Nnyam 3:18 - Uwumbɔr aagbaŋ

¹⁸ “Maanib ga pel saah ga bui bi pu na. Le aa di baaninkpiib buen Ijipt yaab aabɔr chee ki ti bui u ke, ‘Uwumbɔr, u ye timi Hiibru yaab Aawumbɔr na, uma le di ubaa mɔk timi. Kina pu na, tii timi nsan ti chuun iwiin itaa ki buen nteersakpiin ponn ni ki ti toor kitork tii Uwumbɔr u ye Tidindaan na.’

Nnyam 3:18 ပူးပေါင်းရင်းမြစ်များ

Mpiin 12:1

Uwumbɔr nan bui Abram ke, “Nya aado yaab aatiŋ ni, ni saanib, ni aate do, ki buen kitiŋ ki m ga di ki mɔk si na ni.

Mpiin 14:13

Tɔ, unii ubaa le nan san ŋmar, ki buen ti tuk Abram, u ye Hiibru aanii, ki nan ka gbɔk Amor aanii Mamre aasui sakpiin na, le u ni unaatiib Eskol ni Aner nan si Abram aachaŋ ni.

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 48:3

Le Jakob bui Josef ke, “Uwumbɔr Mpɔɔnsakpiindaan nan dan m chee Lus aatiŋ ki bi Kanaann aatiŋ ni na, le ki nan ŋa tinyoor ŋa m pu.

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Nnyam 10:3

Moses ni Aaronn nan dii buen ubɔr ngbaan chee, le ki ti bui u ke, “Hiibru yaab Aadindaan Uwumbɔr bui ke, ‘N‑yoonn mulamu aa ga diŋ aasui pu, ki kii tii mi? Cha maanib ngbaan buen, nima kan, bi ga ti ŋmaa doon mi.

Nnyam 17:5

Le Uwumbɔr bui Moses ke, “Nyan Israel yaab ponn ni aaninkpiib bibaa bi dii si, aan ni buen ti loln kinipaak ngbaan pu nsan. Li joo saajaangbeek ki aa nan di faa Nail aamɔɔl aanyun na.

Nnyam 19:1

Israel yaab ngbaan nan nyan ni Refidim aatiŋ ni, njan aawiin daal, uŋmal tatar ponn ni, baah nan nyan Ijipt aatiŋ ni buyoonn na, le ki fuu Sainai Aajool chee, nteersakpiin ni. Nima chee le bi kal Sainai Aajool ngbaan taab,

Nnyam 25:22

M ga dan nima ni chee, tiwan ni kpa ifeen na aakaasisik ni aapaacham, le m ga di maakaal mɔk si, aa di tii maanib Israel yaab.

Nnyam 3:12

Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Nnyam 3:16

Li cha ki ti kuun Israel yaab aaninkpiib ki bui bi ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na, le dan aa chee. Tuk bi ke m dan bi chee le ki kan Ijipt yaab aah ŋani bi falaa pu na.

Nnyam 30:36

Aa ban ngem ki san, ni ŋa n‑yon, ki di koo Maabool ponn ni, aan ki ti di ni yɔk Uwumbɔr Aakaal Aadakaa aanimbiin ni. Aa li joo tulalee aayon ngbaan chain.

Nnyam 30:6

Ni di tulalee aayon aabimbiln ngbaan ki di siin likekeln li gbin Uwumbɔr Aakaal Aadakaa chee na aapuwɔb. M ga dan nima, ni chee.

Nnyam 4:1

Moses nan bui Uwumbɔr ke, “Nibaakan, Israel yaab yaa kaa gaa mi ki kii, kaan pel maah ga len pu na kan, bi yaa bui ke saa dan m chee kan, m ga ŋa kinye?”

Nnyam 4:23

M tuk si, ubɔr, ke aa cha njapɔɔn ngbaan nya ki li cha, nima kan, u ga doon mi ubaa pu, le aa yii. Dandana wee m ga ku saajan aabijabim.’”

Nnyam 4:24

Moses aah nan cha Ijipt aatiŋ ni na, u nan ti fuu nibaa chee, le bi doon nima, le Uwumbɔr dan u chee le ki ban ke u ku u.

Nnyam 4:31

Bi nan gaa kii, le baah ŋun ke Uwumbɔr dan bi chee ki nan kan baah muk bi ki ŋani bi falaa pu na, le bi gbaan kitiŋ ki doon u.

Nnyam 5:1

Moses ni Aaronn nan buen Ijipt aabɔr chee le ki ti bui u ke, “Israel yaab Aadindaan Uwumbɔr bui ke, ‘Cha maanib buen, nima kan, bi ga ti ji njim mubaa kipɔɔk ni, ki nyuŋ mi.’”

Nnyam 5:3

Moses ni Aaronn nan giin bui u ke, “Timi Hiibru yaab Aawumbɔr le di ubaa mɔk timi. Kii tii timi ki cha ti chuun iwiin itaa ki buen kipɔɔk ni, ki ti toor kitork tii Tidindaan Uwumbɔr. Ti yaa kaa ŋa kina kan, u ga di iween, bee butɔb le ku timi.”

Nnyam 7:16

ki bui u ke, ‘Timi Hiibru yaab Aadindaan Uwumbɔr le tun ni mi ke m nan tuk si ke aa cha waanib ngbaan buen ki ti doon u nteersakpiin ni, le ki nan saa din na, saa ŋun tii u.

Nnyam 8:1

Uwumbɔr nan ki bui Moses ke, “Li cha ki ti tuk ubɔr ngbaan ke Uwumbɔr bui ke, ‘Cha maanib ngbaan buen, nima kan, bi ga ti ŋmaa doon mi.

Nnyam 8:20

Uwumbɔr nan ki bui Moses ke, “Fen kichakpiik ni, aa fe pue ki ti to ubɔr buyoonn u cha limɔɔl ni na, aan ki tuk u ke Uwumbɔr bui ke, ‘Cha maanib nya saatiŋ ni, nima kan, bi ga ŋmaa buen ki ti doon mi.

Nnyam 8:23

M ga gaa maanib lii, kaan cha falaa ngbaan dan bi pu. Fen le lijinjiir aatuln ngbaan ga fe ŋa.’”

Nnyam 9:1

Uwumbɔr nan bui Moses ke, “Li cha ubɔr ngbaan chee ki ti tuk u ke Hiibru yaab Aadindaan Uwumbɔr bui ke, ‘Cha maanib ngbaan buen, aan ki ti doon mi.

Nnyam 9:13

Uwumbɔr nan ki bui Moses ke, “Fen kichakpiik ni kan, ki buen ubɔr chee ki ti tuk u ke Hiibru yaab Aadindaan Uwumbɔr bui ke, ‘Cha maanib ngbaan buen, nima kan bi ga ŋmaa doon mi.

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Jeremia 2:2

moon tuk Jerusalem yaab mɔmɔk. “M teer saah nan laa par ki kpa gaakii pu na, ki teer saah nan laa mɔn tichar ki gee mi pu na; aa nan dii mi nteersakpiin ni, kitiŋ ki ponn ni ubaa aa kee bun tijikaar na.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 26:5

ki li ŋun ŋimɔbon ŋi maatutum, bi ye bibɔnabr aan m tuni bi ni chee n‑yoonn mɔmɔk na. Naa kee kii tii baah len pu na daalbaadaal.

Nkahm 17:4

Aa di ŋi buen Maabool ni, ki di ŋi bil Maakaal Aadakaa taab, nin chee m len ni chee tibɔr na.

Josua 1:17

Ti ga kii saamɔb ke taah nan keei Moses aamɔb pu na. Cha Aadindaan Uwumbɔr li bi aa chee, ke waah nan bi Moses chee pu na.