Nnyam 28:12 - Uwumbɔr aagbaŋ

¹² Aa di ŋi tam iŋminju ilee na pu, ni mɔk Israel yaab aanibol, inaakɔsamɔi kipiik ni ilee na, aan Aaronn ga li pee baayimbil ngbaan ubɔgbiln pu, nima kan, min Uwumbɔr ga li teer maanib bɔr.

Nnyam 28:12 ပူးပေါင်းရင်းမြစ်များ

Job Aagbaŋ 31:36

m ba ga di ti leen mbɔgbin pu ni limakl ŋmeen, ki di ti chiŋ n‑yil pu ke kibɔryikpupuk na.

Ilahn 89:19

N‑yoonn mu jer na le aa nan kpiir tuk saatutum bi dii si mbamɔm na ke, “M tii butɔb aajakpaan ubaa nterm; m di libɔrjal tii unii u m lee u binib ngbaan ponn ni na.

Nnyam 12:14

N‑yoonn mɔmɔk kan, ni pɔɔn nibaa ki li ji njim mue, aan ki li teer min Uwumbɔr aah ŋa pu na pu. Ni li ŋani kina n‑yoonn mu mɔmɔk choo na ni.”

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.

Nnyam 28:11

Aa ban kan unii u ŋmaa kpii ŋitakpanyaan mbamɔm na, aan u ŋmee Jakob aabijabim ngbaan aayimbil paan ŋi pu, ki di ŋi tam salmaa pu.

Nnyam 28:29

“N‑yoonn mu Aaronn ti ban u koo Chain Aapepel ni na, u ga li pee kibiŋ aakekengeŋ ki ni ŋmee Israel yaab aanibol aayimbil ki paan ŋitakpanyaan na pu na, nima kan, min Uwumbɔr ga li teer maanib bɔr.

Nnyam 28:7

Bi ŋal ŋibɔgbin aaŋminju ilee, ima le bi ga li joo gbei.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 62:6

Sin Jerusalem, saagon paab le m ga kaan bikikiib; bi taa li ŋmin nwiin pu ni kinyeek mu. Bi li teer Uwumbɔr tipuur ti u puu na, ki taa cha u suln ti.

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Liifai Yaab 24:7

Ni di tulalee aayon ŋmeen ki di ŋa ikuul ngbaan mɔk pu, ni li ye tijikaar aapiin i ni di tii Uwumbɔr na aan i sil boroboro aasisii yaan.

Nkahm 16:40

Uwumbɔr nan cha ni ye nsurm, le ki mɔk Israel yaab mɔmɔk ke unii yaa kaa nyan ni Aaronn aamaal ni kan, u taa dan kitork aabimbiln chee u nan see tulalee aayon tii u. Unii yaa ŋa kina kan, u ga kpo ke Kora ni waajab aah nan kpo pu na. Eleasar nan ŋa tiwan ngbaan mɔmɔk, Uwumbɔr aah nan bui Moses ke u cha bi ŋa ni pu na la.

Nkahm 31:54

Le Moses ni Eleasar nan di salmaa aawan ngbaan mɔmɔk buen ti ŋa Libool ni, nima kan, Uwumbɔr ga li kii Israel yaab.

Tibɔnyaan ti Luk ŋmee ti na 1:54

Waah nan puu tipuur ti tii tiyaajatiib na, u ŋa kina la, ki ter waatutum Israel yaab.

Tibɔnyaan ti Luk ŋmee ti na 1:72

U nan len ke u ga san tiyaajatiib kinimbaak, ki teer waah puu tipuur ti ye chain na bɔr.

Lituln 10:4

Waah kan Uwumbɔr aatuun ngbaan na, le u san ijawaan, ki baa u, “Maaninkpel, aa ban ba?” Le Uwumbɔr aatuun ngbaan bui u, “Uwumbɔr ŋun saameen, ki nyi saah ter bigiim pu na, ki teer aa bɔr.

1 Korenti 11:24

le ki doon Uwumbɔr, le ki gii, ki bui bi, “[Gaa man ki ŋmɔ.] Nwon le na. Nimi aatunwanbir pu, le m tii tiwon tee. Ni li ŋmɔ kina aan ki li teer mbɔr.”

Ikaal 33:12

U nan ŋa tinyoor ŋa Benjaminn aanibol pu ki bui ke; “Linibol limina le Uwumbɔr gee, le ki kii li. Uma le bii bi pu iwiin mɔmɔk, le ki bi bikaasisik ni.”

Josua 4:7

ni tuk bi ke bundaal bi nan di Uwumbɔr Aakaal Aadakaa koo sil Jɔɔdann Aamɔɔl ni na, limɔɔl ngbaan aanyun nan sil kaa ki puu. Ŋitakpal ŋee le ga li teer Israel yaab tiwan ni nan ŋa do na, n‑yoonn mɔmɔk.”