Nnyam 2:15 - Uwumbɔr aagbaŋ

^15-16 Buyoonn ubɔr ngbaan ŋun Moses aah ŋa pu na, le u nan ban bi ku u, le Moses san buen ti bi Midiann aatiŋ ni. Daalbaadaal, le Moses nan ka nnyunbun mubaa chee, le Jetro, u nan ye Midiann aatotoor na aabisatiib bilole nan dan nnyunbun ngbaan chee, ke bi nan lu nnyun tii bite aapiih ni iŋoob i nyu.

Nnyam 2:15 ပူးပေါင်းရင်းမြစ်များ

Mpiin 24:11

Waah ti fuu nima na, le u nan cha laakumii tiib ngbaan doon kitiŋ, nnyunbun mubaa chee, kitiŋ ngbaan aagbaan. Ni nan ye kijook wɔb, buyoonn bipiib chaa ikpen bi ti lu nnyun na.

Mpiin 25:2

Ketura mu nan ma Simrann, ni Joksann, ni Medann, ni Midiann, ni Isbak, ni Sua, ki tii Abraham.

Mpiin 25:4

Midiann aajapɔtiib le nan ye Efa, ni Efer, ni Hanok, ni Abida, ni Eldaa. Bimina mɔmɔk nan ye Ketura aayaabitiib la.

Mpiin 29:2

Waah cha na, le u ti kpaan nyan nnyunbun mubaa pu, le ki kan ipiih ŋiker ŋitaa pu dɔ mann goln nnyunbun ngbaan. Bipihkpaab bi nan joo ipiih ngbaan na nan lu nnyunbun ngbaan aanyun le tii ipiih ngbaan le i nyu, le bi nan di litakpasakpeln libaa di biin nnyunbun ngbaan aamɔb.

1 Bibɔrb 11:18

Bi nan fii Midiann aatiŋ ni le ki di buen Parann aatiŋ ni, nima chee le bijab bibaa nan ti kpee bi pu. Le bi mɔmɔk chuun buen Ijipt aatiŋ ni, ki ti buen ubɔr chee, le ubɔr ngbaan tii Hadad kitiŋ ni lidichal, ki tii u tijikaar.

Nnyam 18:4

U nan ki bui ke, “Nte Aawumbɔr le ter mi le ki gaa mi lii Ijipt yaab aabɔr u ban u ku mi na chee,” kina pu na, u nan yin uken na ke Elieser.

Nnyam 4:19

Buyoonn Moses nan beenin bi Midiann aatiŋ ni na, le Uwumbɔr bui u ke, “Gir buen Ijipt aatiŋ ni; binib bimɔk nan ban bi ku si na kpo doo a.”

Ŋiyataŋak 22:3

Bilandam waa tibɔr aah choo pu na le ki minn ti, le ujɔr ma ga koo ti ni, le ki nan ki bi wii.

Habakuk 3:7

M nan kan ke ijawaan nan chuu Kusann aanib, le Midiann aatiŋ aanib aawon gbaa.

Matiu 10:23

Bi yaa ŋa nimi falaa kitiŋ kibaa ni kan, ni san buen kitiŋ kiken ni. M tuk nimi mbamɔn la, buyoonn min Unibɔn Aabo ga nan gir ni na, naan kee bɔ dii Israel yaab aatim mɔmɔk ni, ki doo.

Jɔnn 4:6

Jakob aanyunbun mu bi nima chee. Le Yesu aah chuun na, u bak a. Nima le u kal nnyunbun ngbaan aamɔgbeln pu. Nwiin nan bi kaasisik ni.

Lituln 7:29

Waah len kina na, le Moses san nyan Ijipt aatiŋ ni, ki buen Midiann aatiŋ ni, ki nan ti ye uchaan nima. Le upuu ma mbijabim bilee nima.

Hiibru Yaab 11:27

Waah nan gaa Uwumbɔr ki kii pu na le u nan nyan Ijipt aatiŋ ni, kaa san ubɔr na aah gee liŋuul pu na. Ni naahn ke u waa Uwumbɔr u unibɔn aanimbil aan ŋmaa kan u na la. Nima le u nan kpa limɔr le ki sil mbamɔm.