Nnyam 28:1 - Uwumbɔr aagbaŋ

¹ “Kuun aakpel Aaronn ni ujapɔtiib, Nadab, ni Abihu, ni Eleasar, ni Itamar. Yakr bi Israel yaab biken chee, nima kan, bi ga li tun kitork aatuln tii mi.

Nnyam 28:1 ပူးပေါင်းရင်းမြစ်များ

1 Bibɔrb Aabɔr 23:13

Ujapɔpol Amram le nan ma Aaronn ni Moses. Uwumbɔr le nan nyan Aaronn ni uyaabitiib ke bi li joo Uwumbɔr Aadichal ni aawan ni bi chain na, ki ti saa n‑yoonn mu kaa kpa ndoon na. Bima le nan ki joo tulalee aayon ŋani mmii ni, ki dooni Uwumbɔr, ki tun waatuln na. Bima le mee Uwumbɔr aanyoor ŋani binib pu waayimbil ni.

1 Bibɔrb Aabɔr 6:10

ni Asaria, (uma le nan tun lituln ubɔr Solomonn aah nan maa Uwumbɔr Aadichal li Jerusalem ni na ponn ni,)

1 Bibɔrb Aabɔr 6:34

ni Elkana, ni Jeroham, ni Eliel, ni Toa,

2 Bibɔrb Aabɔr 11:14

Naah nan ŋa pu aan bi di cha baawakor aamoŋmɔpaan ni ntim muken ki dan Juda ni na le ye ke Israel Aabɔr Jeroboam ni bibɔrb bi nan paan u pu nnaan ni na aan cha bi tun baatuln li ye Uwumbɔr aatotoorb na aatuln.

Ilahn 115:10

Nimi Uwumbɔr aatotoorb, li kpa limakl Uwumbɔr pu man. U ter nimi, le ki kii nimi.

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Nnyam 24:1

Uwumbɔr nan bui Moses ke, “Dan m chee lijool paab, aa ni Aaronn, ni Nadab, ni Abihu, ni Israel yaab aaninkpiib imonko itaa ni kipiik. Ni yaa laa bi dandar kan, ni gbaan kitiŋ ki doon mi.

Nnyam 24:9

Moses, ni Aaronn, ni Nadab, ni Abihu, ni Israel yaab aaninkpiib imonko itaa ni kipiik na nan buen lijool paab,

Nnyam 28:41

Aa di tiwanpeenkaan ngbaan ki di peen aakpel Aaronn ni waabijabim, ki nyan bi siin ki di olif aakpan kpir bi pu, aan bi li ye bitotoorb.

Nnyam 29:1

“Saah ga ŋa pu ki di kitork aatuln tii Aaronn ni ujapɔtiib aan bi li tun maatuln pu na sɔ. Aa ban unaaja ni ipihja ilee, i taa li kpa iween ibaa.

Nnyam 29:44

M ga ŋa Libool, ni kitork aabimbiln ngbaan chain. M ga nyan Aaronn ni waabijabim le bi li ye maatotoorb.

Nnyam 29:9

ki di ŋitan buu bichaŋ ni, ki ki di ŋitan buu biyil. Kina le aa ga kaan Aaronn ni ujapɔtiib bi li tun kitork aatuln. Bi ni biyaabitiib ga li tun kitork aatuln tii mi kina, le ki cha n‑yoonn mu kaa kpa ndoon na.

Nnyam 30:30

Aa di mu kpir Aaronn ni ujapɔtiib aayil pu ki ŋa bi bitotoorb aan bi li tun tii mi.

Nnyam 31:10

ni bitotoorb aawanpeenkaanyaan ki tii Aaronn ni ujapɔtiib, bi li joo tun kitork aatuln,

Nnyam 35:19

ni ŋibɔkunyaan ŋi bitotoorb ga li joo peeni n‑yoonn mu bi yaa ti ban bi tun lituln, chain aapepel ni na, ŋi ye ŋikekenyaan ŋi Aaronn ni ujapɔtiib bi ye bitotoorb na ga li peeni na.”

Nnyam 6:23

Aaronn nan yoor Eliseba, Aminadab aabisal u ye Nasonn aaninkpan na, le u nan ma Nadab, ni Abihu, ni Eleasar, ni Itamar.

Liifai Yaab 10:1

Nadab ni Abihu bi nan ye Aaronn aajapɔtiib na, nan yoor tiwan ni bi seer tulalee aayon mmii ni ponn ni na, ki ban mmiisakɔl ŋa ni ponn ni, le ki ban tulalee aayon paan ŋi pu ki di tii Uwumbɔr. Tɔ, mmii ngbaan aa nan ye chain aamii, ba pu? Uwumbɔr aa nan tii bi nsan ke bi ŋa kina.

Liifai Yaab 10:12

Moses nan ki bui Aaronn, ni ujapɔtiib Eleasar ni Itamar bi gur na ke, “Ni di njikaabim aatork ti gur ki nyan ni tijikaar aatork ponn ni, aan ni di tii Uwumbɔr na, ki ŋa boroboro u kaa kpa boroboro aanyɔk na, ki ŋmɔ u kitork aabimbiln chee, ba pu? ipiin ngbaan ye i bi chain na la.

Liifai Yaab 7:35

Tinann ti Uwumbɔr nan nyan ki siin ke bi li joo tii Aaronn ni ujapɔtiib, bundaal bi nan kaan bi bitotoorb na le bi na.

Liifai Yaab 8:1

Uwumbɔr nan bui Moses ke,

Liifai Yaab 8:2

“Di Aaronn ni ujapɔtiib buen Libool aabisamɔb chee nnimbiin ni, aan ki li joo ni bitotoorb aawanpeenkaan, ni nkpanmeenkaan, ni titunwanbir aatork aanaaja, ni ipihja ilee, ni boroboro u kaa kpa boroboro aanyɔk na kibɔɔkuuk kibaa,

Nkahm 18:7

Aa ni aajapɔtiib baanja le ga tun lituln li ye kitork ni kaabimbiln yaan na, ni Chain Chain Aapepel wɔb ni aatuln. Ŋitun ŋimina mɔmɔk ye nimi yaan la, ba pu? min le di kitork aatuln tii nimi ipiin. Unii u kaa ŋeer ke u tun lituln ngbaan na yaa dan tiwan ni m ŋa ni chain na chee kan, u ga kpo.”

Nkahm 26:61

Uwumbɔr nan faa ku Nadab ni Abihu, buyoonn bi nan di mmii mu kaa bi chain na see tulalee aayon tii u na.

Tibɔnyaan ti Luk ŋmee ti na 1:8

Uwumbɔr aatotoorb aakaal aah dii pu na, le bi lee Sekaria, u ti koo Uwumbɔr Aadichal ni ki see tulalee aayon. Waayoonn aah fuu ni na, le u koo Uwumbɔr Aadichal ni, u ti tun lituln limina.

Ikaal 10:6

Le Israel yaab nan fii Jaakann yaab aanyunbun ibaa chee, ki buen Mosera aatiŋ ni. Nima chee le Aaronn nan kpo, le bi sub u kitiŋ ngbaan ni, le ujapɔɔn u bi nan yin u ke Eleasar na nan kal ute aajal pu, ki ye utotoor.

Ikaal 18:5

Uwumbɔr le nyan nimi aanibol ponn ni Liifai yaab, ke bi li ye waatotoorb ki cha n‑yoonn mu kaa kpa ndoon na.

1 Samuel 2:28

Israel aamaal mɔmɔk ponn ni, m nan lee waadichal le ke bi li ye maatotoorb, ki li toor kitork libimbiln paab, ki see tiwan ni nu mɔ na, ki li pee bitotoorb aawanpeenkaan, ki li bi maadiik ni. M mu nan tii bi nsan ke bi li yeh kitork aanann ti bi joo seer mmii ponn ni na tibaa.