Nnyam 23:32 - Uwumbɔr aagbaŋ

³² Ni taa kpaan bi chee ki ŋa kimɔbaan, ki taa kpaan bi chee ki dii baawaa mu.

Nnyam 23:32 ပူးပေါင်းရင်းမြစ်များ

Ilahn 106:35

bi tee labr, le bi ni bima yoor tɔb aabim, le ki gaa binib ngbaan aabimbin,

Nnyam 23:13

“Tibɔr timɔk m len na, ni ŋun tii min Uwumbɔr. Ni taa dooni liwaal libaa; hali ni taa yin ŋaayimbil.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Nnyam 34:12

Ni taa kpaan binib ngbaan chee ki ŋa kimɔbaan; ba pu? ni yaa ŋa kina kan, ni ga cha ni yenn.

Nnyam 34:15

Ni taa kpaan binib ngbaan chee ki ŋa kimɔbaan, ba pu? n‑yoonn mu bi toor baawaa na kan, bi ga chɔi nimi, ni ji kitork aajikaar ngbaan.

2 Korenti 6:15

Kristo ni kinimbɔŋ ga li ŋmaa kpaan kimɔbaan aa? Unii u dii Yesu aasan na, ni unii u kaa dii na aabimbin kpaan aa?

Ikaal 20:18

Ni ku bi mɔmɔk, nima kan, baan ŋmaa ŋmann nimi, ni ŋa tiwan ni kaa ŋan na, ke baah dooni baawaa pu na. Ni yaa ŋa kina kan, ni ga li ye titunwanbir Uwumbɔr aanimbiin ni.

Ikaal 31:5

Uwumbɔr le ga cha ni nyaŋ bi; ni ŋa bi tiwan nimɔk m bui nimi ke ni ŋa bi na.

Ikaal 7:1

“Nidindaan Uwumbɔr le ga di nimi koon kitiŋ ki ni cha ni ti gaa ki na ponn ni. Le ni yaa tur koo ki ponn ni kan, u ga jenn nyan ŋinibol pam. U ga jenn nyan Hef yaab, ni Girgas yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab. Ŋinibol ŋilole ngbaan wiir, ki kpa mpɔɔn jer nimi.

Ikaal 7:16

Ni ku ki kuln ŋinibol ŋimɔk Nidindaan Uwumbɔr di ŋa niŋaal ni na, ki taa san bi kinimbaak. Ni taa li dooni baawaa, kina aa ŋan, ŋi ga bii nimi.

Ikaal 7:2

N‑yoonn mu Nidindaan Uwumbɔr ti di binib ngbaan ŋa nimi aapɔɔn ni, aan ni nyaŋ bi na kan, ni ku doo bi kookoo. Ni taa ŋa bi nimaantɔtiib, ki taa li san bi kinimbaak.

Josua 10:40

Josua nan nyaŋ kitiŋ ngbaan mɔmɔk. U nan nyaŋ bibɔrb bi aatim nan bi ŋigongon paab na, ni liwipuul wɔb aafataŋ aatim, ni ntim mu bi liwilir wɔb, ŋigongon aataab na, ni mu bi nteer pu ki cha ŋŋangii wɔb na. U nan ku binib ngbaan mɔmɔk, waa nan cha unii ubaa gur ki ŋmar. Kina le Israel yaab Aadindaan Uwumbɔr nan bui ke bi ŋa.

Josua 9:7

Tɔ, Israel yaab nan bui bi ke, “Ba ŋa aan ni ban ke ti ŋa kimɔbaan? Nibaakan, nido aa daa do.”

Bibɔjirb 2:2

Ni taa puu tipuur tibaa tii binib bi koo kitiŋ kee ponn ni na. Ni ber baawaa aatork aabimbin.’ Le ni yii, kaa ŋa maah tuk nimi pu na. Maah tuk nimi ke ni taa ŋa pu na le ni tee ŋa.