Nnyam 20:2 - Uwumbɔr aagbaŋ

² “Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Nnyam 20:2 ပူးပေါင်းရင်းမြစ်များ

1 Bibɔrb 18:39

Binib ngbaan aah kan kina na, le bi tar lir kitiŋ, ki len mpɔɔn pu ke, “Uwumbɔr le ye Tidindaan, Uwumbɔr baanja le ye Tidindaan.”

2 Bibɔrb 17:12

le ki yii Uwumbɔr aah nan bui bi ke bi taa li dooni ŋiwaa pu na.

2 Bibɔrb 17:7

Israel yaab aah nan tun Bidindaan Uwumbɔr titunwanbir na le nan cha Samaria aatiŋ ber. Uwumbɔr nan gaa bi Ijipt yaab aabɔr aaŋaal ni ki nyan ni bi Ijipt aatiŋ ni na, le bi nan dooni ŋiwaa,

2 Bibɔrb Aabɔr 28:5

Ubɔr Ahas aatunwanbir pu, le Udindaan Uwumbɔr nan cha Siria yaab Aabɔr nyaŋ u, ki chur Juda aanib pam buen Damaskus aatiŋ ni ti ŋa tinaagbiir ni. Uwumbɔr ki cha Israel yaab aabɔr Peka u aate nan ye Remalia na nyaŋ Ahas, ki ku Juda aajakaab ŋichur nkub ni moninko liwinbaal. Juda aanib aah nan yii biyaajatiib Aadindaan Uwumbɔr na, le u nan cha kina ŋa.

Ilahn 50:7

“Maanib, li pel man, aan m len tibɔr, M ga kpiir sin Israel yaab pu. Min le ye Uwumbɔr, m ye nimi Aawumbɔr la.

Ilahn 81:10

Min le ye Nidindaan Uwumbɔr u nyan ni nimi Ijipt aatiŋ ni na. Waar nimɔi man, aan m kpiin nimi.

Ilahn 81:11

Le maanib aa ŋun tii mi; Maanib Israel yaab aa kii tii mi.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 15:13

Saah puu tipuur ti na aa beer fam, sin le loln saanib bi aa gaa bi lii na pu nsan, saapɔɔn ni le aa joo saanib, bi ti koo saatiŋ ki bi chain na ni.

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 20:1

Uwumbɔr le nan len tibɔr timina mɔmɔk:

Nnyam 29:46

le bi ga bee ke min le ye Bidindaan Uwumbɔr u nyan ni bi Ijipt aatiŋ ni na, nima kan, m ga ŋmaa li bi bi chee. Min le ye Bidindaan Uwumbɔr.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Jeremia 16:14

Uwumbɔr nan ki bui ke, “N‑yoonn choo le binib aan nan ki puu tipuur m pu, ke Uwumbɔr u bi, ki nan nyan ni Israel yaab Ijipt aatiŋ ponn ni na.

Jeremia 2:6

Bitafal aa nan bi m ni, hali maah nan nyan ni bi Ijipt aatiŋ ni, ki di bi bɔ dii kipɔɔk ni, kitiŋ ki ye nteersakpiin, ni litambol, ki kuur ki kpa tiwanbir aan ubaa aa koo nima na; aan ubaa mu aa chuun nima chee na, bitafal aa nan bi m ni.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Jeremia 34:13

u ye Israel yaab Aawumbɔr na, bui mi ke m tuk binib ngbaan ke: “Maah nan gaa niyaajatiib Ijipt yaab chee lii na, m nan puu tipuur tii bi.

Esekiel 20:19

Min le ye Nidindaan Uwumbɔr. Li joo maakaal ni maamɔkm man.

Esekiel 20:5

Tuk bi maah bi len pu na. Maah nan lee Israel aanibol na, m nan puu tipuur tii bi. M nan di mbaa mɔk bi, Ijipt aatiŋ ni, ki bui bi ke: Min le ye Nidindaan Uwumbɔr.

Esekiel 20:7

M nan bui bi ke maah ye Bidindaan Uwumbɔr pu na, bi di baah gee ŋiwaa ŋi aan ŋi sukr ponn ni na mee, ki taa di Ijipt aawaa na bii bibaa.

Hosea 12:10

“M nan len bibɔnabr chee tibɔr, le ki kpiir tibɔkpiirkaan pam tuk bi, le ki cha bi sak maanib.

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Liifai Yaab 11:45

Min le ye Uwumbɔr u nyan ni nimi Ijipt aatiŋ ni ke m li ye nimi Aawumbɔr na. Ni li bi chain, ba pu? m bi chain la.

Liifai Yaab 19:36

Ni li joo mbamɔn aawan ŋaŋni tiwan mɔmɔk. Min le ye Nidindaan Uwumbɔr, le ki nyan ni nimi Ijipt aatiŋ ni.

Liifai Yaab 23:43

Nima kan, niyaabitiib ga bee ke Uwumbɔr aah nan nyan ni Israel yaab Ijipt aatiŋ ni aan bi nan choo na, bi nan koo tikakar ni la. Uma le ye Nidindaan Uwumbɔr.

Liifai Yaab 25:38

Nidindaan Uwumbɔr aakaal le na, uma le nyan ni nimi Ijipt aatiŋ ni, ke u di Kanaann aatiŋ tii nimi, aan ki li ye nimi Aawumbɔr.

Liifai Yaab 25:42

Israel aanib ye Uwumbɔr aanaagbiib la, le u nyan ni bi Ijipt aatiŋ ni; ni taa di bi ŋa binaagbiib.

Liifai Yaab 25:55

Naa ŋan ke Israel aanii li ye unaagbiija kina ki cha, ba pu? Israel yaab ye Uwumbɔr aanaagbiib la. Uma le nyan ni bi Ijipt aatiŋ ni, ki ye Bidindaan Uwumbɔr.

Liifai Yaab 26:1

Uwumbɔr nan bui ke, “Ni taa naan ŋiwaa, bee ni maa ŋitakpal aajaatɔlk tiib, bee ni kpii ŋitakpal aawaa ki doon ŋi. Min le ye Nidindaan Uwumbɔr.

Liifai Yaab 26:13

Min, Nidindaan Uwumbɔr le nyan ni nimi Ijipt aatiŋ ni, ke ni taa ki li ye binaagbiib. Min le nyan nimi mpɔɔn mu nan joo nimi na ni, le ki cha ni chuun aan niyil yaa paacham.”

Amos 2:10

Min le nyan ni nimi Ijipt aatiŋ ni, ki di nimi dii nteersakpiin ni, ŋibin imonko ilee, le ki di Amor yaab aatiŋ tii nimi, le ki kpaln nimi aatiŋ.

Rom Yaab 10:12

Binib bi ye Juu yaab na, ni binib bi kaa ye Juu yaab na mɔmɔk kpaan la. Uwumbɔr le ye bi mɔmɔk Aadindaan, ki ŋa tinyoor sakpen ŋa binib bimɔk mee u ke bi ŋmar na pu.

Rom Yaab 3:29

Uwumbɔr ye Juu yaab baanja Aawumbɔr la aa? Waa ye binib bi kaa ye Juu yaab na mu Aawumbɔr aa? Mbamɔn, u ye.

Ikaal 13:10

Ni mae ŋitakpal ku u, ba pu? u ban u ŋmann nimi aan ni yii Nidindaan Uwumbɔr u nyan ni nimi Ijipt aatiŋ ni, ki nyan nimi tinaagbiir ni na la.

Ikaal 15:15

Teer ke ni mu nan ye binaagbiib le Ijipt aatiŋ ni, le Nidindaan Uwumbɔr gaa nimi lii, nima pu le m joo nkaal ngbaan tuk ni mu.

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Ikaal 7:8

Uwumbɔr tee gee nimi, le ki ban ke u li joo tipuur ti u nan puu tii niyaajatiib na. Nima pu le u di waapɔɔn sakpiin na nyan nimi tinaagbiir ni, ki gaa nimi lii Ijipt yaab aabɔr chee.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.

Bibɔjirb 6:10

M nan bui nimi ke min le ye Nidindaan Uwumbɔr, kina pu na, naah koo Amor yaab aatiŋ ni pu na, ni taa dooni baawaa. Le ni yii, kaa ŋun tii mi.”