Nnyam 27:21 - Uwumbɔr aagbaŋ

²¹ Aaronn ni ujapɔtiib le ga di karyaa ngbaan siin Libool li ponn ni m ga li bi na, likekeln li bi Uwumbɔr Aakaal Aadakaa aanimbiin ni na aapuwɔb nima chee. Nnimbiin ni, karyaa ngbaan ga li gaal kijook ki ti saa kichakpiik ni. Israel yaab ni biyaabitiib li joo nkaal ngbaan ki cha n‑yoonn mu kaa kpa aadoon na.

Nnyam 27:21 ပူးပေါင်းရင်းမြစ်များ

Mpiin 1:5

ki yin nwiihn ke “Nwiin pu,” ki yin mbɔmbɔɔn ke “Kinyeek,” le ki nan joor ki woln kichakpiik ni. Njan aataak daal le na.

Mpiin 1:8

le Uwumbɔr yin nima ke “Kitaapaak.” Le ni ki joor ki ki woln kichakpiik ni. Winlee daal le na.

2 Bibɔrb Aabɔr 13:11

Bi tii Uwumbɔr kichakpiik ni, ni kijook mɔk aatulalee aayon aapiin, ki toor tiwakor ki joo seer mmii ni tii u. Bi tii u boroboro aapiin teebul u paab bi chain u chee na, le kijook mɔmɔk kan, bi seer karyaa tiib bi tɔk salmaa aawan pu na. Ti tun Tidindaan Uwumbɔr aah mɔk pu na la, le nima yii u.

Ilahn 134:1

Nimi Uwumbɔr aatutum mɔmɔk, dan ki nan pak u man, nimi bi mɔmɔk dooni u Waadichal ni kinyeek na, dan nan pak u man.

Nnyam 12:14

N‑yoonn mɔmɔk kan, ni pɔɔn nibaa ki li ji njim mue, aan ki li teer min Uwumbɔr aah ŋa pu na pu. Ni li ŋani kina n‑yoonn mu mɔmɔk choo na ni.”

Nnyam 16:34

Uwumbɔr aah nan bui Moses pu na, le Aaronn di ti ŋa Uwumbɔr Aakaal Aadakaa chee, ke ti li bi.

Nnyam 25:16

aan ki di ŋitakpapapan ŋilee ŋi ikaal kipiik i m ŋmee paan ŋi pu na di ŋa dakaa ngbaan ni.

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Nnyam 29:28

N‑yoonn mu maanib ti toor kimɔbaan aatork tii mi na, bitotoorb le yeh kiwakork ngbaan aabingbaal ni litaajal. Min le siin kina, kaan kpeln maalandak. Binib ngbaan aapiin i bi tii min Uwumbɔr na le na.

Nnyam 29:42

N‑yoonn mu choo na, ni li seer ipiin aatork ngbaan mmii ni ki tii mi, nnimbiin ni, Libool na aabisamɔb chee. Nima chee le m ga pii maanib, ki len aa chee tibɔr.

Nnyam 29:44

M ga ŋa Libool, ni kitork aabimbiln ngbaan chain. M ga nyan Aaronn ni waabijabim le bi li ye maatotoorb.

Nnyam 30:21

Bi li finni biŋaal ni bitaa, ki taa kpo. Bi ni baamaal li joo nkaal ngbaan ki cha n‑yoonn mu kaa kpa ndoon na.”

Nnyam 30:36

Aa ban ngem ki san, ni ŋa n‑yon, ki di koo Maabool ponn ni, aan ki ti di ni yɔk Uwumbɔr Aakaal Aadakaa aanimbiin ni. Aa li joo tulalee aayon ngbaan chain.

Nnyam 30:8

U yaa ki dan u nan see karyaa tiib kijook wɔb kan, u ki ŋa kina. Ni li seer tulalee aayon ngbaan tii mi n‑yoonn mɔmɔk, nibaa taa kiir nimi.

Nnyam 40:3

Aa di Dakaa u ponn ni Ikaal Kipiik bi na siin Libool ngbaan ni, ki di likekeln gbin u chee.

Liifai Yaab 10:9

“Aa ni aajapɔtiib yaa nyun ŋisubil aadaan, bee ndaan muken na kan, ni taa koo ni Maabool ponn ni; ni yaa ŋa kina kan, ni ga kpo. Aa ni saamaal li joo nkaal mue kina cha n‑yoonn mɔmɔk.

Liifai Yaab 16:34

Ni li joo ikaal ngbaan ki cha n‑yoonn mɔmɔk. Libiln ni kan, ni toor kitork ngbaan nfum mubaa, ki nyan Israel yaab mɔmɔk baatunwanbir ni, ki ŋa bi chain. Kina pu na, Moses nan ŋa Uwumbɔr aah tuk u pu na.

Liifai Yaab 17:7

Israel aanib taa ki yii Uwumbɔr ki li kɔr baawakor tisar, ni ŋinampal, ki toor kitork tii kinimbɔŋ. Israel aanib mɔmɔk li joo nkaal ngbaan ki cha n‑yoonn mɔmɔk.

Liifai Yaab 23:14

Ni taa pue ji nimi aajikaapɔnn tibaa aan ki nin ban nan tii ipiin, ni taa ŋmɔ ti tikaab, bee ni pu ti, bee ni ŋaan ti, see ni pue ban ti nan tii Uwumbɔr ipiin. Niyaabitiib mɔmɔk li joo ikaal imina, ki cha n‑yoonn mu choo na, hali bi yaa bi nin chee na kan, bi li ŋani kina.

Liifai Yaab 23:21

Liyaadaal ngbaan kan, ni kuun ni tɔb chee ki nan doon Uwumbɔr ki taa tun lituln libaa. Niyaabitiib li joo ikaal ngbaan n‑yoonn mɔmɔk, hali bi yaa bi nin chee na, bi li ŋani kina.

Liifai Yaab 24:2

u di tibɔr timina tuk Israel yaab mɔmɔk: Ni li joo ni olif aakpan mu ŋan mbamɔm na, bi li joo seer karyaa tiib Uwumbɔr Aabool ni, nima kan, karyaa tiib ngbaan ga li wiin n‑yoonn mɔmɔk.

Liifai Yaab 24:3

Kijook mɔk kan, Aaronn ga see karyaa tiib ngbaan mɔmɔk, ki cha bi li gaal kina ki ti saa kichakpiik ni, bi li si Uwumbɔr aanimbiin ni, likekeln li bi di gii ponn ni na aapuwɔb, Uwumbɔr Aakaal Aadakaa u bi Chain Chain Aapepel ni na chee. Ni li joo nkaal ngbaan ki cha n‑yoonn mu choo na.

Liifai Yaab 24:9

Aaronn ni waamaal le yeh boroboro ngbaan, aan bi li ŋmɔ u, chain aapepel ni, ba pu? tijikaar ngbaan ye chain le bi di tii Uwumbɔr; nima kan, bitotoorb mu ga kan ki ji.

Liifai Yaab 3:17

Israel yaab ubaa taa ji nkpan, bee nsin. Israel yaab mɔmɔk yaa bi nin chee mɔk na kan, bi li joo likoobil ngbaan ki cha n‑yoonn mu kaa kpa ndoon na.

Liifai Yaab 3:8

u di uŋaal paan uyil pu, ki kɔr u Libool na aabisamɔb chee. Bitotoorb ga di nsin yɔk yɔk kitork aabimbiln aapepel mɔmɔk ŋinaa pu,

Liifai Yaab 6:15

U di uŋaal lee n‑yon, ni nkpan, ni tulalee aayon mu paa mu pu na, ki di see libimbiln paab, mmii ni, ni li ye limɔkl ke u see n‑yon ngbaan mɔmɔk le mmii ni ki tii Uwumbɔr. Ipiin kina aaboln nu mɔ uma Uwumbɔr chee.

Liifai Yaab 7:36

Liyaadaal ngbaan le Uwumbɔr nan siin ke Israel yaab li joo ipiin ngbaan aanann timina ki joo tii bitotoorb. Ni ye nkaal mu ŋan ke Israel yaab li joo mu n‑yoonn mɔmɔk na la.

Malakai 2:7

Ni ye bitotoorb aatuln le ke bi mɔk binib Uwumbɔr aah sil ye pu na. Bima chee le binib ga buen ki ti bae maah ban pu na, ba pu? bima le ye min Uwumbɔr Mpɔɔnsakpiindaan aatutum.

Nkahm 18:23

N‑yoonn mue ki joo cha, Liifai yaab baanja le ga li tun Maabool ponn ni aatuln mɔmɔk, ki yeh li ponn ni aatork mɔmɔk. Nkaal mue si kina le ki tii saamaal mu. Le Liifai yaab mu aan li kpa lifaal libaa Israel yaab aatiŋ ni;

Nkahm 18:5

Sin, ni aajapɔtiib baanja le ga tun Chain Aapepel wɔb, ni kitork aabimbiln pu aatuln. Nima kan, maaŋuul aan ki fii Israel yaab pu.

Nkahm 19:21

N‑yoonn mɔmɔk kan, ni li joo nkaal ngbaan. Le unii u di nnyun ngbaan yɔk yɔk ke mu ŋa uken chain na, mu finn waawanpeenkaan; le unii umɔk meeh nnyun ngbaan na, u mu kpaln tijɔŋdaan le ki ti saa kijook wɔb.

Nkahm 35:29

Israel yaab, ni biyaabitiib yaa bi nin chee mɔmɔk na kan, bi li joo nkaal ngbaan.

Nkahm 8:9

Kuun ni Israel yaab mɔmɔk ki cha Liifai yaab sil Maabool aabisamɔb chee.

Matiu 4:16

nima aanib bi bi mbɔmbɔɔn ni na kan nwiihn sakpiin. Binib bi bi mbɔmbɔɔn ni, ki san nkun ijawaan na, nwiihn woln bi pu.”

Tibɔnyaan ti Luk ŋmee ti na 12:35

“Ni gor nibaa pu man, ki see nimi aakaryaa mam,

Jɔnn 5:35

Jɔnn nan bi ke karyaa u gaal mmii ki wiin na la. Ni nan gee ke ni li bi waawiihn ni, ni yunn siib, ki nan kpa mpopiin.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

2 Piita 1:19

Nima le mɔk timi ke Uwumbɔr aabɔnabtiib aah nan len Yesu aabɔr pu na, bi len mbamɔn la. Ni ŋan ke ni kii baah len pu na. Baaliin bi ke karyaa u wiin mbɔmbɔɔn ni na aah bi pu na. I ga woln ninimbil ki ti saa buyoonn Yesu Kristo ga gir ni ki nan woln ninimbil mbamɔm na.

Tibɔkpiirkaan 2:1

“Ŋmee kigbaŋ tii maanib bi bi Efesus aatiŋ ni na aatuun ke min Yesu u joo iŋmabi ilole ngbaan ŋŋangii ni, ki chuun salmaa aawan ni pu karyaa tiib tɔŋni na tiwan nilole na aakaasisik ni na le len tibɔr timina:

1 Samuel 3:3

le Samuel mu dɔ nin chee Uwumbɔr Aakaal Aadakaa nan bi na. Waahr aan ni nin woln na, buyoonn karyaa aa nan kee junn na,

1 Samuel 30:25

David nan ŋa nimina nkaal, le Israel yaab mɔmɔk dii mu ki nan saa din.