Nnyam 3:1 - Uwumbɔr aagbaŋ

¹ Daalbaadaal le Moses nan bi kpaa uchool Jetro, u ye Midiann aatiŋ aatotoor na aawakor timoor ni, le u nan di ti jer nteersakpiin mubaa ni, ki buen Uwumbɔr aajool Sainai chee.

Nnyam 3:1 ပူးပေါင်းရင်းမြစ်များ

1 Bibɔrb 19:19

Elaija nan siir le ki ti kan Elaisa bi joo inaa ko; inaa ilelee ŋiker kipiik ni libaa loln u pu nsan le u joo kookoo yaal na ko paa. Elaija nan chuu peer libɔkul li u pee paa paacham na ki di paan Elaisa pu.

1 Bibɔrb 19:8

Elaija nan fii kal, le ki jin ki nyun nnyun, le tijikaar ngbaan nan tii u mpɔɔn u di chuun iwiin imonko ilee ki buen Uwumbɔr Aajool Sainai na chee.

Ilahn 106:19

Sainai aajoo chee le bi nan di salmaa naan unaajabo le ki dooni liwaal ngbaan;

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Nnyam 18:12

Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Nnyam 19:11

aan ki gor bibaa daalpu. Liyaadaal ngbaan, m ga nyan ni paacham, ki sunn ni Sainai Aajool pu, nin chee binib ngbaan mɔmɔk ga kan mi na.

Nnyam 19:3

le Moses buen lijool ngbaan aapaacham, u ti doon Uwumbɔr. Uwumbɔr nan bi lijool ngbaan paab le ki yin u, le ki tuk u ke u bui Jakob aayaabitiib, Israel yaab ke:

Nnyam 2:18

Baah gir kun buyoonn na, le bite baa bi ke, “Ba ŋa ni gir ni din mala kina?”

Nnyam 2:21

Nima pu na, Moses nan kii ke u ga li bi Jetro do, le u di ubisal Sipora tii Moses u di ŋa upuu,

Nnyam 24:13

Le Moses ni waateter Josua gor bibaa, le Moses piin ki bi joi Uwumbɔr aajool ngbaan paab.

Nnyam 3:12

Le Uwumbɔr bui u ke, “M ga li bi aa chee, le buyoonn aa nyan ni bi Ijipt aatiŋ ponn ni na, ni ga li dooni mi lijool lee paab la. Nimina le ga mɔk ke min le tun si.”

Nnyam 3:5

Le Uwumbɔr bui u ke, “Taa fuu ni mmii ngbaan chee. Chuu takl saanaatak ngbaan; saah si nin chee na ye kitiŋ ki bi chain na la.

Nnyam 33:6

Nima pu na, baah nyan Sainai Aajool chee ki cha na, binib ngbaan aa nan ki peeni salmaa aaleen kpala.

Nnyam 4:18

Moses nan gir buen Jetro, uchool uja chee, le ki ti bui u ke, “Cha m gir buen ndo yaab chee, Ijipt aatiŋ ni, ki ti lik ke bi beenin bi aan baa ki bi.” Jetro nan kii tii u, le ki chɔi u.

Nnyam 4:27

Uwumbɔr nan bui Aaronn mu ke, “Li cha nteersakpiin pu ki pii Moses nima.” Nima pu na, u nan buen u ti to Moses, Uwumbɔr aajool ngbaan chee; waah kan u na, le u moor utakpiln.

Amos 1:1

Tibɔr ti Amos u ye upihkpaal ki nyan ni Tekoa aatiŋ ni na nan len na sɔ. Ŋibin ŋilee waahr aan kitiŋ nin deŋ na, n‑yoonn ngbaan le Usia nan ye Juda aabɔrkpaan aan Jehoas aajapɔɔn Jeroboam mu nan ye Israel aabɔrkpaan na, le Uwumbɔr nan kpiir Israel aatiŋ aabɔr timina mɔmɔk tuk Amos.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Nkahm 10:29

Le Moses bui uchool Jetro, u nan ye Midiann aanii na, aajapɔɔn Hobab ke, “Ti ban ti piin ki buen nin chee Uwumbɔr bui ke u ga di tii timi na la. U puu ke u ga ŋa timi Israel yaab pu tinyoor, nima pu na, li dii timi, aan ti kpaan ji kina aanyoor.”

Nkahm 10:33

N‑yoonn mu Israel yaab nan nyan Uwumbɔr Aajool Sainai chee na, bi nan chuun iwiin itaa la. N‑yoonn mɔmɔk Uwumbɔr Aakaal Aadakaa le bi nan joo lolni nsan, le u mɔk bi baah ga kal nin chee na.

Tibɔnyaan ti Luk ŋmee ti na 2:8

Bipihdam bibaa nan bi nima chee timoor ni, ki kpaa baapiih ki lik i kinyeek.

Lituln 7:30

“Ŋibin imonko ilee aah jer na, le Uwumbɔr aatuun di ubaa mɔk Moses. N‑yoonn ngbaan le Moses nan bi nteersakpiin ni, lijool li bi yin li ke Sainai na chee. Uwumbɔr aatuun ngbaan nan bi mmii ponn ni, busub bu bi ke bu aah gaal mmii le na pu.

Ikaal 1:2

Aa yaa nyan ni Sainai Aajool chee ki cha Kades Banea, ki dii ŋigongon aatiŋ ki bi yin ki ke Edom na ni kan, aa ga di iwiin kipiik ni mbaa le fuu nima chee.

Ikaal 1:6

U nan bui ke, “Taah nan bi Sainai Aajool chee buyoonn na, le Tidindaan Uwumbɔr nan bui timi ke, ‘Ni kal lijool ngbaan chee ni yunn pam.

Ikaal 4:10

tiwan ni nan ŋa, bundaln ni nan sil Nidindaan Uwumbɔr aanimbiin ni, Sainai Aajool taab na. N‑yoonn ngbaan, u nan bui mi ke, ‘Kuun ni maanib ngbaan. M ban bi ŋun maah ga len pu na la, nima kan, bi ga li nyi baah ga kii maamɔb pu, ki ti saa baamɔfal aadoon na. Nima kan, bi ga mɔk baabim, aan bi mu li san mi ijawaan.’

Bibɔjirb 4:11

N‑yoonn mue na, Kenn aanii Heber nan puen gaa waakeken aabool likpaln aasub bubaa taab, Sananim aatiŋ ki bi gbɔk Kedes aatiŋ na chee. U nan fii udo yaab biken, Hobab, u nan ye Moses aachiin na aayaabitiib chee.

1 Samuel 16:11

le ki baa u ke, “Aa ki kpa japɔtiib bibaa aa?” Le Jese nan kii u ke, “Uwaatiir ubaa gur, u mu le kpaa ipiih.” Le Samuel bui u ke, “Bui u ke u dan do. Taan toor kitork kee, see u fuu ni waahr.”