Nnyam 23:18 - Uwumbɔr aagbaŋ

¹⁸ “Ni yaa ban ni di kiwakork toor kitork tii mi kan, ni taa di boroboro u kpa boroboro aanyɔk na tii mi. Le tiwakor ti ni di toor kitork tii mi njim mutaa mue ni na aakpan taa sil ki woln kitaak.

Nnyam 23:18 ပူးပေါင်းရင်းမြစ်များ

Nnyam 12:10

Ni taa gur ti ki woln kitaak; tibaa yaa gur, baa ŋmaa ŋmɔ ti doo kan, bi see ti mmii.

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:8

Kinyeek ngbaan le bi ga pu tinann ngbaan mɔmɔk, ki kpaan di ti ni tifar ti cho na, ni boroboro u kaa kpa boroboro aanyɔk na, ki ŋmɔ ni mɔmɔk ŋmal tɔb ni.

Nnyam 16:19

Le Moses bui bi ke, “Ubaa taa gur tijikaar ngbaan ti woln kitaak.”

Nnyam 29:34

Tinann ni tijikaar ngbaan ngem yaa gur ki woln kitaak kan, ni di ti see mmii, ni taa ki ji ti, ba pu? ti ye chain la.

Nnyam 34:25

“N‑yoonn mu ni di kiwakork toor kitork na kan, ni taa di boroboro u kpa nnyɔk na kpaan tii mi. Ni yaa di kiwakork toor Lakr‑jer Aajim aatork kan, ni taa cha tinann ngbaan gur ki woln kitaak.

Liifai Yaab 2:11

Bi yaa ban bi tii Uwumbɔr njikaabim aapiin kan, bi taa ŋa boroboro aanyɔk mu ni, bi yaa ban bi tii kina aapiin kan, bi taa ŋa boroboro aanyɔk, bee tisiir.

Liifai Yaab 7:12

Unii yaa ban u toor kitork kina aan ni li ye idoon aapiin ki tii Uwumbɔr kan, u ban tijikaar aapiin imina ki di kpee kitork aawakork pu: Boroboro u baa di boroboro aanyɔk ŋa u ni na, ki di olif aakpan ŋmal waayon ni, bee ni pu maab ki di olif aakpan gbaa u, bee ni di olif aakpan ŋmal n‑yon ni, ki ken maab.

Liifai Yaab 7:15

Bundaal bi di kiwakork ngbaan toor kitork na, bi ŋmɔ tinann ngbaan kookoo, ki taa cha ti gur ki woln kitaak.

Ikaal 16:4

Iwiin ilole ngbaan aayoonn, nimi aatiŋ ni aanii ubaa taa li kpa boroboro aanyɔk udo. Tiwakor ti ni kɔr njan aawiin daal, kijook wɔb na, ni mɔmɔk ŋmɔ nimi aawakor aanann doo kinyeek ngbaan.