Nnyam 24:11 - Uwumbɔr aagbaŋ

¹¹ Uwumbɔr aa nan ŋa Israel yaab aaninkpiib ngbaan nibaa; bi nan kan Uwumbɔr, le ki jin ki nyun.

Nnyam 24:11 ပူးပေါင်းရင်းမြစ်များ

Mpiin 16:13

Hagar nan baa ubaa ke, “M sil kan Uwumbɔr, le ki beenin bi limɔfal ni, ki ga ŋmaa tuk binib maah kan u pu na aa?” Le u nan yin Uwumbɔr u nan len u chee tibɔr na ke, “Sin le ye Uwumbɔr u waa mi na.”

Mpiin 18:18

Uyaabitiib ga li kpa mpɔɔn ki ŋa litimbokpaan, u pu le m ga ŋa tinyoor ŋa ŋinibol mɔmɔk pu.

Mpiin 31:54

U nan kɔr kiwakork ki toor kitork, lijool ngbaan paab, le ki nan chɔi waanib ngbaan, le bi dan nan jin tijikaar. Baah jin doo na, le bi mɔmɔk kpaan doon lijool ngbaan paab.

1 Bibɔrb 21:8

Le upii ngbaan buen ki ti ŋmee tigbann, le ki di Ahab aayimbil paan ti pu, ki di waapɔɔn mu nyii ti pu, le ki cha ti buen bininkpiib, ni binikpaam bi bi Jesreel aatiŋ ni na chee.

2 Bibɔrb Aabɔr 23:20

Butɔb aajab aaninkpiib, ni binib ngbaan aasalolm, ni ŋitun aaninkpiib, ni binib bi gur na mɔmɔk, ni Jehoyada nan kpaan le ki chɔr gɔngɔn ki di ubɔr nyan Uwumbɔr Aadichal ni ki di buen libɔrdichal ni. Bi nan dii nnaakɔsamɔb le ki koo, le ubɔr ti kal waabɔrjal pu.

Nehemia 2:16

Lituln aaninkpiib bi bi Jerusalem ni na aa nan nyi ke m buen nibaa chee, kaa ki nyi maah bi tun pu na mu. Ki ti saa liyaadaal ngbaan maa bui Juu yaab biken tibaa, bitotoorb, ni kitiŋ ni aaninkpiib, ni ŋitun aaninkpiib, ni unii umɔk nan bi tun lituln ngbaan na, maa nan bui ubaa tibaa.

Ilahn 139:5

Aa mann le ki ti goln mi ni kookoo; saapɔɔn le aa joo kii mi.

Nnyam 18:12

Jetro nan joo ni kiwakork ki bi ga di ki mɔmɔk see mmii ni na, ni tiwakor tiken, le ki nan toor kitork tii Uwumbɔr; le Aaronn ni Israel yaab aaninkpiib dii u buen, le bi ti jin kitork ngbaan, Uwumbɔr aanimbiin ni.

Nnyam 19:21

le Uwumbɔr ti bui u ke, “Sunn ki tuk binib ngbaan ke bi taa lakr nkuul na pu jer ke bi nan lik mi; bi yaa ŋa kina kan, pam le ga kpo.

Nnyam 24:1

Uwumbɔr nan bui Moses ke, “Dan m chee lijool paab, aa ni Aaronn, ni Nadab, ni Abihu, ni Israel yaab aaninkpiib imonko itaa ni kipiik. Ni yaa laa bi dandar kan, ni gbaan kitiŋ ki doon mi.

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Jeremia 14:3

Biwankpadam na tun baanaagbiib ke bi ti lu ni nnyun; le bi buen ŋibun ni, kaa ti kan nnyun; le ki tu ŋibukuun gir ni. Bilan ŋmal, le bitaakpab yɔl, le bi bɔrni.

Daniel 10:17

M gur naahn ke unaagbiija le aah si udindaan aanimbiin ni na. M ga ŋa kinye ki len aa chee tibɔr? Maa ki kpa mpɔɔn, bee kifuurk kibaa nwon ni.”

Nkahm 12:8

Nima pu na, m sii u chee le ki len, naa ye ŋiyataŋak ponn ni, le u kan maah bi pu na. Ni ŋa kinye aan ni galni maatutunn Moses kina?”

Nkahm 21:18

Inyunbun i bininyuum ni binib aayidam nan gbii na, cha nnyun puu niponn ni. Bi nan di ubɔr aajaak aajuk, ni baajaangbar le gbii i.” Bi nan nyan nteersakpiin ngbaan ni, le ki buen Matana aatiŋ ni,

Ikaal 12:7

Nidindaan Uwumbɔr u ŋa ni pu tinyoor na aanimbiin ni, le nimi, ni nimi aamaal mɔmɔk ga kpaan ki ji tiwanyaan nimɔk ni tun ki kan na.

Ikaal 4:33

Binib bibaa kee ŋun Uwumbɔr len tibɔr mmiigaal ni kina, ki beenin fu uu?

Bibɔjirb 13:22

Manoa nan bui upuu ke, “Tinimbil aah kan Uwumbɔr na, ti ga kpo.”

Bibɔjirb 5:13

Le mbamɔndam dan baasalolm chee; Uwumbɔr aanib nan dan u chee ke bi nan jan kijaak.