Nnyam 3:20 - Uwumbɔr aagbaŋ

²⁰ M ga di maapɔɔn daa Ijipt yaab aatafal, ki ŋa ijawaan aawan baatiŋ ni. Nee aapuwɔb na u ga cha ni buen.

Nnyam 3:20 ပူးပေါင်းရင်းမြစ်များ

Mpiin 15:14

Le min Uwumbɔr ga daa linibol li ga joo saanib ngbaan tinaagbiir na aatafal, le bi yaa nan ban bi nya kitiŋ ngbaan ni kan, bi ga li joo liwangol sakpeln, le ki di buen.

Nehemia 9:10

Aa nan tun iwaan aatun ki kiir Ijipt aabɔrkpaan, ni waaninkpiib, ni waanib bi bi kitiŋ ngbaan pu na, ba pu? aa nan nyi baah nan muk saanib pu na. Aa nan jin liyimbil li aa beenin kpa dandana wee na.

Ilahn 105:27

Uwumbɔr nan cha bi tun waatukpaan ki tun iwaan aatun Ijipt aatiŋ ni.

Ilahn 105:38

Ijipt yaab nan san bi ijawaan la; le baah nan nyan baatiŋ ni na, Ijipt yaab aasui nan piir.

Ilahn 106:22

Bi suln waajinjiir aatun ŋi u nan tun nima chee na bɔr, ni iwaan aatun ŋi u nan tun Limɔɔkal Aanyusakpem chee na aabɔr.

Nnyam 11:1

Uwumbɔr nan bui Moses ke, “Ntafadaan mubaa le gur, le m ga di daa ubɔr ngbaan ni waanib Ijipt yaab aatafal. Nee aapuwɔb na, u ga cha ni nya ki buen. Mbamɔn, u ga jenn nimi ke ni nya waatiŋ ponn ni.

Nnyam 12:39

Bi nan di boroboro aayon mu kaa kpa nnyɔk na le ki ŋa boroboro, ba pu? bi nan jenn nyan bi Ijipt aatiŋ ni mala sakpen, nima pu le baa nan ŋmaa gor ki ŋa tijikaar waahr le ki nin nyan Ijipt aatiŋ ni.

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Nnyam 4:21

Uwumbɔr nan ki gir bui Moses ke, “Saah gir cha Ijipt aatiŋ ni dandana wee na, li nyi ki ti ŋa lijinjiir aatun ŋimɔk m tii si mpɔɔn ke aa ti ŋa na. Tɔ, m ga pɔɔk ubɔr ngbaan aasui, le waan tii nimi nsan ke ni buen.

Nnyam 6:1

Uwumbɔr nan bui Moses ke, “Dandana wee, aa ga kan maah ga ŋa ubɔr ngbaan pu na. M ga muk u aan u cha maanib ngbaan buen. Mbamɔn, m ga muk u pam, le uma ubaa ga bui binib ngbaan ke bi nya waatiŋ ponn ni.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 9:15

M yaa ba di maapɔɔn ki di iween daa aa ni saanib aatafal kan, kina ni mɔmɔk ba kuln a.

Aisaya 19:22

Uwumbɔr ga daa Ijipt aanib aatafal, le ki mu ga ki sɔŋ bisui. Bi ga fenn dan u chee, le u ga ŋun baameel, le ki nyan bi baafalaa ni.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Esekiel 20:33

“Maah ye Nidindaan Uwumbɔr ki bi n‑yoonn mɔmɔk na, m sak nimi ke maaŋuul ponn ni, m ga di maapɔɔn joo nimi, aan ni li pɔɔ ni pu.

Maika 7:15

Uwumbɔr, tun lijinjiir aatun tii timi saanib, ke saah nan ŋa pu n‑yoonn mu aa nan nyan ni timi Ijipt aatiŋ ni na.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.

Ikaal 6:22

Tinimbil ni, le ti kan u ŋa iwaan, ni ijawaan aawan, ki daa Ijipt yaab, ni baabɔr, ni waayidam mɔmɔk aatafal.

Bibɔjirb 6:8

le u di waabɔnabr u nan joo ni inaŋ imina na tii ni bi. Inaŋ ngbaan sɔ: “Min u ye nimi Israel yaab Aadindaan Uwumbɔr na le nan nyan ni nimi tinaagbiir ni, Ijipt aatiŋ ni.

Bibɔjirb 8:16

U nan di nteersakpiin ni aakokon ni kokongɔr tiib lue Sukof aatiŋ aasalolm ngbaan.