Nnyam 20:7 - Uwumbɔr aagbaŋ

⁷ “Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Nnyam 20:7 ပူးပေါင်းရင်းမြစ်များ

Mpiin 27:20

Aisak nan baa u ke, “Maabo, aa ŋa kinye ki kan tinann ngbaan mala kina?” Jakob nan bui u ke, “Aadindaan Uwumbɔr le ter mi.”

1 Bibɔrb 2:9

Aa mu taa tee di cha u fam. Aa nyi saah ga ŋa pu na, aa cha u kpo.”

2 Bibɔrb 5:20

le Elaisa aatutunn Gehasi bui ke, “Maaninkpel cha Naamann siir dafir le na. Ni ba ŋan ke u gaa Siria aajab aaninkpel ngbaan aah tii u ipiin i na la. M puu Uwumbɔr u bi n‑yoonn mɔmɔk na pu ke m ga san paan u pu ki ti kan u chee nibaa,”

Ilahn 139:20

Bi len aa pu tibɔbir; bi len tiwan ni kaa ŋan na saayimbil pu.

Ŋiyataŋak 30:9

M yaa kpa pam kan, nibaakan m ga bui ke maa ki ban si. M yaa ti ki ye ugiin mu kan, nibaakan m ga su kinaayuk ki di inimɔɔn tii si.

Jeremia 34:16

Tɔ, le ni ki kpeln nimi aalandak ki lik seen mi. Ni mɔmɔk ki gir chur nimi aanaagbiib bi ni nan di lii aan bi gee kina na, le ki ki chuu bi mpɔɔn ŋa tinaagbiir ni lelee.

Jeremia 4:2

ni ga ŋmaa puu tipuur maayimbil pu. Le ŋitimbol mɔmɔk ga bui mi ke m ŋa maanyoor ŋa bi pu, ki ga pak mi.”

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”

Liifai Yaab 19:12

Ni yaa kaan ŋmaa giin tipuur kan, ni taa puu ti maayimbil pu. Mbimbin kina joo ni inimɔɔn le maayimbil pu. Min le ye Nidindaan Uwumbɔr.

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

2 Korenti 1:23

M puu Uwumbɔr ke m len mbamɔn la; maa nan ban ke m kae nimi, nima le cha m nan len ke maan dan ni chee Korint aatiŋ ni n‑yoonn ngbaan.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.

Ikaal 5:11

“‘Ni taa yin maayimbil fam fam; min Nidindaan Uwumbɔr ga daa unii u yin maayimbil fam fam na aatafal.

Ikaal 6:13

Ni li pak Nidindaan Uwumbɔr, ki li dooni uma baanja, aan ki li puur nimi aapuur waayimbil baanja pu.

Jemisi 5:12

Nnaabitiib, ni jer ni mɔmɔk na le ye ke ni taa puu nibaa pu. Ni taa puu paacham pu, ki taa puu kitiŋ pu, ki taa puu tiwan nibaa pu. Ni po len ke “Een,” bee “Aayii,” ki len mbamɔn. Ni yaa po len kina kan, Uwumbɔr aan daa nitafal.

Josua 2:12

Nima pu na, puu man Waayimbil pu ke ni ga ŋa maamaal tiŋann ke maah ŋa nimi pu na. Tii mi limɔkl man, ke ni ga sil ŋa kina.

Josua 2:17

Le bijab ngbaan bui u ke, “Taah puu tipuur ti na, ti ga joo ti.

Josua 9:20

Taah puu tipuur tii bi ke taan ŋa bi bakaa ubaa na pu, cha bi li bi man; ti yaa yii kan, Uwumbɔr ga daa titafal.