Nnyam 23:8 - Uwumbɔr aagbaŋ

⁸ Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Nnyam 23:8 ပူးပေါင်းရင်းမြစ်များ

Ilahn 15:5

U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.

Ilahn 26:10

ni binib bi tun titunwanbir n‑yoonn mɔmɔk ki gor bibaa n‑yoonn mɔmɔk ke bi gaa igaŋgaŋlik na chee.

Ŋiyataŋak 15:27

Ukumɔndaan ban tibɔr tii waadichal la, le unii u yii igaŋgaŋlik na kpa limɔfal.

Ŋiyataŋak 17:23

Bibɔjirb bi kpa beebee na looni gaal igaŋgaŋlik la, kina pu na, mbamɔn aan ŋmaa ŋa.

Ŋiyataŋak 17:8

Binib bibaa dak ke igaŋgaŋlik tun ke nnyɔk na la; bi kpa gaakii ke i ga ŋmaa ŋa tiwan mɔmɔk tii bi.

Ŋiyataŋak 19:4

Binib bi kpa liwankpal na kani jɔtiib n‑yoonn mɔmɔk la, le bigiim ma aa ŋmaa joo baah kpa jɔtiib siib bi na.

Ulandaan 7:7

Unii u kpa nlan na yaa jin unii pem pem kan, u ŋani ke ujɔr na la. Aa yaa gaa igaŋgaŋlik kan, aa bii saabimbin le na.

Aisaya 1:13

Nimi aapiin i ni joo ni na aa kpa tinyoor tibaa. Naah seer tulalee aayon mu na kpa mi liŋuul la. Nimi aaŋmapɔɔn aajim, ni nimi aakpaakool daal aajim, ni naah kuuni pu na, maa gee ni, ni di nimi aatunwanbir bii ni mɔmɔk a.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 33:15

Ni yaa len ki ŋani ni ŋan na kan, ni ga ŋmar. Taa di man nimi aapɔɔn di ji bigiim, ki taa gaa igaŋgaŋlik. Ni taa kpaani binib bi kpokl ke bi ku unii, bee binib bi tun titunwanbir na chee.

Aisaya 5:22

Nimi aadoon le na, nimi bi ye ndaan aakpalba aajakaandam na. Ni chee ti ye ke bi di ndaan chee tɔb ponn ni na, nima chee le ni kaar.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Hosea 4:18

Bi yaa ti nyun ndaan bab kan, le bi fii lir kidagook pu, le ki neen inimɔɔn n‑yoonn ngbaan ki jer kipak.

Amos 5:12

M nyi nimi aatunwanbir sakpenn ti ni ŋani na aakahm. Ni ŋani binibamɔm mbiin, le ki gaal igaŋgaŋlik, le ki cha bigiim aa ŋmaa kani ibamɔn libɔjil ni.

Maika 7:3

Bi mɔmɔk ye binib bi nyi titunwanbir aatuln na la. Ŋitun aaninkpiib, ni bibɔlem ban igaŋgaŋlik la. Binib bi kpa mpɔɔn na len baah ban pu na la, le bi kpaani ki kpokl.

Ikaal 10:17

Nidindaan Uwumbɔr le jer dindatiib mɔmɔk, le ki kpa mpɔɔn mu ki jer ipɔɔn mɔmɔk. Waah ye usakpiin ki kpa mpɔɔn na, le ni ŋeer ke ti li san u ijawaan. Waa kpa imaagann, le kaa gaal igaŋgaŋlik.

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

1 Samuel 12:3

Min le na. M yaa ŋa ubaa tibaa kan, galn mi man dandana wee, Uwumbɔr ni waah lee ubɔr u na aanimbiin ni. M gaa ubaa aanaa bee ubaa aabon aa? M jin ubaa pem pem, bee m muk ubaa aa? M gaa ubaa chee igaŋgaŋlik aa? M yaa ŋa nimina ponn ni nibaa kan, m ga pa maah gaa ni na.”

1 Samuel 8:3

Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.