Nnyam 3:11 - Uwumbɔr aagbaŋ

¹¹ Moses nan bui Uwumbɔr ke, “Maa ye nibaa, m ga ŋa kinye ki buen ubɔr chee ki ti nyan Israel yaab Ijipt aatiŋ ni?”

Nnyam 3:11 ပူးပေါင်းရင်းမြစ်များ

2 Samuel 7:18

Le Ubɔr David buen Uwumbɔr Aabool ni, ki ti kal ki mee Uwumbɔr ke, “Ndindaan Uwumbɔr, maa ŋeer saah puen ŋa tiwan ni tii mi na, le maadichal mu aa ŋeer kina.

1 Bibɔrb 3:7

Ndindaan Uwumbɔr, aa cha m kal nte aajal pu ki ye ubɔr, kaa dii ke m ye ubo kaa nyi kitiŋ aajoom.

1 Bibɔrb 3:9

Kina pu na, tii mi nlan mu m ga ŋmaa di joo saanib ibamɔn ni, ki li nyi ni ŋan na, ni ni kaa ŋan na. Naa ye kina kan, m ga ŋa kinye aan ki joo saanisakpem bimina?”

1 Bibɔrb Aabɔr 29:14

“Tiwan mɔmɔk nyan ni sin chee la, le m ni maanib aan ŋmaa tii si nibaa. Saah tii timi ni na le ti ki joo giin ni tii si.

Nnyam 6:12

Moses nan giin bui u ke, “Hali Israel yaab bibaa aa ŋun tii mi, ubɔr ngbaan le tee ga ti ŋun tii mi ii? M mu aa ti ki ŋmaa len tibɔr mbamɔm.”

Jeremia 1:6

Le m gar u ke, “Ndindaan Uwumbɔr, maa ŋmaa len; m laa par sakpen.”

2 Korenti 3:5

Taa len ke ti ga ŋmaa ŋa nibaa tibaa aapɔɔn pu. Timi aapɔɔn nyan ni Uwumbɔr chee la.

Bibɔjirb 6:15

Le Gideonn gar ke, “Ndindaan, m ga ŋa kinye aan ki gaa Israel yaab lii? Maataŋaal le ye bigiim, Manase aanibol ni, le ubaa aa lik waa mi, maadichal ni.”

1 Samuel 18:18

David nan kii u ke, “M ni nte aadichal ye ŋma aan m ga li ye ubɔr aachool?”