6 nima na udindaan di unaagbiija ngbaan dan Uwumbɔr aanimbiin ni, ki cha u sil kidiik aabisamɔb chee aan bi saa chir utafal. Le n‑yoonn ngbaan ki joo cha u ga li ye waanaagbiija ki ti saa waamɔfal aadoon.
“Nibaakan, bi yaa peln faa upiipudaan binib aajaak ponn ni aan u ker lii, le nibaa aa ŋa uma upii ngbaan kan, unii u faa upii ngbaan na ga pa uchal waah ban pu na. Bi yaa len tibɔr ni ŋeer ke u pa pu na kan, see u pan kina.
M ga tii nimi biyidam bi ga li sur nimi ke naah nan puen kpa pu na. N‑yoonn ngbaan le bi ga ki yin Jerusalem aanib ke binib bi ŋan ki dii mi Uwumbɔr baanja na.”
Ni taa di nimi aatiŋ kooh tii ubaa u li joo ki kookoo, ba pu? nimi le aa yeh kitiŋ ngbaan, Uwumbɔr le yeh ki. Ni naahn biwɔwɔm la, le u di ki tii nimi, ni li ko ki ji.
“N‑yoonn ngbaan m nan tuk bi ke, ‘Kinikpakpak yaa fii binib ngbaan aakaasisik ni kan, ni lik ti ponn ni mbamɔm. Ni li toor kina aabɔr ibamɔn ni; ni li toor nimi aanib, ni biwɔwɔm bi koo ni chee na mɔmɔk aabɔr kina.
Kina pu na, di u buen saadichal aanaakook aabisamɔb ki ti saa chir utafal; le u li gur koo ki ye saanaagbiija ki ti saa waakundaal. Ni ŋa nimi aanaagbiib bi ye bipiib na mu kina.
N‑yoonn mue na, le Hana aa nan buen. U nan bui uchal ke, “M yaa nan giin ubo libiil n‑yoonn mu na kan, le m ga kpaan di u buen Uwumbɔr Aadichal ponn ni, nin chee u ga ti li bi ki ti saa waakun daal na.”