Nnyam 3:10 - Uwumbɔr aagbaŋ

¹⁰ Dandana wee m ban m tun si Ijipt yaab aabɔr chee, nima kan aa ga ŋmaa loln maanib ngbaan pu nsan ki nyan bi kitiŋ ngbaan ni.”

Nnyam 3:10 ပူးပေါင်းရင်းမြစ်များ

Mpiin 15:13

Uwumbɔr nan ki bui u ke, “Saamaal ga li ye bicham le kitiŋ yayan ponn ni; bi ga li ye binaagbiib nima chee, le bi ga ŋa bi mbiin, ki ti saa ŋibin ikui inaa.

Mpiin 15:14

Le min Uwumbɔr ga daa linibol li ga joo saanib ngbaan tinaagbiir na aatafal, le bi yaa nan ban bi nya kitiŋ ngbaan ni kan, bi ga li joo liwangol sakpeln, le ki di buen.

Ilahn 105:26

Le u nan tun waatutunn Moses, ni Aaronn, u u nan lee u na.

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Nnyam 12:40

Israel yaab nan bi Ijipt aatiŋ ponn ni ŋibin ikui inaa ni piitaa la.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 33:12

Moses nan bui Uwumbɔr ke, “Ni ye mbamɔn ke aa tuk mi ke m loln binib ngbaan pu nsan, ki di bi buen kitiŋ ngbaan ni, tɔ, saa tuk mi u ga cheen mi na. Aa bui ke aa nyi mi, ki gee maabɔr mbamɔm.

Nnyam 33:13

Ni yaa ye kina kan, tuk mi saalandak, nima kan, m ga dii si ki piir aasui n‑yoonn mɔmɔk. Teer ke sin le lee linibol ngbaan ke bi li ye saanib.”

Nnyam 6:26

Aaronn ni Moses le Uwumbɔr nan bui bi ke, “Ni loln Israel yaab pu nsan, ki nyan bi Ijipt aatiŋ ni.”

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.

Maika 6:4

M nyan ni nimi Ijipt aatiŋ ni; m nyan ni nimi tinaagbiir ni; m nan tun Moses, ni Aaronn, ni Miriam ke bi nan loln ni pu nsan.

Lituln 7:34

M kan maanib Israel yaab aah bi ji falaa sakpen Ijipt aatiŋ yaab aaŋaal ponn ni pu na, ki ŋun baah wii pu na, le m sunn ni ke m nan gaa bi lii. Li pel, m ga tun si Ijipt aatiŋ ni, aa ti nyan bi nima chee.’

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Lituln 7:6

Le Uwumbɔr bui u, ‘Aayaabitiib ga li ye bicham kitiyayaŋ ponn ni. Kitiŋ ngbaan aanib ga di bi ŋa binaagbiib, ki ŋa bi bakaa ŋibin ikui inaa.

Lituln 7:7

Kitiŋ ngbaan aanib aah ga di bi ŋa binaagbiib na, le m ga daa bitafal. N‑yoonn ngbaan le aayaabitiib ga nya kitiŋ ngbaan ni, ki dan kitiŋ kee ponn ni, ki nan li dooni mi do chee na.’

Bibɔjirb 6:14

Le Uwumbɔr tuk u ke, “Li joo saapɔɔn sakpiin cha ki ti gaa Israel yaab Midiann yaab chee lii. Min mbaa le tun si.”

1 Samuel 12:6

Le Samuel ki len ke, “Uwumbɔr le nan lee Moses ni Aaronn, le ki nyan ni niyaajatiib Ijipt aatiŋ ni.

1 Samuel 12:8

Jakob ni waadichal aah nan buen Ijipt, aan Ijipt yaab ti muk bi na, niyaajatiib nan wii ki ban nterm Uwumbɔr chee, le u tun ni Moses ni Aaronn, le bi nan nyan bi Ijipt ponn ni, ki nan di bi kaan kitiŋ kee pu.