Nnyam 23:11 - Uwumbɔr aagbaŋ

¹¹ Libilolole ni kan, ni taa ko tisar, ki cha kitiŋ ngbaan doon ki gir nkpaatan, ki taa chee ŋidileen ni tijikaar ti mɔmɔk punn ti ponn ni na. Bigiim mu ga ŋmaa chee ti ki ji, le ipeel mu ŋmɔ ti gur na. Ni ŋa nimi aasubil aasar, ni olif aakpan aasui aasar mu kina.

Nnyam 23:11 ပူးပေါင်းရင်းမြစ်များ

Nehemia 10:31

Biwɔwɔm yaa joo tijikaar bee tiwan nimɔk Likpaakool daal, bee nwiin mumɔk bi chain na, ke bi nan kooh ti pu na kan, taan daa ni. Libiln lolole mɔk ni kan, ti ga di timi aasar aatim lii ki taa ko mu, ki di cha pinn bi mɔmɔk joo timi aapɔn na mu, bi taa ki pa timi.

Nehemia 10:32

Libiln mɔk kan, ti mɔmɔk ga tii tikunabr siib baah nan siin pu na ki di ter Uwumbɔr Aadichal aatoorn pu.

Nnyam 23:10

“Ŋibin ŋiloob ni, ni li ko nimi aasar ki chee naah kan pu na.

Nnyam 23:12

“Ni li tun lituln iwiin iloob likpaakool ni, ni taa tun lituln libaa winlole daal, nima kan, nimi aanaagbiib, ni biwɔwɔm bi tun tii nimi na, ni nimi aawakor mu ga fuur liyaadaal ngbaan.

Liifai Yaab 25:20

Nibaakan, ubaa ga baa ke, “Libilolole ni, ti yaa kaa kon ki mu aa chee kan, ti ga ji ba?”

Liifai Yaab 25:22

Le ni yaa kon ki bun nimi aasar ni njikaabim libininiin ni kan, ni ga li beenin kpa libiloloob aabiln aajikaar ki ji, ki ti saa tijikaar ti ni kon libiln ngbaan ni na aan ki nin chee ti.

Nkahm 16:14

Mbamɔn, saa di timi dan kitiŋ ki kpa nkpaatanyaan na ponn ni, ki mu aa tii timi tikpaasar ni ŋisubil aasui, le aa pɔɔni aabaa ke aa ŋmann timi. Taan dan.”

Ikaal 15:11

Mbamɔn, n‑yoonn mɔmɔk kan, nimi Israel yaab ngem ga li ye bigiim, kaan li kpa, le ki ga li ban nterm. Nima pu na, m ban ke ni li kpa tibulchinn ki ter bi.