Nnyam 2:11 - Uwumbɔr aagbaŋ

¹¹ Buyoonn Moses muun ki ŋa uja na, le u nyan ubɔr aabisal do ki buen u ti mann waanib Israel yaab, le ki ti kan waanib aah kpa falaa pu na. Hali u nan si nibaa chee ki kan Ijipt aanii aah ku Hiibru aanii ubaa pu na, u nan ye Moses aado yoo la.

Nnyam 2:11 ပူးပေါင်းရင်းမြစ်များ

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 3:7

Le Uwumbɔr bui u ke, “M kan maanib aah bi ji falaa Ijipt yaab aaŋaal ponn ni pu na. M ŋun bi wii ki ban unii u ga gaa bi lii na. M nyi baafalaa mɔmɔk aabɔr.

Nnyam 5:14

Ijipt yaab nan gbaa Israel yaab bi lik biken aan bi tun lituln na, le ki baa bi ke, “Ba ŋa naa ki ŋani ŋitambil ŋi wiir ke naah nan ŋani pu na?”

Nnyam 5:4

Ubɔr ngbaan nan bui Moses ni Aaronn ke, “Ba ŋa ni ban binib ngbaan yii baatuln? Cha binaagbiib ngbaan gir buen baatuln yaan.

Nnyam 5:5

Nimi binib bee gur wiir jer Ijipt yaab, le dandana wee ni ban ni di cha lituln ngbaan.”

Nnyam 5:9

Tii bi lituln li pɔɔ na, nima kan, baan li kpa mpaan ki pel inyamɔn aabɔr.”

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 58:6

“Maah ban kimɔlul ki aaboln na sɔ: Chuu nyan man limukl aakululn ti ni di buu bigiim na, ni inyamɔn aatuln li ni di tun bi na bi pu, ki cha bi li chuun bibaa pu.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,