Nnyam 22:25 - Uwumbɔr aagbaŋ

²⁵ “Ni yaa pinn ŋimombil tii maanib ngbaan ponn ni u ye ugiin na kan, ni taa li bi ke binib bi pinni ŋimombil ki ban tinyoor na.

Nnyam 22:25 ပူးပေါင်းရင်းမြစ်များ

2 Bibɔrb 4:1

Ukpopii u nan ye Uwumbɔr aabɔnabr bibaa ponn ni ubaa aapuu na nan buen Elaisa chee ki ti bui u ke, “Uninkpel, nchal kpo a. Aa nyi ke u nan ye unii u san Uwumbɔr na la. Tɔ, u nan joo uja ubaa aapɔln, le u dan ke u nan yoor njapɔtiib bilee na ti teen lipɔln ngbaan, aan bi ti li ye waanaagbiib.”

2 Bibɔrb 4:7

Le u gir buen Uwumbɔr aabɔnabr Elaisa chee, le u bui u ke, “Ti di nkpan ngbaan kooh ki pa saapɔn, ŋimombil ga gur ki ga kpiin aa ni aajapɔtiib.”

Nehemia 5:7

le m fii ki sil ti pu. M nan len binib ngbaan aaninkpiib ni baayidam chee kaa di bɔr, le ki bui bi ke, “Nimi le bi muk nibaa aana aabim.” M nan kuun binib mɔmɔk ke m lik tibɔr ngbaan,

Ilahn 15:5

U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.

Ŋiyataŋak 28:8

Aa yaa ji binib pem pem ki kan liwangol kan, unii u san bigiim kinimbaak na le ga nan ji saawangol ngbaan.

Jeremia 15:10

M ye unii u kaa kpa mpopiin na la. Nna nan ma mi lii ni dulnyaa wee ni ke m nan ŋa ba? M ni binib mɔmɔk kpak le ki jaa kitiŋ kee pu. Maa pinn ubaa limombil, ubaa mu aa pinn m chee limombil, le unii mɔmɔk mu puuni lir m pu la.

Esekiel 18:13

ki pinni ŋimombil tii binib ki gaal tinyoor. U ga li kpa limɔfal aa? Aayii, waan li kpa. U tun ŋitun ŋi sukr ponn ni na mɔmɔk, kina pu na, u ga kpo. Uma le ku ubaa.

Esekiel 18:17

U yiil, kaa tun titunwanbir, ki pinni ŋimombil tii binib, kaa ban tinyoor. U joo maakaal, ki dii maah mɔk pu na. Waan kpo ute aatunwanbir pu, u ga li kpa limɔfal.

Esekiel 18:7

Waan ji ubaa pem pem, ki mu aan su ubaa kinaayuk. Unii yaa nan pinn u chee tiwan ki di waawan nibaa siin lipɔln ngbaan pu kan, u giini tiwan ngbaan tii uwandaan la; u kpiini binib bi kaa kpa tijikaar na, le ki tii binib bi chuun biŋmeen na tiwanpeenkaan.

Esekiel 18:8

Waa pinni ŋimombil tii unii ki ban tinyoor. U yiil titunwanbir aatum, le ki len ibamɔn kinikpakpak mɔk ni.

Esekiel 22:12

Saanib bibaa ku binib le ki gaal tipar. Biken gaal ŋimombil paani baah pinn pu tii biŋeen aatɔtiib Israel yaab biken na, le ki kani kina aajinjin pu ŋimombil. Bi suln mbɔr.” Bidindaan Uwumbɔr le len kina.

Amos 2:8

Bijab doo kitork aabimbin mɔmɔk ponn ni, tiwanpeenkaan ni bi gaa bigiim chee ki joo teeni baah jin ŋipɔln ŋi pu na la. Maadichal ni, bi nyu ndaan mu bi gaa baapɔlndam chee na la.

Matiu 25:27

Saah nyi kina na, ba ŋa saa di maamombil ti bil banki ponn ni? Maah fuu ni na, m ba ga kan maamombil ni tinyoor ki kpee,’ le ki bui biken,

Tibɔnyaan ti Luk ŋmee ti na 19:23

Saah nyi kina na, ba ŋa saa nan di maamombil ti bil banki ponn ni? Maah fuu ni na, m ba ga kan maamombil ni tinyoor ki kpee,’

Ikaal 15:7

“Israel aanii ubaa yaa ye ugiin, ki bi ntim mu Nidindaan Uwumbɔr ban u di tii nimi na kibaa ponn ni kan, ni taa kpa kukumɔŋ ki yii ke naan ter u.

Ikaal 24:13

Kijook mɔmɔk kan, aa giin tiwan ngbaan tii u, nima kan, u ga ŋmaa kan tiwan biin ubaa pu kinyeek. U ga li kpa mpopiin, le Nidindaan Uwumbɔr mu aasui ga piir aa pu.