Nnyam 22:22 - Uwumbɔr aagbaŋ

²² Ni taa ŋa ukpopii, bee ukpobo ubaa mbiin.

Nnyam 22:22 ပူးပေါင်းရင်းမြစ်များ

Job Aagbaŋ 31:16

Maa kee yii kaa ter bigiim; kaa kee cha ukpopii dakl ke waa kpa uteter daalbaadaal,

Job Aagbaŋ 34:28

Baabiin cha bigiim wii mpɔɔn yin Uwumbɔr, le u ŋun baaterm aayim ngbaan.

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Ŋiyataŋak 23:10

Taa foor aayaaja aapɔnja aah si nin chee na. Taa gaa nkpobim aatiŋ.

Ŋiyataŋak 23:11

Uwumbɔr le ye mpɔɔndaan u kii bi na, le ki ga cha aa ni uma le ji tibɔr.

Aisaya 1:17

ki bee ni ŋan na ki ŋa kina. Cha ibamɔn ŋa, ki ter bigiim, ki tii nkpobim baabamɔn, ki li kii bikpopiib.”

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 10:2

Kina le ni gaal bigiim aabamɔn, ni ni ye biyaan na. Kina le ni gaal bikpopiib ni nkpobim aawangol bi chee.

Jeremia 7:6

Taa ŋa bicham, ni nkpobim, ni bikpopiib falaa man. Taa ki ku binib bi kaa tun taani na kitiŋ kee pu. Taa ki dooni man ŋiwaa; ba pu? kina ga ŋmaa kuln nimi.

Jeremia 7:7

Ni yaa kpeln kan, m ga cha ni li koo kitiŋ ki m nan di tii niyaajatiib ke ki li ye baatiŋ ki ti saa n‑yoonn mu kaa kpa ndoon na.

Esekiel 22:7

Ubaa aa bi kitiŋ ngbaan pu ki pak ute ni una. Bi ji biwɔwɔm, ni bikpopiib, ni nkpobim pem pem ke baa kpa uteter.

Sekaria 7:10

Ni taa li muk bikpopiib, ni nkpobim, ni biwɔwɔm bi koo ni chee na, bee bifalaadam, ki taa ban isan ke ni tun niŋeen aatɔ taani.’

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Matiu 23:14

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni ji bikpopiib pem pem, le ki mee Uwumbɔr ni yunni, ni ŋmanni ke ni ye bininyaam. Nima pu na, Uwumbɔr ga daa nitafal ki jer waah ga daa biken aatafal pu na.]

Ikaal 10:18

Uma le lik nkpobim, ni bikpopiib, ki gee biwɔwɔm bi koo ti chee na. Uma le tii bi tijikaar ni tiwanpeenkaan.

Ikaal 15:9

Ni taa yii ki bui ke libiln li ni ga di cha pinn bipɔndam na peen a, naan ki tii u nibaa. Ni taa cha tilandakbir kina aaboln koo nisui ni. Ni yaa yii ke naan tii udaan kan, u ga wii ki yin Uwumbɔr naah ŋa u tiwan ni na pu, le Uwumbɔr ga chuu si taani.

Ikaal 24:17

“Ni taa cha biwɔwɔm, ni nkpobim lann baabamɔn, ki taa gaa ukpopii aawanpeenkaan, waah pinn aa chee tiwan ni pu na, ki bui ke see u pan saawan tii si, le aa nin giin tii u.

Ikaal 24:18

Ni teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m di nkaal ngbaan tii nimi.

Ikaal 27:19

“‘Uwumbɔr aamɔpuur bi unii umɔk cha biwɔwɔm, ni nkpobim, ni bikpopiib lann baabamɔn na pu.’ “Le binib ngbaan mɔmɔk ga kpaan ki kii ke, ‘Amii.’

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.