Nnyam 23:23 - Uwumbɔr aagbaŋ

²³ Maatuun le ga loln ni pu nsan ki di nimi buen kitiŋ ki ye Amor yaab, ni Hef yaab, ni Peris yaab, ni Kanaann yaab, ni Hif yaab, ni Jebus yaab aatiŋ na, le m ga kuln bi mɔmɔk.

Nnyam 23:23 ပူးပေါင်းရင်းမြစ်များ

Mpiin 24:7

Uwumbɔr u ye paacham aadindaan na, uma le nyan ni mi nte do, ni ndo yaab aatiŋ ni, le ki puu ke u ga di kitiŋ kimina tii m ni n‑yaabitiib. Uma le ga cha waatuun loln aa pu nsan, nima kan, aa ga ti kan upii ki nan tii njapɔɔn.

Mpiin 34:2

Ubɔr Hamor u nan ye Hif aanii na aajapɔɔn Sekem nan kan Daina, le ki chuu u mpɔɔn ki doon u chee.

Nnyam 18:8

Moses nan tuk Jetro, Uwumbɔr aah ŋa Ijipt yaab aabɔr, ni waanib pu, aan ki gaa Israel yaab lii na. U nan ki tuk u ŋimuk ŋi bi kan nsan ni aan Uwumbɔr gaa bi lii na mɔmɔk.

Nnyam 23:20

“M ga cha maatuun loln ni pu nsan ki li kii nimi, naah ga li chuun cha nin chee m gor kiir nimi na.

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 32:2

Le Aaronn bui bi ke, “Chuu nyan ni tafajɔn bi nipuutiib, ni nijapɔtiib, ni nibisatiib tuu na, ki li joo ni bi man.”

Aisaya 5:13

Kina pu na, bi ga yoor nimi di buen tinaagbiir ni. Nkon ga ku nimi aayidam, le nnyunyuu ku bigiim na mu.

Ikaal 9:3

Ni ga kan, ki bee nibaa, ke Nidindaan Uwumbɔr ga loln ni pu nsan, ke mmii mu pɔɔ na. Naah tur koo bi ni pu na, le u ga nyaŋ bi, aan ni jenn nyan bi woween, ki kuln bi, ke waah nan puu pu na.

Josua 23:9

Naah piin ki choo na, Uwumbɔr le cha ni nyaŋni ntikpaam, ni mpɔɔndam aanibol, ki nyani bi baatim ni, ubaa aa kee nyaŋ nimi.

Josua 5:13

Buyoonn Josua nan bi gbɔk Jeriko aatiŋ na, le uja ubaa kpaan nyan sil u chee, unimbiin ni, le ki joo kijaak aajuk. Josua nan buen u chee le ki ti baa u ke, “Aa ye timi aajab ponn ni ubaa, bee aa ye timi aadin la?”

Josua 9:1

Jɔɔdann aamɔɔl aawilir wɔb aabɔrb mɔmɔk nan ŋun Israel yaab aah nyaŋni baadim pu na. Bibɔrb bi nan ka ŋigongon pu, ni ŋigongon aataab, ni bi ka kpak Kaasisik ni Aanyusakpem, ki ti saa ŋŋangan wɔb, Lebanonn aatiŋ ni na; bibɔrb ngbaan nan ye Hef yaab, ni Amor yaab, ni Kanaann yaab, ni Peris yaab, ni Hif yaab, ni Jebus yaab aabɔrb la.