Nnyam 25:8 - Uwumbɔr aagbaŋ

⁸ Cha binib ngbaan ŋa Libool tii mi, nima kan, m ga li bi gbɔk bi.

Nnyam 25:8 ပူးပေါင်းရင်းမြစ်များ

1 Bibɔrb 6:13

M ga li bi saah bi maa Lidichal li na ponn ni, ki bi maanib Israel yaab chee. Maan di bi lii daalbaadaal.”

1 Bibɔrb Aabɔr 22:19

Kina pu na, li dii man Tidindaan Uwumbɔr ni nisui mɔmɔk. Piin man Uwumbɔr Aadichal aamaam, aan ki ŋmaa di Uwumbɔr Aakaal Aadakaa, ni tiwan ni mɔmɔk ye waadoon aawan ki bi chain na siin li ponn ni.”

Nnyam 15:17

Si le di bi kaan saajool pu, sin Uwumbɔr aah nyan nin chee ke ni li ye aado na, saadichal li aa maa li aabaa na ni.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 29:45

M ga li bi maanib Israel yaab chee, ki li ye Baawumbɔr,

Nnyam 29:46

le bi ga bee ke min le ye Bidindaan Uwumbɔr u nyan ni bi Ijipt aatiŋ ni na, nima kan, m ga ŋmaa li bi bi chee. Min le ye Bidindaan Uwumbɔr.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Esekiel 37:26

M ga puu tipuur ti ga tii bi lifuur ki ti saa n‑yoonn mu kaa kpa ndoon na tii bi. M ga maa bi kaan, ki cha bi pɔr kpee, ki di Maadichal siin baatiŋ pu, nin chee li ga li bi ki ti saa n‑yoonn mu kaa kpa ndoon na.

Esekiel 37:28

M yaa di Maadichal siin bikaasisik ni ki cha n‑yoonn mu kaa kpa ndoon na kan, n‑yoonn ngbaan le ŋitimbol ga bee ke min Uwumbɔr le lee Israel aanib ke bi li ye maanib.”

Esekiel 43:7

“Unibɔn, maabɔrjal sɔ do. M ga li bi do, maanib Israel yaab aakaasisik ni, ki li joo bi cha n‑yoonn mu kaa kpa ndoon na. Israel aanib, bee baabɔrb aan ki dii ŋiwaa, kaan ki sub baabɔrb do chee na ki jinn maayimbil li bi chain na inimɔɔn daalbaadaal.

Liifai Yaab 10:4

Le Moses yin ni Misael ni Elsafann bi nan ye Aaronn aaweeja Usiel aajapɔtiib na, ki nan bui bi ke, “Dan do man ki nan yoor ninaabitiib nya Uwumbɔr Aabool ni, ki di buen lipaal.”

Liifai Yaab 26:11

M ga li bi ni chee, Maabool li bi chain na ni, le maan di nimi lii kpala.

Liifai Yaab 4:6

ki di uŋanbik bɔ nsin ngbaan ni, ki di yɔk yɔk chain aakekeln chee, nfum mulole,

Sekaria 2:10

Uwumbɔr nan ki bui ke, “Jerusalem aanib, li gaa mpopiin aalahn. M choo m nan li koo ni chee la.”

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Nkahm 5:3

Binib bi kaa bi chain ngbaan na, ni nyan bi aan bi taa bii naah ka nin chee aan m bi nimi maanib aakaasisik ni na.”

Lituln 7:44

“Tɔ, tiyaajatiib nan joo ngban aabool timoor ni. Uwumbɔr nan joo ubaa mɔk bi libool ngbaan ponn ni la. U nan tuk Moses waah ga ŋa pu ki ŋa libool ngbaan na. Le Moses ŋa li Uwumbɔr aah mɔk u pu na.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Ikaal 12:11

Uwumbɔr ga nyan nibaa chee le tii timi, aan ti li dooni u nima, le maah mɔk nimi pu na, ni li joo ni nimi aapiin mɔmɔk: ni ye nimi aatork ki ni joo seer mmii ni na, ni kitork kiken, ni naah ga nyan nimi aawan kipiik ponn ni nibaa ni tii Uwumbɔr na, ni ipiin, ni ipiinkpaan i ni puu ke ni ga tii u na.

Hiibru Yaab 3:6

Kristo ma kan, u ye Uwumbɔr Aajapɔɔn, le ki joo Uwumbɔr aamaal mbamɔm. Timi le ye waamaal ni aanib. Ti yaa kpa lipobil ni mpopiin ki ti saa ndoon kan, ki yaa kaa joo beeni kan, ti ye waamaal yaab la.

Josua 22:31

Le utotoor Eleasar aajapɔɔn Fineas nan bui ke, “Dandana wee, ti bee ke Uwumbɔr bi ti chee. Naa yii waamɔb, kina pu le ni nyan Israel yaab mɔmɔk Uwumbɔr aatafadaan ni.”

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,