Nnyam 24:7 - Uwumbɔr aagbaŋ

⁷ U nan yoor tipuur aagbaŋ, ki ponn ni bi ŋmee Uwumbɔr aakaal ŋa na, le ki karn ki mpɔɔn pu ki tii binib ngbaan. Le bi bui ke, “Ti ga kii Uwumbɔr aamɔbon ki ŋa waakaal aah len pu na mɔmɔk.”

Nnyam 24:7 ပူးပေါင်းရင်းမြစ်များ

1 Bibɔrb 8:9

Moses aah nan di ŋitakpapapan ŋi ŋa u ponn ni, Sainai Aajool chee na baanja le bi Uwumbɔr Aakaal Aadakaa ngbaan ni, nibaa aa nan ki bi u ni ki kpee ŋi pu. Israel yaab aah nan nyan ni Ijipt aatiŋ ni, aan Uwumbɔr puu tipuur tii bi na, le Moses nan di ŋi ŋa u ponn ni.

2 Bibɔrb Aabɔr 15:14

Bi nan len mmɔpɔɔn pu ki puu Uwumbɔr aayimbil pu ke bi ga li joo tipuur ngbaan, le bi mɔmɔk teen mpɔɔn pu ki pii ikpiin.

Ilahn 50:5

U bui ke, “Kuun ni maanib bi kpa gaakii ki di kitork puu tipuur tii mi na tii ni mi.”

Ilahn 78:36

Tɔ, baamɔbon tee ye inyamɔn la; baabɔr mɔmɔk aa gbiini.

Nnyam 19:8

Le binib ngbaan mɔmɔk kpaan kii ke, “Ti ga ŋa tiwan nimɔk Uwumbɔr bui ke ti ŋa na.” Le Moses gir ki ti tuk Uwumbɔr kina.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Jeremia 42:6

Ni yaa ga bii tisui, bee ni yaa ga piir tisui kan, ti ga kii Tidindaan Uwumbɔr u ti bui ke aa mee u tii timi na aamɔb. Ti yaa kii tii u kan, ni ga li ŋan tii timi.”

Esekiel 16:8

“Maah nan ki jer nima chee na, le m kan ke aa ŋeer kibɔtiik. M nan di maabɔkul biin aa pu, le ki puu tii si ke m ga li gee si. Mbamɔn, m ni si nan ŋa tichar aamɔbaan, le aa kpaln m yoo.” Aadindaan Uwumbɔr aah len pu na le na.

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Lituln 13:15

Le unii ubaa karn Uwumbɔr Aagbaŋ ponn ni. U karn Moses ni Uwumbɔr aabɔnabtiib aah nan ŋmee pu na. Waah karn doo na, le mmeen aadiik aaninkpiib tun unii bi chee, ke u ti tuk bi ke bi yaa ban bi tuk binib tibɔr ti ga pɔɔk bitaakpab na kan, bi tuk bi.

Kolosiya 4:16

Bi yaa karn kigbaŋ kee tii nimi kan, ni cha bi karn ki tii Yesu aanib bi bi Laodisea aatiŋ ni na mu. Maah ŋmee kigbaŋ ki tii Laodisea aatiŋ aanib na, ni mu karn ki.

1 Tesalonika 5:27

M gaŋ nimi Tidindaan aayimbil pu ke ni cha bi karn kigbaŋ kee tii tinaabitiib mɔmɔk.

Josua 24:24

Le binib ngbaan bui Josua ke, “Ti ga li dii Tidindaan Uwumbɔr la, ki ga kii waah len pu na.”