Nnyam 3:15 - Uwumbɔr aagbaŋ

¹⁵ Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:15 ပူးပေါင်းရင်းမြစ်များ

Mpiin 24:12

Unaagbiija ngbaan nan bi mee Uwumbɔr ke, “Uwumbɔr, u ye maaninkpel Abraham Aawumbɔr na, cha m kan maah ban pu na, ki gbiin saah puu ke aa ga ŋa pu ki tii maaninkpel na.

1 Bibɔrb Aabɔr 16:16

U nan puu ti tii Abraham le ki puu tii Aisak mu.

1 Bibɔrb Aabɔr 29:18

Uwumbɔr, tiyaajatiib Abraham, ni Aisak, ni Jakob Aawumbɔr, cha kina aageehm ni lineen li bi saanib aasui ni, ki cha bi li ŋani saageehn n‑yoonn mɔmɔk.

2 Bibɔrb Aabɔr 28:9

Uja ubaa nan bi nima, bi nan yin u ke Oded, le u ye Uwumbɔr aabɔnabr. U nan koo Samaria aatiŋ ni la. U nan ti ton Israel aajab bi choo kun ni ki joo baah chur Juda yaab bi tinaagbiir na, nin chee bi ban bi koo kitiŋ ni na, le u bui ke, “Niyaajatiib Aadindaan Uwumbɔr le gee liŋuul Juda yaab pu ki cha ni nyaŋ bi; n‑yoonn mue na, u ki ŋun naah di mbiin ku bii bi pu na.

Ilahn 102:12

Uwumbɔr, le sin ma ye ubɔr n‑yoonn mɔmɔk; n‑yoonn mɔmɔk aanib ga teer aabɔr.

Ilahn 102:13

Aa ga fii sil ki san Sionn kinimbaak; n‑yoonn fuu ni ke aa san ki kinimbaak; n‑yoonn mu ŋan na sɔ.

Ilahn 135:13

Uwumbɔr, n‑yoonn mɔmɔk kan, bi ga li mooni ke aa ye Uwumbɔr la. Bi ga li teer saabɔr n‑yoonn mɔmɔk.

Ilahn 30:4

Uwumbɔr aanib bi dii u mbamɔm na, gaa ilahn ki pak u man. Teer man U bi Chain na aah ŋa pu na, ki doon u man.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 15:3

Uwumbɔr ye u ŋmaa to butɔb na la, waayimbil le ye Uwumbɔr.

Nnyam 3:13

Le Moses giin bui u ke, “M yaa buen Israel yaab chee ki ti bui bi ke, ‘Tiyaajatiib Aawumbɔr le tun ni mi ni chee’ kan, bi ga baa mi ke, ‘Bi yin u kinye?’ Nima pu na, m ga tuk bi kinye?”

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 4:1

Moses nan bui Uwumbɔr ke, “Nibaakan, Israel yaab yaa kaa gaa mi ki kii, kaan pel maah ga len pu na kan, bi yaa bui ke saa dan m chee kan, m ga ŋa kinye?”

Nnyam 4:5

Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Nnyam 6:2

Uwumbɔr nan len Moses chee ki bui ke, “Min le ye Uwumbɔr.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

Aisaya 26:8

Ti dii saah ban pu na ki kpa limakl aa pu; si le ye taah ban nimɔk na.

Aisaya 42:8

Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Aisaya 63:12

Uwumbɔr u nan tii Moses waapɔɔn sakpiin ki nan yakr nnyusakpem nfum mulee aan waanib dii jer, ki ti kan liyimbil li kaa kpa ndoon ki tii ubaa na bi la chee?” Uwumbɔr aah nan loln bi pu nsan na, bi nan chuun ke timoor ni aataan na, kaa gbeer nibaa.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 33:2

Uma u aayimbil ye Uwumbɔr, aan u naan taab, ki toor, ki di ki siin na, nan len m chee tibɔr ke,

Daniel 2:23

M pak ki nyuŋni si, n‑yaajatiib Aawumbɔr. Sin le tii mi nlan ni mpɔɔn; aa kii maameel, ki mɔk timi taah ga ti bui ubɔr pu na.”

Hosea 12:5

Tidindaan Uwumbɔr Mpɔɔnsakpiindaan nan ye. Liyimbil li bi ga li joo dooni u na le ye Uwumbɔr.

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Maika 4:5

Litimbol mɔk dooni ki keei laawaal aamɔb la, le ti mɔmɔk ga nan doon ki kii Tidindaan Uwumbɔr aamɔb ki ti saa n‑yoonn mu kaa kpa ndoon na.

Malakai 3:6

“Min le ye Uwumbɔr, maa kpelni. Kina pu na, nimi, Jakob aayaabitiib aa kee kuln doo.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Lituln 3:13

Uwumbɔr le cha u pɔɔk. Abraham, ni Aisak, ni Jakob Aawumbɔr, u ye tiyaajatiib Aawumbɔr na, nyuŋ Waabo Yesu la. Nimi le nan di Yesu kooh, le ki yii u Pailat chee. Pailat nan ban u di u lii, le naa kii.

Lituln 7:32

‘Min le ye aayaajatiib Abraham, ni Aisak, ni Jakob Aawumbɔr.’ Ijawaan chuu Moses, le uwon gbaa. Waa ki kaa u ki lik.

Ikaal 1:11

Uwumbɔr, u ye niyaajatiib Aawumbɔr na, le cha ni moo pɔr ŋichur ŋichur ki jer naah bi pu na, aan ki kan tinyoor ke waah nan puu pu na.

Ikaal 1:35

‘Maah puu ke m ga di kitinyaan ki tii niyaajatiib na, nimi titunwanbir aanib bimina ubaa aan koo ki ponn ni,

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Hiibru Yaab 13:8

Yesu Kristo aa kpelni. Waah fe bi fen na pu na, u beenin bi kina le din, ki joo cha n‑yoonn mu kaa kpa ndoon na.