Nnyam 28:41 - Uwumbɔr aagbaŋ

⁴¹ Aa di tiwanpeenkaan ngbaan ki di peen aakpel Aaronn ni waabijabim, ki nyan bi siin ki di olif aakpan kpir bi pu, aan bi li ye bitotoorb.

Nnyam 28:41 ပူးပေါင်းရင်းမြစ်များ

Nnyam 28:1

“Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Nnyam 28:4

Tuk bi ke bi ŋal kikekengeŋ ki ŋeer ubiŋ pu, ki ŋal libɔkul li kaa kpa iŋaal na, ni kikpalk nyaan, ni kibɔkugeŋ ki bi di seerkaa gbaŋ ki na, ni kiyikpupuk, ni kikekengeŋ ki bi joo buu kichaŋ ni na. Bi ŋal bitotoorb aawanpeenkaan aawan nimina mɔmɔk ki tii aakpel Aaronn ni ujapɔtiib, nima kan, bi ga li ye binib bi toor kitork tii mi na.

Nnyam 29:24

Aa di tijikaar ngbaan ŋa Aaronn ni ujapɔtiib aaŋaal ni, ki tuk bi ke bi di ti ŋa kitorkpaan tii mi,

Nnyam 29:35

“Aa di iwiin ilole toor Aaronn ni ujapɔtiib bitotoorb aatork, ke maah mɔk si pu na mɔmɔk.

Nnyam 29:7

ki di nkpan kpir uyil pu, ki ŋa u utotoor.

Nnyam 29:9

ki di ŋitan buu bichaŋ ni, ki ki di ŋitan buu biyil. Kina le aa ga kaan Aaronn ni ujapɔtiib bi li tun kitork aatuln. Bi ni biyaabitiib ga li tun kitork aatuln tii mi kina, le ki cha n‑yoonn mu kaa kpa ndoon na.

Nnyam 30:35

Aa di tiwan ngbaan kpaan ki ŋmal ni ke tulalee na, ki ban n‑yaan ŋa ni ponn ni, ni li bi chain ki taa bii.

Nnyam 40:13

Di utotoor aawanpeenkaan peen Aaronn, ki di maakpan kpir uyil pu. Aa yaa ŋa u kina kan, u ga ŋmaa tun utotoor aatuln ki tii mi.

Nnyam 40:15

ki di maakpan kpir biyil pu, ke saah ŋa bite pu na, nima kan, bi ga ŋmaa tun bitotoorb aatuln tii mi. Saah ga di maakpan kpir biyil pu pu na le ga cha bi li ye bitotoorb n‑yoonn mu choo na.”

Aisaya 10:27

N‑yoonn ngbaan yaa fuu ni kan, m ga gaa nimi lii, ki nyan nimi Asiria yaab aapɔɔn ni. Baamukl aan ki li bi ni pu.”

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Esekiel 43:26

Bitotoorb ga li toor ki ŋani libimbiln ngbaan chain ki gor li kiir kitork ki ti saa iwiin ilole.

Liifai Yaab 10:7

Nima taa nya Libool ngbaan ni, ni yaa ŋa kina kan, ni ga kpo, ba pu? bi di Uwumbɔr aakpan kpir niyil pu ki di nimi tii uma Uwumbɔr a.” Le bi ŋa Moses aah tuk bi pu na.

Liifai Yaab 16:24

U ban nnyun ki fu mu, chain aapepel ni, ki ki di ubaa aawanpeenkaan peen. U yaa ŋa kina doo kan, u nya ki ti toor kitork ki bi joo seer mmii ni na, ki nyan ubaa, ni Israel yaab mɔmɔk mu aatunwanbir.

Nkahm 16:5

le ki bui Kora, ni binib bi kpee u pu na ke, “Fen aachakpiik ni kan, Uwumbɔr ga fe mɔk ti mɔmɔk unii u ye waanii na; u ga fe cha waah nyan unii u na dan u chee, waatork aabimbiln chee.

Nkahm 3:3

Bi nan di Uwumbɔr aakpan kpir biyil pu, ke bi li ye bitotoorb.

Jɔnn 3:34

Yesu u Uwumbɔr tun ni u na le len uma Uwumbɔr aabɔr; ba pu? Uwumbɔr di Waafuur Nyaan mu kaa kpa ŋŋaŋ na gbiin u.

Hiibru Yaab 5:4

Unii ubaa aan ŋmaa nyuŋ ubaa ki ŋa ubaa utotoorninkpel, see Uwumbɔr le lee u, ki ŋa u utotoorninkpel, ke waah nan lee utotoorninkpel Aaronn pu na.

Hiibru Yaab 7:28

Bi nan leer bitotoorninkpiib Moses aakaal aah dii pu na. Bitotoorninkpiib ngbaan aa nan ŋan ti doo. Nkaal ngbaan aapuwɔb le Uwumbɔr puu tipuur, ki ŋa Ujapɔɔn utotoorninkpel. Uma le ye utotoorninkpel bamɔnn, ki ga li bi n‑yoonn mu kaa kpa ndoon na.

1 Jɔnn 2:20

Nimi kan, Yesu u ye chain na tii nimi Waafuur Nyaan. Waafuur Nyaan aah bi nisui ni na, nima le ni mɔmɔk nyi tibɔr ti ye mbamɔn na.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.