Nnyam 20:26 - Uwumbɔr aagbaŋ

²⁶ Ni yaa maa kitork aabimbiln kan, ni taa maa naah ga li taar ŋi pu ki joi lipaab na; ni yaa ŋa kina ki taar chaa libimbiln ngbaan paab kan, ni ga di nibaa mɔk binib.

Nnyam 20:26 ပူးပေါင်းရင်းမြစ်များ

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Nnyam 28:42

Aa ŋal ŋitanyaan aatuutagen tii bi, bi li fɔk ki ti saa bitaŋaayil mɔk, nima kan, baan di bibaa mɔk binib.

Nnyam 28:43

Aaronn ni ujapɔtiib yaa ban bi dan nnimbiin ni, bee bi yaa ban bi koo Chain Aapepel ni, bi nan ŋa kitork aatuln kan, bi ga yiin tiwanpeenkaan ngbaan la, aan nima kan, baan li kpa ngalm ki kpo. Aaronn ni uyaabitiib mɔmɔk ga li joo nkaal ngbaan kina, le ki cha n‑yoonn mu kaa kpa ndoon na.

Ulandaan 5:1

Li nyi saah chaa Uwumbɔr Aadichal ni pu na. Aa yaa buen nima ke aa ti bae kan, ni ŋan ki jer bijɔrb bi kaa ŋmaa ganni tiwan ni ŋan na, ni ni kaa ŋan na ponn ni aah chaa ke bi ti toor kitork pu na.

Esekiel 43:17

Paacham ngbaan aakaasisik ni mu nan ye likpakpaln, le ki ye ŋitaa moninko ni ŋinaa ŋipepel ŋinaa mɔmɔk pu, le ki kpa likɔl lipaal wɔb ki ye lisaŋ libaa ni ligeln aah paa pu na. Nnyunsan na aawawaan ye ŋisaŋ ŋitaa ni ligeln la. Ŋibimbin ŋi pu bi nan taar joi chaa kitork aabimbiln ngbaan chee na, nan bi liwipuul wɔb la.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

1 Piita 1:16

Ni ŋmee Uwumbɔr Aagbaŋ ni ke Uwumbɔr bui nimi, “Min Uwumbɔr bi chain la; nima pu na, ni mu li bi chain man.”