Nnyam 20:1 - Uwumbɔr aagbaŋ

¹ Uwumbɔr le nan len tibɔr timina mɔmɔk:

Nnyam 20:1 ပူးပေါင်းရင်းမြစ်များ

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Nnyam 19:25

Le Moses sunn ni binib ngbaan chee, le ki nan tuk bi Uwumbɔr aah len pu na.

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Lituln 7:38

Uma Moses, ni tiyaajatiib, ni Uwumbɔr aatuun nan bi nteersakpiin ni, Sainai aajool chee, le Uwumbɔr aatuun len u chee tibɔr lijool ngbaan paab, ki tuk u limɔfal aabɔr ke u nan tuk timi.

Lituln 7:53

Uwumbɔr nan tun ni waatuuntiib bi nan tii nimi waakaal. Le ni yii, kaa kii nkaal ngbaan.”

Ikaal 10:4

Uwumbɔr nan ŋmee ŋitakpapapan ngbaan pu tibɔr chachaan ti u nan ŋmee njan, aan ni ye waakaal kipiik i u nan di tii nimi, buyoonn ni nan kuun lijool ngbaan taab, aan u len ni chee tibɔr mmii ni na. Uwumbɔr nan di ŋitakpapapan ngbaan tii mi,

Ikaal 4:33

Binib bibaa kee ŋun Uwumbɔr len tibɔr mmiigaal ni kina, ki beenin fu uu?

Ikaal 4:36

U nan cha ni ŋun waaneel pu paacham, ke u mɔk nimi tiwan, ki cha ni kan waamii mu bi chain na dulnyaa wee ni, le u len ni chee tibɔr, mmii ngbaan ponn ni.

Ikaal 5:22

“Ikaal imina le Uwumbɔr nan di tii ni mɔmɔk, buyoonn ni nan kuun dan lijool ngbaan chee na. Waah nan len ni chee tibɔr nneel sakpiin, mmii ponn ni, ni ntaalangbam bɔmbɔm ponn ni na, le u nan di ikaal imina tii nimi. Waa ki di ibaa kpee i pu. U nan ŋmee i ŋitakpapepee ŋilee pu, le ki di i tii mi.

Ikaal 5:4

Lijool ngbaan pu, Uwumbɔr nan len ni chee tibɔr, mmii ponn ni.

Ikaal 5:6

‘Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.