Nnyam 2:14 - Uwumbɔr aagbaŋ

¹⁴ Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Nnyam 2:14 ပူးပေါင်းရင်းမြစ်များ

Mpiin 13:8

Abram nan bui Lot ke, “Ti ye mmaal mbaa aanib la, naa ŋan ke timi aanib ngbaan li jaa.

Mpiin 19:9

Le Sodom aajab ngbaan nan bui Lot ke, “Siir nima, uwɔwɔnja wee. Aa ye ŋma ki si tuk timi taah ga ŋa pu na. Siir nima, lik suuna, ni yaa kaa ye kina kan, taah ga ŋa si pu na ga jer bi yaan.” Bijab ngbaan nan tur Lot, ke bi foor u jaaleŋ chee, aan ki gbaa wii jaaleŋ ki koo bicham ngbaan chee.

Mpiin 34:27

Baah ku bijab ngbaan doo na, le Jakob aajapɔtiib bi gur na koo kitiŋ ngbaan ni, ki ti yoor baawan mɔmɔk ki teen bininkpan aanimɔɔn pu.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Nkahm 16:13

Saah nyan ni timi Ijipt aatiŋ ki kpa nkpan ni n‑yaan, ke aa nan ku timi lii nteersakpiin mue ni na, naa ŋeer aa? Le aa ki ban ke aa kpaln timi aabɔr aa?

Nkahm 16:3

Bi nan kuun sil Moses ni Aaronn chee, le ki bui bi ke, “Ni yoor nibaa paacham ki ti chaar jer a. Uwumbɔr le yeh binib ngbaan mɔmɔk, le ki bi ti mɔmɔk ubaabaa chee. Nima pu na, ba ŋa si Moses dak ke aa ŋan jer Uwumbɔr aanib ngbaan mɔmɔk, aan ki yoor aabaa paacham sakpen kina?”

Matiu 21:23

Yesu nan koo Uwumbɔr Aadichal ni, le ki tuk binib Uwumbɔr aabɔr. Waah ŋani kina na, le Uwumbɔr aatotoorninkpiib ni Juu yaab aaninkpiib dan u chee ki nan baa u, “Aa kpa nsan ke aa ŋa saah ŋani pu na aa? Ŋma tii si nsan ngbaan?”

Tibɔnyaan ti Luk ŋmee ti na 12:14

Le Yesu bui u, “Uja, ŋma tii mi nsan ke m ji nimi tibɔr ki yakr lifaal tii nimi?”

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Tibɔnyaan ti Luk ŋmee ti na 19:27

Tɔ, maadim bi kaa nan ban ke m li ye baabɔr na, li joo ni bi do chee na, ki nan ku bi nnimbiin ni.’”

Lituln 7:35

“Tɔ, Moses le ye unii u Israel yaab nan yii u, ki bui u ke, ‘Ŋma ŋa si timi aayidaan ni ubɔjir?’ Uma le Uwumbɔr nan tun waatuun u chee, busub bu bi ke bu aah gaal mmii le na pu, u ti tuk u ke u buen ti nyan ni waanib tinaagbiir ni, ki li joo ni bi.

Hiibru Yaab 11:27

Waah nan gaa Uwumbɔr ki kii pu na le u nan nyan Ijipt aatiŋ ni, kaa san ubɔr na aah gee liŋuul pu na. Ni naahn ke u waa Uwumbɔr u unibɔn aanimbil aan ŋmaa kan u na la. Nima le u nan kpa limɔr le ki sil mbamɔm.