Nnyam 20:23 - Uwumbɔr aagbaŋ

²³ Ni taa naan tikunabr, bee salmaa aawaa ke ni li dooni ŋi ki kpee m pu.

Nnyam 20:23 ပူးပေါင်းရင်းမြစ်များ

2 Bibɔrb 17:33

Kina pu na, bi nan dooni Uwumbɔr, le ki mu ki dooni baawaa baah nyan ni ntim mu ni na aakaal aah mɔk pu na.

2 Bibɔrb 17:41

Kina pu na, binib ngbaan nan dooni Uwumbɔr le ki mu ki dooni baawaa; le biyaabitiib beenin ŋani kina ki nan saa din.

Nnyam 32:31

Moses nan ki gir buen Uwumbɔr chee ki ti bui ke, “Binib ngbaan tun titunwanbir pam. Bi di salmaa le ŋa liwaal le ki dooni li.

Nnyam 34:17

“Ni taa di tikur ŋa liwaal ki li dooni li.

Esekiel 20:39

Tidindaan Uwumbɔr ki bui ke, “Tɔ, nimi Israel yaab mɔmɔk, li ŋani naah gee pu na man. Li toor nimi aawaa man. Tɔ, ni mu tee li nyi ke nimina aapuwɔb na, see ni kii maamɔb, ki taa ki toor nimi aawaa le maayimbil aabiim doo.

Esekiel 43:8

Bibɔrb nan ŋa baanaakɔsamɔi ni baajaaleŋ tiib aadɔ tam Maadichal aabisamɔi, ni laajaaleŋ aadɔ la, le ligoln baanja le nan bi tikaasisik ni. Bi nan ŋani tiwan ni sukr ponn ni na mɔmɔk le ki jinn maayimbil li bi chain na inimɔɔn, le maaŋuul ponn ni m kuln bi.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 5:4

le ki pak baah di salmaa naan ŋiwaa ŋi na, ni baah di tikunabr, ni tikumann, ni tikur, ni isui, ni ŋitakpal naan ŋi na.

Liifai Yaab 19:4

“Ni taa yii mi aan ki li dooni ŋiwaa, ni taa di tikur naan ŋiwaa ki doon ŋi. Min le ye Nidindaan Uwumbɔr.

Sefania 1:5

M ga kuln unii umɔk joi ŋidichal aapaacham ki ti dooni nwiin, ni uŋmal, ni iŋmabi na. M ga kuln binib bi mɔmɔk dooni mi ki bui ke bi ga kii maamɔb, ki tee puur liwaal li bi yin li ke Milkom na.

Ikaal 27:15

“‘Uwumbɔr aamɔpuur bi unii umɔk di litakpal, bee ndɔ, bee tikur naan liwaal ki looni dooni li na pu. Uwumbɔr aa gee ŋiwaa kpala.’ “Le binib ngbaan ga kpaan ki kii ke, ‘Amii.’

Ikaal 29:17

Ni nan kan baawaawanbir ŋi bi di idɔ, ni ŋitakpal, ni tikunabr, ni salmaa ŋa ŋi na.

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.

Bibɔjirb 17:3

Maika nan di ŋimombil ngbaan tii una, le una bui u ke, “Min mbaa aasui ni le m joo ŋimombil ngbaan tii Uwumbɔr aan tipuun ngbaan taa dan maabo pu. M ga cha bi di ŋi ŋa busub aawaal aanaŋ le ki di tikunabr ngbaan boon li. Kina le m ga di tikunabr aakur aamombil ngbaan ki giin tii si.”