln binib ngbaan pu nsan, ki di bi buen kitiŋ ngbaan ni, tɔ, saa tuk mi u ga cheen mi na. Aa bui ke aa nyi mi, ki gee maabɔr mbamɔm.

Nnyam 4:5

Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Liifai Yaab 1:1

Uwumbɔr nan yin Moses, uma Uwumbɔr Aabool ponn ni, le ki tuk u tibɔr timina.

Lituln 10:13

Le nneel len ke, “Piita, fii, ki ku ki ŋmɔ.”

Lituln 10:3

Le kijook wɔb, tikur titaa aayoonn, u daŋ tidaŋ ki kan Uwumbɔr aatuun koo ni u chee ki nan bui ke, “Konelius.”

Lituln 9:4

Le u lir kitiŋ, ki ŋun nneel len ke, “Sɔɔl, Sɔɔl, ba ŋa aa ŋani mi falaa?”

Ikaal 33:16

Uwumbɔr, cha tiwanyaan mɔmɔk li gbii baatiŋ ni. Uwumbɔr, ŋa tinyoor ŋa bi pu, ki cha bi kan tiwanyaan mɔmɔk. Sin le nan len tibɔr tisufar ti nan gaal mmii kaa wu na ni. Uwumbɔr cha tinyoor timina mɔmɔk dan Josef aanibol pu, ba pu? uma le ye ukpetiib pu usaloln.

1 Samuel 3:10

Le Uwumbɔr dan nan sil nima, ki yin ke waah ti yin pu na ke, “Samuel, Samuel.” Le Samuel kii ke, “Li len; saatutunn pel la.”

1 Samuel 3:4

le Uwumbɔr yin Samuel. Samuel nan kii ke, “Maaninkpel, m sɔ,”

1 Samuel 3:6

Le Uwumbɔr ki yin Samuel lelee. Ubo ngbaan aa nan nyi ke ni ye Uwumbɔr la, ba pu? Uwumbɔr aa nan kee len u chee tibɔr daalbaadaal kina. Le u fii, ki ki buen Eli chee, ki ti bui u ke, “Saah yin mi na, le m dan.” Le Eli ki bui u ke, “Maabo, maa yin sin, li cha ti doon.”

1 Samuel 3:8

Le Uwumbɔr ki yin Samuel taataa, le u fii, ki ki buen Eli chee, ki ti ki bui u ke, “Saah yin mi na, le m dan.” N‑yoonn ngbaan le Eli bee ke ni ye Uwumbɔr le yin ubo ngbaan,