Nnyam 23:1 - Uwumbɔr aagbaŋ

¹ “Ni taa di inyamɔn aabɔr ki moon lipaal, ki taa gii inyamɔn ke aa di gaa mbiindaan lii.

Nnyam 23:1 ပူးပေါင်းရင်းမြစ်များ

Mpiin 39:17

Le u tuk uchal ke, “Hiibru aanaagbiija u aa joo ni na, uma le koo ni u nan chuu mi mpɔɔn ki doon m chee.

2 Samuel 16:3

Le ubɔr David baa u ke, “Sɔɔl aayaabil Mefibosef bi la chee?” Le Siba bui u ke, “U bi Jerusalem ni; ba pu? u kpa gaakii ke Israel yaab ga giin u nan kaan uyaaja Sɔɔl aanaan ni.”

2 Samuel 19:27

U nan ti mɔln inyamɔn le paan mi, si Mpɔɔndaan chee. Tɔ, Mpɔɔndaan, aa naahn Uwumbɔr aatuun la, kina pu na, ŋa mi saah dak ke ni ŋeer mi pu na.

Ilahn 101:5

M ga jenn nyan unii umɔk looni len titunwanbir uŋeen aatɔ pu na; maan kii tii unii u kpa kigaak ni inimpoo na.

Ilahn 120:3

Nimi binyamɔndam, Uwumbɔr ga ŋa nimi kinye? U ga daa nitafal kinye?

Ilahn 15:3

kaa bii biken aayimbil na le ga ŋmaa koo. Waa ŋani uŋeen aatɔ taani, kaa mooni tibɔr ti kaa gbii na uŋeen aatɔ pu.

Ilahn 27:12

Taa di mi lii aan maadim bi joo inyamɔn ni nfaan tak mi na pii mi.

Ilahn 35:11

Titunwanbirdam mɔnn inyamɔn paani mi, ki galni mi taani u pu maa nyi na.

Nnyam 20:16

“Aa taa mɔn nnyamɔn paan unii ubaa.

Nnyam 23:7

Ni taa gii inyamɔn ki paan unii ki galn u, ki taa ku unii u kaa kpa taani na; ni yaa ŋa kina kan, m mu ga bii unii u ŋa mbiin ngbaan aaboln na.

Ŋiyataŋak 10:18

Unii u joo waananaŋ bɔrni na ye unyamɔndaan la. Unii u mu ye ubɔmbɔtukr na mu ye ujɔr la.

Ŋiyataŋak 12:17

Aa yaa len ibamɔn kan, ni toor tibɔr la, le inyamɔn ma joo ni tiwan ni kaa ŋan na.

Ŋiyataŋak 14:5

Saah ga ŋmaa nyu useeraadaan u pu baala na len ibamɔn n‑yoonn mɔmɔk la, le saa kaan ŋmaa nyu u pu baala na ma geei inyamɔn ŋmeen la.

Ŋiyataŋak 17:4

Titunwanbirdam le pel ilandak i kaa ŋan na, le binyamɔndam mu pel inyamɔn aabɔr.

Ŋiyataŋak 19:28

Useeraadaan yaa nyan sil ke u ŋa unii mbiin kan, ibamɔn aa bi nima. Bibiindam gee ke bi lak kinimbɔŋ ki lik la.

Ŋiyataŋak 19:5

Aa yaa geei inyamɔn libɔjil ni kan, aa ga kan ntafadaan; saan nyan mu ni.

Ŋiyataŋak 19:9

Unii ubaa aa geei inyamɔn libɔjil ni ki nya ntafadaan ni, waamɔfal junn la.

Ŋiyataŋak 21:28

Ubaa aa tii unyamɔndaan aaseeraa naadii, ulandakdaan ma aaseeraa kan, bi mɔmɔk tii u naadii la.

Ŋiyataŋak 24:28

Taa ŋa seeraadaan tii unii kaa nyi tibɔr ngbaan aabamɔn. Taa gii inyamɔn paan unii ubaa.

Ŋiyataŋak 25:18

Unii yaa gii inyamɔn paan si kan, ni ga ŋmaa ku si ke kijukaan, ni lichakukul, ni nlapiin aah ku pu na la.

Ŋiyataŋak 25:23

Linibiil joo ni liŋuul ke ntaanjon wɔb aabuln aah joo ni utaal pu na.

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Liifai Yaab 19:11

“Ni taa su kinaayuk, bee ni ji niŋeen aatɔ pem pem, bee ni gii inyamɔn.

Liifai Yaab 19:16

Ni taa li geei inyamɔn paani unii ubaa. Bi yaa bi ji unii ubaa aabɔr aan u ban u nyan nkun ni, aan aa nyi ke u kpa mbamɔn kan, ter u ki gaa u lii. Min le ye Uwumbɔr.

Matiu 19:18

Le u ki baa u, “Mulakaal?” Le Yesu bui u, “Taa ku binib; taa gɔr kidagook; taa su kinaayuk; taa li ye nnyamɔn aaseeraadaan;

Tibɔnyaan ti Luk ŋmee ti na 19:8

Tɔ, Sakeus nan fii sil, ki bui u, “Ndindaan, lik, m ga di maawankpal ligeln tii bigiim la. Maah nan jin binib bi aawan na, m ga giin kina nfum munaa le ki di tii bi.”

Tibɔnyaan ti Luk ŋmee ti na 3:14

Le butɔb aajab mu baa u, “Ti mu ga ŋa kinye?” Le u bui bi, “Ni taa gaa unii ubaa aamombil mpɔɔn man, ki taa galn unii u kaa kpa taani na. Cha ninimbil gbiin nimi aapal.”

Jɔnn 7:51

“Timi aakaal aah dii pu na, ti ga ŋmaa bii unii kaa puen jin u tibɔr ki bee waah tun pu na aa?”

Rom Yaab 3:8

Ti ga tun titunwanbir aan ni kpaln tiwan ni ŋan na aa? Taan ŋa kina kpala. Binib bibaa seei timi ki bui ke ti len kina la. Binib ngbaan ga kan ntafadaan mu ŋeer bi na.

Efesusi 4:25

Nima pu na, ni taa ki mɔni inyamɔn. Ni mɔmɔk li len ibamɔn tɔb chee. Ti yaa ŋmanni tɔb kan, ni naahn ke tiwon aawan nibaa le aah ŋmanni niken na.

Ikaal 5:20

“‘Aa taa mɔn nnyamɔn paan unii ubaa.

2 Timoti 3:3

kaan li gee baamaal aanib, kaan di cha pinn binib. Bi ga li ye binibiinib. Baan ŋmaa chuu bibaa. Bi ga li kpa mbiin, ki ga li nan nsanyaan.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.

Tibɔkpiirkaan 12:10

Le m ŋun nneel sakpiin len mpɔɔn pu paacham ke, “Dandana wee ti kan timi Aawumbɔr aah kpa mpɔɔn pu ki gaa waanib lii ki joo waanaan ni aanib na. Dandana ti kan Kristo u gaa timi lii na aah kpa yiko pu na. Ba pu? u nyan kinimbɔŋ paacham. Kinimbɔŋ ye unibiinii u nan si Uwumbɔr aanimbiin ni ki bii Uwumbɔr aanib nwiin pu ni kinyeek na la.