Nnyam 2:3 - Uwumbɔr aagbaŋ

³ Buyoonn u ti bee ke waan ki ŋmaa bɔr u na, le u ban kibɔɔkuuk, le ki ban tiwan teŋ ki ponn ni aan nnyun taa koo u chee, ki nan di ubo ngbaan ŋa kibɔɔkuuk ngbaan ponn ni, le ki di u ti bɔr tikal ni, limɔɔl aagbaan.

Nnyam 2:3 ပူးပေါင်းရင်းမြစ်များ

Mpiin 11:3

N‑yoonn ngbaan le bi kpokl, ki bui tɔb ke, “Cha ti gii ŋitanbil ki ŋa ŋi, ŋi li pɔɔ.” Nima pu na, bi nan ŋa ŋitanbil, le ki kan kootaal, aan bi di maa,

Mpiin 14:10

Baah nan bi kifataŋ ki ponn ni na nan kpa kootaal aabuu pam, nima pu na, Sodom ni Gomora aabɔrb ni baajab aah nan ban bi san na, ngem nan lir ŋibuu ngbaan ni; le bi gur na nan san buen ŋijoo ŋibaa paab, le ki ŋmar.

Mpiin 6:14

M ban ke aa di ŋikpan ŋi ŋan na ki kpaa buŋɔsakpem, aan ki ŋmar. Ŋa tidir bu ponn ni, aan ki di kootaal boon ponn ni, ni lipaal.

Nnyam 1:22

Gbelngbeln na, ubɔr ngbaan nan siin nkaal ki bui waanib mɔmɔk ke bi di Hiibru yaab aabijabim bi bi laa ma bi na ki di mee lii Nail aamɔɔl ni, tɔ, bi taa ku mpiibim ma.

Aisaya 18:2

Kitiŋ ngbaan ni le bininkpiib bi si baatiŋ aasisiiyaan na nyan ni Nail aamɔɔl ni, ki bi iŋɔi i bi di tikal ŋa i na ni. Ntuun tiib bi ŋmaa chuun mala mala na, gir kun man. Gaa man inaŋ ki di buen nimi aatiŋ ki ŋimɔɔ yakr ki, aan ki ye litimbol li kpa mpɔɔn sakpen, aan kaanib fɔk, aan biwon joon kpal kpal, bi dulnyaa mɔmɔk aanib san bi ijawaan na chee.

Aisaya 19:6

Inyunsan ngbaan ga li foor suusuu suusuu, ki nuŋ, le ki ti kuur. Timɔɔmoor ni tikal ga yɔl,

Aisaya 35:7

litambol li nan ton ki seer binib na ga kpaln kibɔɔk la, le kitiŋ nin chee nan kuun na ga kpaln inyunbun ŋmeen. Nin chee ikakal nan koo na, kipuuk ni aamoor ni tikal le ga gaa nima.

Matiu 2:13

Baah nan chaa kun na, Josef nan kan Uwumbɔr aatuun tidaŋ ponn ni. Le Uwumbɔr aatuun ngbaan bui u, “Fiin ki yoor ubo ngbaan ni una ki san buen Ijipt aatiŋ ni, ki ti li bi nima ki kiir bundaln m ga nan tuk si ke aa nya nima na. Ubɔr Herod ga li ban ubo ngbaan ke u ku u.”

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Lituln 7:19

Le u nan ŋmanni tiyaajatiib ki ŋani bi bakaa, le ki tuk waanib ke bi di tiyaajatiib aabim mee timoor ni aan bi kpo.