Nnyam 22:23 - Uwumbɔr aagbaŋ

²³ Ni yaa ŋa bi mbiin, aan bi yaa wii ki yin mi ke m ter bi kan, min Uwumbɔr ga ŋun tii bi,

Nnyam 22:23 ပူးပေါင်းရင်းမြစ်များ

Job Aagbaŋ 34:28

Baabiin cha bigiim wii mpɔɔn yin Uwumbɔr, le u ŋun baaterm aayim ngbaan.

Job Aagbaŋ 35:9

Binib yaa ji falaa kan, bi du la; le ki wii ban ke ubaa gaa bi lii,

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 140:12

Uwumbɔr, m nyi ke aa ter bigiim baabɔr ni, ki tii maa‑kpa‑dam baabamɔn.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 18:6

M yin Uwumbɔr maamukl ni; m yin Maawumbɔr ki ban nterm. Le u bi waadichal ni ki ŋun maaneel; u nan ŋun maaterm aawiil pu.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Nnyam 22:27

ba pu? nibaakan, nima baanja le u kpa ki ga di biin ubaa pu aan ni lee u tiwoor. Aa yaa kaa giin ni tii uwandaan kan, u ga di ba biin ubaa pu ki doon? Aa yaa kaa giin ni tii uwandaan kan, n‑yoonn mu u wii yin mi ke m ter u na kan, m ga kii u ki ter u, ba pu? m ye unimbaasaln daan la.

Inandalahn 5:3

Bidim le ku titetiib, le tinatiib gur ye bikpopiib.

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Ikaal 10:18

Uma le lik nkpobim, ni bikpopiib, ki gee biwɔwɔm bi koo ti chee na. Uma le tii bi tijikaar ni tiwanpeenkaan.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Ikaal 24:15

Nwiin yaa cha mu ti lir idaa mɔmɔk kan, aa ti pa udaan liyaadaal ngbaan aatuln aapar, ba pu? waa kpa u ji, le ki ban limombil. Aa yaa kaa pan u kan, u ga wii ŋa Uwumbɔr saah ŋa u pu na, le Uwumbɔr ga chuu si taani.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.