Nnyam 24:10 - Uwumbɔr aagbaŋ

¹⁰ ki ti kan Israel yaab Aawumbɔr. Tiwan nibaa nan bi utaa aataab ki naahn litakpanyaan li bi yin li ke safir na, ki bɔn timm ke kitaapaak na.

Nnyam 24:10 ပူးပေါင်းရင်းမြစ်များ

Mpiin 32:30

Jakob nan bui ke, “M kan Uwumbɔr aanimbil wɔb le ki laa beenin fu.” Nima pu le u nan yin nima chee ke Peniel.

Mpiin 32:31

Le nwiin aah puu buyoonn na Jakob nyan Peniel ki cha, le ki nan deeni ukpiik pu.

1 Bibɔrb 22:19

Mikaya nan ki len ke, “Tɔ, li pel man Uwumbɔr aah len pu na. M kan Uwumbɔr ka waabɔrjal pu paacham, le waatuuntiib mɔmɔk si gbɔk u.

2 Bibɔrb Aabɔr 6:17

Kina pu na, Israel yaab Aadindaan Uwumbɔr, cha saah nan puu pu tii saatutunn David na mɔmɔk gbiin kina.

Nnyam 24:11

Uwumbɔr aa nan ŋa Israel yaab aaninkpiib ngbaan nibaa; bi nan kan Uwumbɔr, le ki jin ki nyun.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 33:20

Maan cha aa kan nnimbil wɔb, ba pu? unii ubaa aan ŋmaa kan mi ki ki li fu;

Nnyam 33:23

M ga chuu nyan ŋŋaal aa pu, le aa ga kan mpuwɔb ki taa kan nnimbil wɔb.”

Solomonn Aalahn 5:14

Uŋaal dii tɔb mbamɔm la, le u ŋmaa ibuen i bi di ŋitakpanyaan ŋi kpa kidaak sakpen na di ŋmal i ponn ni na. Uwon joon ke uluub aanyin ŋi bi kpii ŋi, aan ki di ŋitakpanyaan tam ŋi na la.

Solomonn Aalahn 6:10

Ŋma yaar lik mi aan ni bi ke lichakpitaawoln aawiihn na? U ŋan le ki bi chain, ki moor lak lak ke nwiin ni uŋmal na, le waanyaan bi ke bijab bi cha butɔb ni na aatuutaa.

Inandalahn 4:7

Timi aayidam nan ye binib bi kaa kpa tijɔŋ ki piin chain ke nkokoyon na la, bi nan kpa mpɔɔn, ki kpa laafee.

Esekiel 1:1

Ŋibin piitaa aaŋmanaa aawiin iŋmu daal, le min Esekiel u aate ye Busi, aan m ye utotoor na, ni Juu yaab biken bi nan bi tinaagbiir ni na, nan koo gbɔk Kebar Aamɔɔl, Babiloŋ aatiŋ ni. Kitaapaak nan chuu piir, le Uwumbɔr kpiir ubaa mɔk mi.

Esekiel 10:1

M nan lik tiwan ni naahn tidipimoor ki bi tiwan ni kpa ifeen ngbaan na aayil paab na, le ki kan tiwan ni bi ke libɔrjal li bi di ŋitakpanyaan ŋa li na nipaacham.

Daniel 10:17

M gur naahn ke unaagbiija le aah si udindaan aanimbiin ni na. M ga ŋa kinye ki len aa chee tibɔr? Maa ki kpa mpɔɔn, bee kifuurk kibaa nwon ni.”

Nkahm 12:8

Nima pu na, m sii u chee le ki len, naa ye ŋiyataŋak ponn ni, le u kan maah bi pu na. Ni ŋa kinye aan ni galni maatutunn Moses kina?”

Matiu 17:2

Le uwon kpeln binimbil ni. Unimbil wɔb wiin ke nwiin aah wiin pu na. Le waawanpeenkaan kpaln tiwanpipinn ke nwiihn aah piin pu na.

Jɔnn 1:18

Ubaa aa kee kan Uwumbɔr. Ujapɔnbaal Yesu Kristo, u bi ke Ute Uwumbɔr aah bi pu na, ki bi u chee na, uma le tuk timi Uwumbɔr aah bi pu na.

Jɔnn 14:9

Le Yesu baa u, “Filip, m bi ni chee ni yunn kina, le saa bee mi ii? Unii umɔk kan mi na, u kan Nte Uwumbɔr mu le na. Ba pu aa bui mi ke m mɔk nimi Nte?

Jɔnn 6:46

Ubaa aa kee kan Nte Uwumbɔr. Min u nyan ni u chee na baanja le kan u.

1 Timoti 6:16

Uma baanja le ye limɔfal li kaa kpa ndoon na Aadindaan. U bi nwiihn ni la. Ubaa aan ŋmaa duun mu ni. Ubaa aanimbil aa kee kan u. Ubaa mu aan ŋmaa kan u. Cha binib mɔmɔk nyuŋ u, ki kii waamɔb n‑yoonn mu kaa kpa ndoon na. Amii.

1 Jɔnn 4:12

Unii ubaa aa kee kan Uwumbɔr. Ti yaa gee tɔb kan, Uwumbɔr bi ti ni la, nima le ti gee tɔb mbamɔm, waah ban pu na.

Tibɔkpiirkaan 1:16

Le u joo iŋmabi ilole uŋangii ni. Kijaak aajuk ki ka ŋipepel mɔmɔk ŋilee na mu bi umɔb ni. Unimbil wɔb wiin chain, ke nwiin aah wiin chain pu nwiin pu na.

Tibɔkpiirkaan 21:11

ki wiin chain Uwumbɔr aanyuŋ pu, ki wiin chain ke lichachatakpal li kpa kidaak aan bi yin li ke Jaspa na aah wiin pu na.

Tibɔkpiirkaan 4:3

U ka li pu na wiin chain ki piin, ki man. Waakpimanja u ye likal na mu lur goln libɔrjal ngbaan.