Nnyam 23:12 - Uwumbɔr aagbaŋ

¹² “Ni li tun lituln iwiin iloob likpaakool ni, ni taa tun lituln libaa winlole daal, nima kan, nimi aanaagbiib, ni biwɔwɔm bi tun tii nimi na, ni nimi aawakor mu ga fuur liyaadaal ngbaan.

Nnyam 23:12 ပူးပေါင်းရင်းမြစ်များ

Nehemia 13:16

Taya aajab bibaa nan koo Jerusalem ponn ni, le bi mu joo ni ijan ni tiwan mɔmɔk aabɔŋ ki di koo ni Jerusalem aatiŋ ponn ni ke bi nan kooh tii timi aanib Likpaakool daal.

Nnyam 16:23

le u bui bi ke, “Uwumbɔr siin nkaal ke fen fe ye lifuur aawiin la, le ki tii u. Din wee, ni ken naah ban ni ken tijikaar ti na, ki ŋaan naah ban ni ŋaan ti na mu. Ti gur na kan, ni di siin kiir fen.”

Nnyam 23:11

Libilolole ni kan, ni taa ko tisar, ki cha kitiŋ ngbaan doon ki gir nkpaatan, ki taa chee ŋidileen ni tijikaar ti mɔmɔk punn ti ponn ni na. Bigiim mu ga ŋmaa chee ti ki ji, le ipeel mu ŋmɔ ti gur na. Ni ŋa nimi aasubil aasar, ni olif aakpan aasui aasar mu kina.

Nnyam 34:21

“Ni kpa iwiin iloob le ni di tun nimi aatuln, ni taa tun nibaa winlole daal, ni yaa ye likuul yoonn, bee liwancheel yoonn kan, ni taa tun nibaa liyaadaal ngbaan.

Nnyam 35:2

ni kpa iwiin iloob, ni li tun nibaa aatuln, winlole daal ma kan, ni li joo mu chain, ni di mu tii mi Uwumbɔr, nwiin ngbaan li ye lifuur daal. Unii umɔk tun lituln nwiin ngbaan daal na kan, ni ku u.

Nnyam 35:3

Uwumbɔr aakpaakool ngbaan daal kan, ubaa taa tuur mmii udo lichiln ni.”

Aisaya 58:3

Binib ngbaan baa ke, “Ba ŋa ti lulni bumɔb, le Uwumbɔr aatafal aa bi ti ni? Ba ŋa ti sunn tibaa taab, le waa pel ti chee?” Uwumbɔr bui bi ke, “Mbamɔn aah ye pu na le ye ke n‑yoonn mu ni lul bumɔb na, le ni bi ban nibaa aageehn le ki muk nimi aatutum.

Liifai Yaab 23:3

Ni kpa iwiin iloob, ni di tun nibaa aatuln. Ni teer ke winlole daal ye Likpaakool la, ni kal fuur liyaadaal. Liyaadaal kan, ni taa tun lituln. Ni kuun ni tɔb chee ki nan doon Uwumbɔr. Uma Uwumbɔr le yeh Likpaakool daal, ni yaa bi nin chee na kan, ni li nyi ke nwiin ngbaan ye Uwumbɔr aawiin la.

Tibɔnyaan ti Mak ŋmee ti na 2:27

“M tuk nimi la, unibɔn pu le likpaakool daal bi, naa ye likpaakool daal pu le unibɔn bi.

Tibɔnyaan ti Luk ŋmee ti na 13:14

Yesu aah cha upii ngbaan pɔɔk likpaakool daal na, nima le cha mmeen aadiik ni aaninkpel gee liŋuul Yesu pu, le ki bui kinipaak ngbaan, “Iwiin iloob le bi likpaakool aakaasisik ni, ti li tun lituln, ki cha likpaakool daal. Nima pu na, ni dan iwiin iloob ngbaan aakaasisik ni aan u cha ni pɔɔk. Ni taa ki dan nan ban laafee likpaakool daal.”