Nnyam 3:12 - Uwumbɔr aagbaŋ

¹² Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Nnyam 3:12 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 15:8

Le Abram baa ke, “Ndindaan Uwumbɔr, m ga ŋa kinye ki bee ke kitiŋ ngbaan ga li ye maatiŋ?”

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Mpiin 31:3

Le Uwumbɔr nan bui Jakob ke, “Gir kun aate, ni aado yaab aatiŋ ni. M ga li bi aa chee.”

2 Bibɔrb 19:29

Tɔ, le Aisaya bui ubɔrkpaan Hesekia ke, “Nimina le ga li ye limɔkl ki mɔk nimi tiwan ni ga ŋa na. Libiln limina, ni libiln li ga paan ni na, ni ga ji tijikaar ti naa kon ti, ti punn tibaa pu na la; libiln li ga paan na ma kan, ni ga ŋmaa bu nibaa aajikaar aan ki nan chee ti, ki ga bu ŋisubil aasui ki moo yaasubil mu.

1 Bibɔrb Aabɔr 9:20

Eleasar aajapɔɔn Fineas nan lik baatuln pu n‑yoonn mbaa, le Uwumbɔr nan bi u chee.

Ilahn 86:17

Uwumbɔr, mɔk mi saaŋann aamɔkl; binib bi nan mi na yaa kan ke aa ter mi ki tii mi mmɔɔn kan, bi ga ji inimɔɔn.

Nnyam 18:5

Le Jetro dan Moses chee nteersakpiin ni, Uwumbɔr aajool li bi nan ka gbɔk li na, le ki joo ni Moses aapuu ni waabim bilee na.

Nnyam 3:1

Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Nnyam 3:13

Le Moses giin bui u ke, “M yaa buen Israel yaab chee ki ti bui bi ke, ‘Tiyaajatiib Aawumbɔr le tun ni mi ni chee’ kan, bi ga baa mi ke, ‘Bi yin u kinye?’ Nima pu na, m ga tuk bi kinye?”

Nnyam 33:14

Le Uwumbɔr bui u ke, “M mamaŋ ga dii si buen, le ki ga tii si lifuur.”

Nnyam 4:12

Nima pu na, li cha. M ga ter si aa len, le ki tuk si saah ga len pu na.”

Nnyam 4:15

Bui u waah ga len pu na. M ga ter nimɔk bilee ni len, ki mɔk nimi naah ga ŋa pu na.

Nnyam 8:27

see ti chuun iwiin itaa ki buen nteersakpiin ni, le ki ti toor kitork tii Tidindaan Uwumbɔr, waah bui ke ti ŋa pu na.”

Aisaya 37:30

Tɔ, le Aisaya bui ubɔrkpaan Hesekia ke, “Nimina le ga li ye limɔkl ki mɔk nimi tiwan ni ga ŋa na. Libiln limina, ni libiln li ga paan ni na, ni ga ji tijikaar ti naa kon ti, ti punn tibaa pu na la; libiln li ga paan na ma kan, ni ga ŋmaa bu nibaa aajikaar aan ki nan chee ti, ki ga bu ŋisubil aasui ki moo yaasubil mu.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 1:8

M ga li bi aa chee ki kii si. Taa san bi ijawaan. Min Uwumbɔr le len kina.”

Nkahm 16:28

Le Moses bui Israel yaab ngbaan ke, “Nimina pu le ni ga bee ke Uwumbɔr le tun ni mi ke m li tun waatuln mɔmɔk, naa ye min le lee mbaa ki ŋani ŋi mbaa pu.

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

Matiu 28:20

ki tuk bi ke bi li keei maah tuk nimi pu na mɔmɔk. Teer man ke m bi ni chee n‑yoonn mɔmɔk, ki nan saa dulnyaa aadoon.”

Tibɔnyaan ti Mak ŋmee ti na 16:20

Le waadidiliib buen ŋipepel mɔmɔk ni, ki ti tuk binib tibɔnyaan tee. Le Tidindaan ter bi, ki cha bi tun lijinjiir aatun. Baah tun lijinjiir aatun na, nima le mɔk binib ke baah len tibɔnyaan ti na, ti gbii. Amii.]

Lituln 11:21

Tidindaan aapɔɔn nan bi bi chee, le binib pam gaa Tidindaan ki kii, ki kpeln baabimbin, ki dii waasan.

Lituln 7:7

Kitiŋ ngbaan aanib aah ga di bi ŋa binaagbiib na, le m ga daa bitafal. N‑yoonn ngbaan le aayaabitiib ga nya kitiŋ ngbaan ni, ki dan kitiŋ kee ponn ni, ki nan li dooni mi do chee na.’

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

Ikaal 31:23

Le Uwumbɔr bui Nunn aajapɔɔn Josua ke, “Aa li kpa mpɔɔn, ki li kpa lipobil. Sin le ga loln Israel aanib ngbaan nsan, ki di bi buen kitiŋ ki m nan puu ke m ga di tii bi nan ni, m mu ga li bi aa chee.”

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Josua 1:5

Josua, saah ga li bi limɔfal ni ki ti saa buyoonn na, ubaa aa bi ki ga ŋmaa nyaŋ si. M ga li bi aa chee ke maah nan bi Moses chee pu na; maan di si lii kpala.

Bibɔjirb 6:12

Uwumbɔr aatuun ngbaan nan di lil u pu nima ki bui u ke, “Ujakaandaan, mpɔɔndaan, Uwumbɔr bi aa chee.”

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”

Bibɔjirb 6:17

Gideonn nan gar ke, “Aa yaa lik faar mi kan, mɔk mi limɔkl ke sin Uwumbɔr sil ye.

Bibɔjirb 6:21

Le Uwumbɔr aatuun ngbaan di waah joo lidabil li na meeh tinann ngbaan, ni boroboro ngbaan. Mmii nan nyan ni litakpal ngbaan ni, le ki wun tinann ni boroboro ngbaan. Le ntuun ngbaan wɔŋ.

Bibɔjirb 7:11

Aa ga ti ŋun baah bi len pu na, le aa ga kan lipobil ki tak bi.” Kina pu na, Gideonn ni waatutunn Pura nan buen baadim ngbaan aakakaa aagbaan.

1 Samuel 14:10

Tɔ, bi yaa bui ke ti dan bi chee kan, ti ga buen; ba pu? nima le ga li ye limɔkl li Uwumbɔr ga di tii timi ki mɔk ke ti nyaŋ bi na.”