Nnyam 22:26 - Uwumbɔr aagbaŋ

²⁶ Aa yaa gaa saapɔndaan aawanpeenkaan kan, see aa giin ni tii u waahr aan nwiin nin lir,

Nnyam 22:26 ပူးပေါင်းရင်းမြစ်များ

Job Aagbaŋ 22:6

Ke aanaabo pa si waah joo si lipɔln li na, see aa gaa waawanpeenkaan ki cha u uŋmeen.

Job Aagbaŋ 24:3

Bi gaal nkpobim aabon, le ki joo ukpopii aanaa ke see u ti pan waapɔln.

Job Aagbaŋ 24:7

Bi doo kinyeek kaa kpa nibaa bi di biin bibaa pu, nibaa aa bi, bi di kiir bibaa tiwoor chee.

Job Aagbaŋ 24:9

Mbipɔm bi kaa kpa tetiib na le titunwanbirdam chur ŋani baanaagbiib, le ki joo ugiin aabim pa waapɔln.

Job Aagbaŋ 34:28

Baabiin cha bigiim wii mpɔɔn yin Uwumbɔr, le u ŋun baaterm aayim ngbaan.

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ŋiyataŋak 20:16

Ugbaan umɔk puu tipuur ke u ga gaa uchaan aapɔln na ga di ubaa aawangol le di siin lipɔln ngbaan pu.

Ŋiyataŋak 22:27

Aa yaa kaa nan ŋmaa pa kan, bi ga nan kpaan yoor saawandookaan mu.

Esekiel 18:16

kaa muk ubaa, kaa su ubaa aawan. U giini unii u pinn u chee ŋimombil ki di waawan siin ŋi pu na tii uwandaan. U kpiini nkon aah joo bi na, ki tii binib bi chuun biŋmeen na tiwanpeenkaan.

Esekiel 18:7

Waan ji ubaa pem pem, ki mu aan su ubaa kinaayuk. Unii yaa nan pinn u chee tiwan ki di waawan nibaa siin lipɔln ngbaan pu kan, u giini tiwan ngbaan tii uwandaan la; u kpiini binib bi kaa kpa tijikaar na, le ki tii binib bi chuun biŋmeen na tiwanpeenkaan.

Esekiel 33:15

nibaakan, u yaa giin waah nan gaa tiwan ni unii u pinn u chee ŋimombil na, bee u yaa giin tiwan ni u sun na, ki yaa di cha titunwanbir, ki dii ikaal i tii limɔfal na kan, waan kpo, u ga ŋmar.

Amos 2:8

Bijab doo kitork aabimbin mɔmɔk ponn ni, tiwanpeenkaan ni bi gaa bigiim chee ki joo teeni baah jin ŋipɔln ŋi pu na la. Maadichal ni, bi nyu ndaan mu bi gaa baapɔlndam chee na la.

Ikaal 24:17

“Ni taa cha biwɔwɔm, ni nkpobim lann baabamɔn, ki taa gaa ukpopii aawanpeenkaan, waah pinn aa chee tiwan ni pu na, ki bui ke see u pan saawan tii si, le aa nin giin tii u.

Ikaal 24:6

“Ni yaa pinn tiwan tii uja kan, ni taa yoor waanaak ki bi joo nan n‑yon na, ki bui ke u yaa nan pan kan, ni giin tii u. Nimina ga cha uja ngbaan aamaal aan ki kan kinaak ki nan n‑yon, ki ŋa tijikaar ji, ki li bi.