Nnyam 2:2 - Uwumbɔr aagbaŋ

² le ki ma u chee ubijabo. N‑yoonn ngbaan upii ngbaan aah kan ke ubijabo ngbaan ye ubo nyaan na le u di u bɔr iŋmal itaa.

Nnyam 2:2 ပူးပေါင်းရင်းမြစ်များ

2 Bibɔrb 11:3

Jehoseba nan cha ubo ngbaan ni waabiyoor bɔr Uwumbɔr Aadichal ni, le u kpiini u ki ti saa ŋibin ŋiloob, le Atalia nan ye upiibɔr ki joo kitiŋ.

Ilahn 112:5

Unii u pinn biken tiwan, kaa san ijawaan, kaa kpa beebee waatuln ni na kpa mpopiin.

Nnyam 6:20

Amram nan yoor ute aaninkpan Jokebed, le u ma Aaronn ni Moses. Amram nan bi ki ti saa ŋibin nkub ni piitaa ni ŋilole la.

Nkahm 26:59

uma le nan joo Liifai yaab aapiibo u bi nan yin u ke Jokebed, aan bi nan ma u Ijipt aatiŋ ni na. Upii ngbaan nan ma mbijabim mulee le tii Amram, bi nan yin bi ke Moses ni Aaronn, le ki ma upiibo u bi nan yin u ke Miriam na mu.

Lituln 7:20

N‑yoonn ngbaan le bi ma Moses, u nan ye ubo u ŋan sakpen na la. Le bi kpiin u ute do iŋmal itaa.

Ikaal 33:16

Uwumbɔr, cha tiwanyaan mɔmɔk li gbii baatiŋ ni. Uwumbɔr, ŋa tinyoor ŋa bi pu, ki cha bi kan tiwanyaan mɔmɔk. Sin le nan len tibɔr tisufar ti nan gaal mmii kaa wu na ni. Uwumbɔr cha tinyoor timina mɔmɔk dan Josef aanibol pu, ba pu? uma le ye ukpetiib pu usaloln.

Hiibru Yaab 11:23

Moses aate ni una aah nan gaa Uwumbɔr ki kii pu na, le bi nan di u bɔr iŋmal itaa. Bi nan kan ke u ye ubo u ŋan sakpen na, kina pu na, baa nan san Ubɔr Faro aah nan siin ke bi ku bima Israel yaab aabijabim pu na aakaal.

1 Samuel 16:12

Kina pu le Jese nan tun ke bi yin ni u. U nan ye unachipɔɔn u ŋan ki pɔɔ na, le unimbil wiin chain. Uwumbɔr nan bui Samuel ke, “Uma le na. Kaan u.”