Nnyam 24:4 - Uwumbɔr aagbaŋ

⁴ Le Moses ŋmee Uwumbɔr aakaal ngbaan mɔmɔk bil. Naah woln na, le u pue kichakpiik ni ki maa kitork aabimbiln lijool ngbaan aataab, le ki di ŋitakpal kipiik ni ŋilee mu ki di chɔɔn chɔɔn, le ŋitakpal ngbaan si Israel yaab aanaakɔsamɔi kipiik ni ilee na.

Nnyam 24:4 ပူးပေါင်းရင်းမြစ်များ

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 28:18

Naah chaa woln ni na, le Jakob pue fii kichakpiik ni, le ki yoor litakpal li u nan di uyil kur na, le ki di ŋum nima chee aan li li ye litakpateerkaan. U nan di nkpan kpir litakpal ngbaan pu ki di li tii Uwumbɔr,

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Mpiin 31:45

Nima pu na, Jakob nan yoor litakpal libaa le ki di ŋum, ke bi li teer kimɔbaan ngbaan aabɔr.

1 Bibɔrb 11:30

Ahija nan chuu peer waah nan pee libɔkupɔln li na, le ki kar kar li nfum kipiik ni mulee,

1 Bibɔrb 18:31

U nan ban ŋitakpal kipiik ni ŋilee, libaa mɔk si ŋinibol kipiik ni ŋilee ŋi joo Jakob aajapɔtiib aayimbil na. Jakob ngbaan le Uwumbɔr nan yin u ke Israel na.

Esra 6:17

Baah nan ban bi di li tii Uwumbɔr na, bi nan kɔr inaaja nkub, ni ipiih ikui ilee, ni ipihbi ikui inaa, ki toor kitork, le ki di iŋoob kipiik ni ilee toor titunwanbir aachapinn aatork; uŋoob ubaa mɔk si Israel aanibol kipiik ni ŋilee na aasisii.

Nehemia 10:1

Unii u nan puen ki ŋmee waayimbil na le nan ye Hakalia aajapɔɔn Nehemia, le Sedekia paan u pu ki ŋmee. Bimina mu le nan paan ki ŋmee:

Nnyam 17:14

Uwumbɔr nan bui Moses ke, “Ŋmee butɔb ngbaan aabɔr mɔmɔk bil, aan ti li ye nteerm n‑yoonn mɔmɔk. Tuk Josua ke m ga bii Amalek yaab mɔmɔk.”

Nnyam 17:15

Moses nan maa kitork aabimbiln nima chee le ki yin li ke, “Uwumbɔr le ye Maatuutaa.”

Nnyam 21:1

“Di ikaal yee ki di tii Israel yaab:

Nnyam 24:7

U nan yoor tipuur aagbaŋ, ki ponn ni bi ŋmee Uwumbɔr aakaal ŋa na, le ki karn ki mpɔɔn pu ki tii binib ngbaan. Le bi bui ke, “Ti ga kii Uwumbɔr aamɔbon ki ŋa waakaal aah len pu na mɔmɔk.”

Nnyam 28:21

Ŋitakpanyaan kipiik ni ŋilee ŋee pu, ni ŋmee Jakob aabijabim kipiik ni bilee na aayimbil paan ŋi pu, aan ni mɔk Israel yaab aanibol.

Nnyam 34:27

Uwumbɔr nan ki bui Moses ke, “Ŋmee tibɔr ngbaan bil; ba pu? tibɔr tee pu le m ga puu tipuur tii sin ni Israel yaab mɔmɔk.”

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Liifai Yaab 24:5

Ni ban n‑yon kuruwaa kipiik ni bilee ki ŋa boroboro kpin kipiik ni ŋilee.

Nkahm 17:2

“Tuk Israel aanib ke bi ban ŋidabil kipiik ni ŋilee tii ni si, linibol mɔmɔk aayidaan li joo ni libaabaa. Aa ŋmee uyidaan mɔk aayimbil paan waadabil pu,

Tibɔnyaan ti Luk ŋmee ti na 22:30

Le ni ga ji tijikaar ki nyu nnyun m chee maanaan ni, ki kal ŋibɔrjal pu, ki ji Israel yaab aanibol kipiik ni ŋilee tibɔr.”

Galantiya 2:9

Le Jems, ni Piita, ni Jɔnn, bi ye Yesu aanib aaninkpiib na, bee Uwumbɔr aah ter mi waatuln ponn ni pu na, le bi di biŋaal tii m ni Banabas ke naabitiib pu na, ki kii ke ni ŋan ke ti buen binib bi kaa ye Juu yaab na chee, aan bi mu buen Juu yaab chee.

Ikaal 31:9

Moses nan ŋmee Uwumbɔr Aakaal aagbaŋ ngbaan, le ki di mu tii Liifai yaab bi ye bitotoorb ki lik Uwumbɔr Aakaal Aadakaa na, ni Israel yaab aayidam.

Josua 4:20

Nima chee le Josua nan di ŋitakpal ŋi bi nan yoor ni Jɔɔdann Aamɔɔl ponn ni na kuun bil.

Josua 4:5

le ki bui bi ke, “Ni li cha Jɔɔdann Aamɔɔl ni, nin chee bi si tu Nidindaan Uwumbɔr Aakaal Aadakaa na. Ni mɔmɔk yoor litakpal libaabaa nibɔgbin pu, ŋi li si Israel yaab aanibol kipiik ni ŋilee na aasisii.

Tibɔkpiirkaan 21:14

Ligoln ngbaan kpa ŋidinyik kipiik ni ŋilee. Upihbo na aakpambalb kipiik ni bilee aayimbil ŋmee ŋidinyik ngbaan mɔmɔk pu.