Nnyam 24:3 - Uwumbɔr aagbaŋ

³ Moses nan buen ti tuk binib ngbaan Uwumbɔr aah bui u pu ki siin waakaal pu na mɔmɔk, le binib ngbaan mɔmɔk kpaan ki kii, ki bui ke, “Ti ga ŋa Uwumbɔr aah len pu na mɔmɔk.”

Nnyam 24:3 ပူးပေါင်းရင်းမြစ်များ

2 Bibɔrb Aabɔr 15:14

Bi nan len mmɔpɔɔn pu ki puu Uwumbɔr aayimbil pu ke bi ga li joo tipuur ngbaan, le bi mɔmɔk teen mpɔɔn pu ki pii ikpiin.

2 Bibɔrb Aabɔr 15:15

Juda aanib mɔmɔk nan kpa mpopiin ke bi di bisui mɔmɔk le puu tipuur ngbaan. Bi nan di mpopiin le doon Uwumbɔr, le u gaa bi iŋaal ilee ki tii bi nsuudoon ŋipepel mɔmɔk pu.

Ilahn 50:5

U bui ke, “Kuun ni maanib bi kpa gaakii ki di kitork puu tipuur tii mi na tii ni mi.”

Nnyam 19:8

Le binib ngbaan mɔmɔk kpaan kii ke, “Ti ga ŋa tiwan nimɔk Uwumbɔr bui ke ti ŋa na.” Le Moses gir ki ti tuk Uwumbɔr kina.

Nnyam 24:2

Sin baanja le ga fuu ni m chee, ubaa taa ki kpee aa pu. Israel yaab bi gur na ma taa duun ni lijool ngbaan chee.”

Nnyam 24:7

U nan yoor tipuur aagbaŋ, ki ponn ni bi ŋmee Uwumbɔr aakaal ŋa na, le ki karn ki mpɔɔn pu ki tii binib ngbaan. Le bi bui ke, “Ti ga kii Uwumbɔr aamɔbon ki ŋa waakaal aah len pu na mɔmɔk.”

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Hagai 2:5

Naah nan nyan ni Ijipt aatiŋ ni na, m nan puu ke m ga li bi ni chee n‑yoonn mɔmɔk. M beenin bi ni chee, kina pu na, ni taa san ijawaan man.

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Ikaal 11:1

“Ni li gee Nidindaan Uwumbɔr, ki li joo waakaal n‑yoonn mɔmɔk.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 4:5

“M di ikaal ngbaan mɔmɔk mɔk nimi, ke Ndindaan Uwumbɔr aah bui mi ke m ŋa pu na. Ni yaa ti gaa kitiŋ ngbaan ki koo nima kan, ni li joo ikaal ngbaan mbamɔm.

Ikaal 5:1

Moses nan yin ni Israel aanib ngbaan, le bi kuun ni tɔb chee, le u bui bi ke, “Israel yaab, li pel man ikaal imɔk m ban m di tuk nimi din wee na. Ni pɔɔn nibaa ki bae i, ki li joo i mbamɔm, ki taa yii i.

Ikaal 5:31

Sin Moses ma kan, gaar m chee do, aan m di maakaal, ni maamɔkm mɔmɔk tuk si. Aa di ikaal ngbaan mɔk binib ngbaan, nima kan, bi ga joo i mbamɔm, ki li bi kitiŋ ki m ban ke m di tii bi na ni.’

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.

Josua 24:21

Le binib ngbaan bui Josua ke, “Aayii, ti ga sil li dii Uwumbɔr la.”

Josua 24:22

Le Josua bui bi ke, “Nimi le ye nibaa aaseeraadam, ki len mbamɔn ke ni ga li dii Uwumbɔr la.” Le bi giin bui u ke, “Mbamɔn, timi le ye tibaa aaseeraadam.”

Josua 24:24

Le binib ngbaan bui Josua ke, “Ti ga li dii Tidindaan Uwumbɔr la, ki ga kii waah len pu na.”