Nnyam 20:5 - Uwumbɔr aagbaŋ

⁵ Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Nnyam 20:5 ပူးပေါင်းရင်းမြစ်များ

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

2 Samuel 21:6

Kina pu na, nyan waamaal ni aajab bilole tii timi, aan ti ti leen bi iŋmin pu, Sɔɔl u Uwumbɔr lee u ubɔr na aatiŋ Gibea ni, Uwumbɔr aanimbiin ni.” Le ubɔr David bui bi ke, “M ga di bi tii nimi.”

1 Bibɔrb 19:10

Le u gar u ke, “Ndindaan Uwumbɔr Mpɔɔnsakpiindaan, sin baanja le m dii n‑yoonn mɔmɔk, le Israel aanib bii aa ni bima aamɔbaan na, ki ber saatork aabimbin, ki ku saabɔnabtiib mɔmɔk. Min baanja le gur, le bi ban ke bi ku m mu.”

1 Bibɔrb 21:29

“Aa kan Ahab aah sunn ubaa taab nnimbiin ni pu na aa? Waah ŋa pu na, maan cha tibɔbir dan u pu buyoonn u laa fu na; ujapɔɔn aamɔfal ni, le m ga cha tibɔbir dan Ahab aadichal pu.”

2 Bibɔrb 17:35

Uwumbɔr nan puu tipuur tii Israel yaab, le ki bui bi ke: “Taa ki dooni ŋiwaa man; ni taa gbaan ŋinimbiin ni, ki taa dii ŋi, ki taa toor kitork tii ŋi.

2 Bibɔrb 17:41

Kina pu na, binib ngbaan nan dooni Uwumbɔr le ki mu ki dooni baawaa; le biyaabitiib beenin ŋani kina ki nan saa din.

2 Bibɔrb 23:26

Tɔ, Ubɔr Manase aah nan tun pu na nan puen fiin Uwumbɔr aaŋuusakpeln Juda aatiŋ pu, le laa ŋmaa sɔŋ n‑yoonn mue.

2 Bibɔrb 5:18

Kina pu na, m yaa cheen maaninkpel ke u ti doon Siria aawaal Rimonn, laawaadiik ni, ki yaa gbaan nima chee kan, Uwumbɔr ga di cha pinn mi. M nyi ke u ga di cha pinn mi.”

2 Bibɔrb 5:27

Tɔ, Naamann aaween ngbaan ga gir ni aa pu, le aa ni aayaabitiib ga li kpa i ki ti saa n‑yoonn mu kaa kpa ndoon na.” Gehasi aah siir na, le iween ngbaan pii u, uwon nan piir chak chak.

2 Bibɔrb Aabɔr 25:14

Amasia aah ti nyaŋ Edom ki gir choo kun ni na, le u yoor baawaa ki nan baan ŋi, ki dooni ŋi, ki seer nnyɔknii tii ŋi.

2 Bibɔrb Aabɔr 7:19

Tɔ, aa ni saanib yaa yii maakaal, ni maah mɔk nimi pu na, ki dooni ŋiwaa kan,

Job Aagbaŋ 21:19

Ni bui ke Uwumbɔr dar ubo aatafal ute aatunwanbir pu la. M ma bui ke, cha Uwumbɔr daa titunwanbirdam aatafal; cha u mɔk ke baatunwanbir pu le u ŋa kina.

Job Aagbaŋ 5:4

Bijapɔtiib aan kan ŋŋmarm kpala; le ubaa aa bi ki ga sil bichaŋ ni, libɔjil ni.

Ilahn 109:14

Uwumbɔr, teer uyaajatiib aatunwanbir bɔr, ki taa cha una aatunwanbir pinn u kpala.

Ilahn 78:58

Bi nan cha waaŋuul fii baah dooni ŋiwaa nin chee na pu, ki cha usui fii baawaa ngbaan pu.

Ilahn 79:8

Taa di tiyaajatiib aatunwanbir daa timi aatafal. San timi kinimbaak dandana wee; taa ki kpa limakl libaa.

Ilahn 81:15

Binib bi nan mi na ba ga san ijawaan ki nan gbaan nnimbiin ni; baatafadaan aa ba ga li kpa ndoon.

Nnyam 23:24

Ni taa gbaan ki doon baawaa, ki taa gaa baah dii baawaa pu na. Ni gbaa wiil baawaa, ni ŋitakpal ŋi bi dooni na.

Nnyam 34:14

“Ni taa doon liwaal libaa; ba pu? Min, Uwumbɔr aan kii ke Israel yaab li dooni tiwan nibaa ki kpee m pu.

Ŋiyataŋak 8:36

Unii umɔk aa ban kan mi na tii ubaa titotonn la; unii umɔk kaa gee mi na gee nkun la.”

Aisaya 44:15

Unii ga di busub aageln libaa tuur mmii, ki di ligeln liken naan liwaal. U ga di ligeln libaa tuur mmii ke u wor ki ga ŋmaa di ŋa tijikaar, le ki di ligeln liken ŋa liwaal ki dooni li.

Aisaya 44:19

Unii u naani ŋiwaa na aa kpa nlan, kaan ŋmaa len ke, “M di ndɔ ngbaan aageln ŋa mmii ni, ke m di mu aamii ŋa tijikaar ki pun tinann mu pu ki ŋman, le ki di ligeln li gur na ŋa liwaal lee, le ki gbaan lidɔgeln aanimbiin ni.”

Jeremia 2:9

“Le min Uwumbɔr ga ki len maanib aah ŋani pu na. M ga tii biyaabitiib ngalm.

Jeremia 32:18

Aa mɔk binib ŋichur ŋichur saageehm mu bi n‑yoonn mɔmɔk na, le ki mu dar binib aatafal, bitetiib aatunwanbir pu. Aa ye Uwumbɔr u aapɔɔn nyaŋ na la; sin le ye Uwumbɔr Mpɔɔnsakpiindaan.

Esekiel 18:19

“Tɔ, le ni baa ke: ‘Ba ŋa ubo ngbaan aa ji ute aatunwanbir aafalaa?’ Ni ye le ke ujapɔɔn ngbaan tun ni ŋan ki tok na la. U joo maakaal ki dii i mbamɔm, kina pu na, u ga li kpa limɔfal.

Esekiel 18:2

ki bui ke, “Binib aah ŋakl liyataŋakl li ki gir ŋakl Israel aatiŋ pu na ye ba aayataŋakl? ‘Tetiib le ŋman ŋisubil ŋi mɔɔn na, le ni nan tee mɔɔn baabim aamɔi ni.’”

Esekiel 20:7

M nan bui bi ke maah ye Bidindaan Uwumbɔr pu na, bi di baah gee ŋiwaa ŋi aan ŋi sukr ponn ni na mee, ki taa di Ijipt aawaa na bii bibaa.

Esekiel 39:25

Tidindaan Uwumbɔr nan ki len ke, “Tɔ, m ga san Israel yaab, Jakob aayaabitiib kinimbaak dandana, ki ki tii bi liwankpal. Maan cha maayimbil li ye chain na ji inimɔɔn.

Esekiel 8:3

U nan taln tiwan ni naahn ŋŋaal na ki di chuu maayikpir. Le Uwumbɔr Aafuur Nyaan yoor mi paacham ki di mi buen Jerusalem aatiŋ ni. U nan di mi buen Uwumbɔr Aadichal aabisamɔb mu bi ponn ni, ki bi ŋŋangan wɔb nin chee liwaal li fiini Uwumbɔr aaŋuul sakpen na si na.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 3:18

Hali u yaa kaan ŋa kina kan, si mpɔɔndaan li nyi ke taan doon saawaal, kaan gbaan ki doon salmaa aawan ni aa naan siin na.”

Liifai Yaab 20:5

min mbaa le ga daa uja ngbaan, ni waamaal, ni bimɔk kpee u pu ki doon liwaal Molek na aatafal. Baan ki li ye maanib ponn ni bibaa.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Liifai Yaab 26:29

M ga cha nkon lir ni pu ki li pɔɔ sakpen, le ni ga ku nimi aabim ki ŋmɔ bi.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Nkahm 14:18

‘Min le ye Uwumbɔr, maaŋuul aa fii yɔl yɔl, le m mɔk maah kpa ngeehm sakpen pu, ki ŋani maah puu ke m ga ŋa pu na, le ki cha pinni titunwanbir, ni binib bi yii maamɔb na. Mbamɔn, maan di cha ke maan daa tetiib aabim, ni biyaabitiib, ni biyaabisɔsɔk aatafal, ki ti saa nfum munaa pu, bitetiib aatunwanbir pu.’

Nkahm 14:33

Le nimi aabim ga li chuun yenni nteersakpiin mue ni, ki ti saa ŋibin imonko ilee, le naah nyan mpuwɔb pu na, bi ga ji kina aafalaa, aan ni mɔmɔk ti kpo doo.

Nkahm 25:11

“Fineas aah ŋa pu na, maan ki gee Israel yaab pu liŋuul. U si nchaŋ ni, kaa kii ke biken ki doon liwaal libaa ki kpee m pu, le nima pu, maa kuln bi maaŋuul ni.

Matiu 4:9

le ki bui u, “Aa yaa gbaan kitiŋ ki pak mi kan, m ga di nimina mɔmɔk di tii si.”

Jɔnn 15:18

“Dulnyaa aanib yaa nan nimi kan, ni li nyi ke bi puen nan mi la, le ki nin nan ni mu.

Jɔnn 7:7

Dulnyaa aanib aa ŋmaa li nan nimi. Bi nan mi la; ba pu? m tuk bi ke baatuln aa ŋan.

Jɔnn 9:2

Le Yesu aadidiliib baa u, “Umɔmɔkr, uja ngbaan le tun titunwanbir, aan ute ni una le tun, aan bi ma u ujoon.”

Rom Yaab 1:30

ni mpaan pu. Bi nan Uwumbɔr, le ki seei tɔb, ki kpa kalmbaani, ki puk kipupuk. Bi po dak baah ga ŋa pu ki moo tun titunwanbir na la. Bi yii bite ni bina aamɔi.

Rom Yaab 8:7

Binib bi aatafal bi mbimbikpok aabɔr ni na, bi ye Uwumbɔr aadim la; ba pu? baa dii waakaal, ki mu aa ŋmaa dii mu.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?

Ikaal 32:21

Baah dii ŋiwaa ŋi na le cha liŋuul chuu mi. Baawaa ŋi kaa ye nibaa aan bi dii ŋi na le cha lipiipoln chuu mi. Nima pu na, m mu ga cha litimbol li kaa ye nibaa na le ŋa bi liŋuul. M ga cha bi li kpa lipiipoln litimbol li aanib ye bijɔrb na pu.

Ikaal 32:41

ki puu ke m ga luun maajuk ki ka na le ki cha mbamɔn ŋa. M ga teen maadim baabakaa, ki daa binib bi nan mi na aatafal.

Ikaal 4:24

Ba pu? Nidindaan Uwumbɔr bi ke mmiigaal na la, le kaa ban ke unibɔn ki dii tiwan nibaa ki kpee u pu.

Ikaal 5:10

M ga li gee binib churbakaa bi mu gee mi, ki kii tii maakaal na.

Ikaal 5:9

Ni taa gbaan kitiŋ ke ni doon liwaal libaa, ba pu? min le ye Nidindaan Uwumbɔr, le maa ban ke m ni ubaa li kpaan yeh nimi. M ga daa binib bi nan mi na, ni baabim, ni biyaabitiib, ni bi mu aayaabitiib aatafal.

Ikaal 6:15

Ni yaa dooni ŋiwaa kan, Uwumbɔr aaŋuul ga dan ni pu ke mmii na, ki nan kuln nimi kookoo, ba pu? Nidindaan Uwumbɔr u bi ni chee na aa ban ke waanib ki li dooni nibaa ki kpee u pu.

Ikaal 7:10

ki mu ga daa binib bi nan u na aatafal.

Jemisi 4:4

Ni di Uwumbɔr lii a, ke upiidagoor aah di uchal di lii pu na. Naa nyi ke dulnyaa aajɔtiik le ye Uwumbɔr aadiŋ aa? Nima pu na, unii u ban dulnyaa aajɔtiik na, u ye Uwumbɔr aadin la.

Josua 23:16

Ni yaa kaa joo nkaal mu Nidindaan Uwumbɔr bui nimi ke ni li joo mu na, ki yaa dooni ŋiwaa kan, waaŋuul ga fii, le u ga daa nitafal, naan yunn le ni mɔmɔk ubaa kina aan ki gur kitinyaan ki u di tii nimi na ponn ni.”

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.

Josua 24:19

Le Josua bui binib ngbaan ke, “Naan ŋmaa dii Uwumbɔr, ba pu? Uwumbɔr ye chain la, kaan di cha nimi aatunwanbir pinn nimi. U ye lipiipoln Aawumbɔr la,

Bibɔjirb 2:19

Le usaloln ngbaan yaa ti ti kpo kan, le binib ngbaan ki gir buen baatunwanbir ni, le ki tun ni bir jer biyaajatiib na. Bi nan dooni ŋiwaa, le ki tun tii ŋi, ki yii, kaan di cha baatunwanbir aatum.