Nnyam 3:14 - Uwumbɔr aagbaŋ

¹⁴ Le Uwumbɔr bui u ke, “M ye maah ye u na la. Aa tuk bi ke ‘Baah yin u ke M‑ye‑na le tun ni si.’

Nnyam 3:14 ပူးပေါင်းရင်းမြစ်များ

Job Aagbaŋ 11:7

Aa ga ŋmaa mɔk Uwumbɔr aapɔɔnsakpiin aanaanmɔk aa?

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Ilahn 90:2

Waahr aan aa nin naan ŋigongon ni dulnyaa na, aa nan ye Uwumbɔr u kaa kpa ndoon na, ki ga li beenin ye Uwumbɔr ki ti saa n‑yoonn mu kaa kpa ndoon na.

Nnyam 15:3

Uwumbɔr ye u ŋmaa to butɔb na la, waayimbil le ye Uwumbɔr.

Nnyam 23:21

Ni ŋun tii u, ki kii waamɔbon. Ni taa ŋa tafalaaŋun u chee; ba pu? min le tun ni u, le waan di cha pinn tafalaaŋundaan aatunwanbir.

Nnyam 3:13

Le Moses giin bui u ke, “M yaa buen Israel yaab chee ki ti bui bi ke, ‘Tiyaajatiib Aawumbɔr le tun ni mi ni chee’ kan, bi ga baa mi ke, ‘Bi yin u kinye?’ Nima pu na, m ga tuk bi kinye?”

Nnyam 6:2

Uwumbɔr nan len Moses chee ki bui ke, “Min le ye Uwumbɔr.

Nnyam 6:3

Min Uwumbɔr Mpɔɔnsakpiindaan nan dan Abraham, ni Aisak, ni Jakob chee, le maa nan cha bi bee maayimbil li ye M‑ye‑na.

Aisaya 42:8

Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Matiu 18:20

Binib bilee, bee bitaa, yaa kuun tɔb chee maayimbil pu kan, m ga li bi bikaasisik ni.”

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Jɔnn 8:24

Nima le cha m tuk nimi ke ni ga kpo, le Uwumbɔr aan di cha pinn nimi; ba pu? ni yaa kaa gaa mi ki kii ke m ye maah tuk nimi pu na kan, ni ga kpo, le Uwumbɔr aan di cha pinn nimi.”

Jɔnn 8:28

Nima pu le u bui bi, “Ni yaa nan yoor min Unibɔn Aabo kitiŋ paacham kan, ni ga bee ke m ye maah ye u na. Ni ga bee ke maa tun nibaa mbaa pu. M len Nte Uwumbɔr aah tuk mi pu na la.

Jɔnn 8:58

Le u bui bi, “M tuk nimi mbamɔn la, baah kaa nan kee ma Abraham buyoonn na, m nan bi.”

2 Korenti 1:20

U pu, le Uwumbɔr gbiin waah puu tipuur ti wiir na mɔmɔk. Nima pu na, u pu le ti bui ke, “Amii,” le ki nyuŋ Uwumbɔr.

Hiibru Yaab 13:8

Yesu Kristo aa kpelni. Waah fe bi fen na pu na, u beenin bi kina le din, ki joo cha n‑yoonn mu kaa kpa ndoon na.

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Tibɔkpiirkaan 1:4

Min Jɔnn le ŋmee kigbaŋ kee ke m tii Yesu aanib bi bi Asia aatim mulole ni na. Uwumbɔr u nan bi, ki beenin bi, ki ga li bi n‑yoonn mu kaa kpa ndoon na, ni Waafuur mulole mu bi waabɔrjal chee na, ni Yesu Kristo, ŋa tinyoor ŋa ni pu, ki tii nimi nsuudoon. Yesu Kristo len mbamɔn, ki puen fikr nkun ni, ki ye dulnyaa wee ni aabɔrb aayidaan. U gee timi la, ki di waasin finn timi, ki nyan timi titunwanbir ni, ki gaa timi lii,

Tibɔkpiirkaan 1:8

Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”