Nnyam 28:4 - Uwumbɔr aagbaŋ

⁴ Tuk bi ke bi ŋal kikekengeŋ ki ŋeer ubiŋ pu, ki ŋal libɔkul li kaa kpa iŋaal na, ni kikpalk nyaan, ni kibɔkugeŋ ki bi di seerkaa gbaŋ ki na, ni kiyikpupuk, ni kikekengeŋ ki bi joo buu kichaŋ ni na. Bi ŋal bitotoorb aawanpeenkaan aawan nimina mɔmɔk ki tii aakpel Aaronn ni ujapɔtiib, nima kan, bi ga li ye binib bi toor kitork tii mi na.

Nnyam 28:4 ပူးပေါင်းရင်းမြစ်များ

2 Samuel 6:14

David nan gbab Uwumbɔr aatotoor aakekengeŋ uchaŋ ni, ki di waapɔɔn mɔmɔk ki waa liwaal ki pak Uwumbɔr.

Nnyam 25:7

ni ŋitakpanyaan ŋi bi ga di ŋa Utotoorninkpel aabɔkul li kaa kpa iŋaal na, ni liwapapaln li bi ubiŋ pu na.

Nnyam 29:6

Aa di kiyikpupuk na chiŋ u, ki di tiwanyaan ni mɔk ke Uwumbɔr le lee u na buu tam kiyikpupuk na,

Nnyam 39:28

ni nan ye ŋibɔkul, ni tiyikpupur, ni ŋitanyaan aatuutagen,

Aisaya 11:5

U ga joo waanib mbamɔm ni kinyaan.

Aisaya 59:17

U ga di mbimbinyaan mu bi ke tikur ti bii kibiŋ pu na, ki li chik tikur aayikpupuk ki ye waapɔɔn mu gaa binib lii na, ki li kpa iniman ki daa binib aatafal baah ŋa biken falaa pu na.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Efesusi 6:14

Nima pu na, gor nibaa man ki ti jan kijaak. Ni li joo Uwumbɔr aabɔr ti ye mbamɔn ki naahn ligbapapaln na; ki li kpa mbimbinyaan mu bi ke tikur ti bii kibiŋ pu na;

1 Tesalonika 5:8

Tima ye nwiin pu aabim la, nima pu na, cha ti chuu tibaa man. Cha ti tii Yesu naadii, ki li gee tɔb. Ti yaa ŋani kina kan, nima le ga biin ti pu, ke tikur ti bii kibiŋ pu na. Le ti yaa kpa limakl ke ti ga sil ŋmar kan, ni ga li bi ke tikur aayikpupuk ki bii tiyil na.

Tibɔkpiirkaan 9:17

Tidaŋ ponn ni le m nan kan itaan ngbaan ni binib bi dik i pu na. Tikur aawan nibaa bii bibiŋ pu ki man ke mmii na, ki bɔn ke nsiin na, ki man ke chirbil na. Itaan ngbaan aayil naahn ichinn aayil la. Mmii, ni iŋmanyuu, ni chirbil nyan ni imɔi ni.

1 Samuel 2:18

N‑yoonn mue na Samuel u nan laa ye ubo na nan beenin bi tun Uwumbɔr aatuln, ki pee libɔkul li bitotoorb peeni na.

1 Samuel 22:18

Le Sɔɔl bui Doeg ke, “Sin, ku bi.” Le Doeg ku bi mɔmɔk. Liyaadaal ngbaan u nan ku bitotoorb bi nan ŋeer ke bi peen utotoor aabɔkul na imonko inaa ni biŋmu la.

1 Samuel 23:6

Tɔ, Ahimelek aajapɔɔn Abiatar aah nan san ŋmar ki buen David chee na, u nan joo tiwan ni bi joo beer Uwumbɔr aageehn na ubaa chee.

1 Samuel 30:7

Le u bui utotoor Abiatar, u ye Ahimelek aajapɔɔn na ke, “Ti li joo ni tiwan ni bi joo beer Uwumbɔr aageehn na,” Le Abiatar ti joo ni ni.