Nnyam 2:10 - Uwumbɔr aagbaŋ

¹⁰ Ubo ngbaan aah lii libiil buyoonn na, le upii ngbaan di u buen ti di u tii ubɔr aabisal ngbaan, le u gaa u ki di ŋa ujapɔɔn. Le ubɔr aabisal bui usui ni ke, “M daa nyan u nnyun ni la, nima pu na, m ga yin u ke Moses.”

Nnyam 2:10 ပူးပေါင်းရင်းမြစ်များ

Mpiin 16:11

Aa ga maa ubijabo, ki yin u ke Ismael; ba pu? Uwumbɔr ŋun saah wii limukl ponn ni pu na.

Mpiin 4:25

Adam ni upuu nan ki ma ubijabo uken. Le upii ngbaan bui ke, “Uwumbɔr ki tii mi ubijabo u leŋ Abel u Kainn nan ku na aaleleŋ.” Nima pu le u yin u ke Sef.

Mpiin 48:5

Jakob nan ki bui u ke, “Josef, saabim mulee mu aa ma Ijipt aatiŋ ni do aan m nin fuu ni na, min le yeh bi. Efraim ni Manase mu ye maabim le ke Rubenn ni Simeonn aah ye pu na.

2 Samuel 22:17

Uwumbɔr nan nyan ni paacham le ki laan chuu mi; u nan daa nyan mi nnyun mu nyoo na ni.

Nnyam 2:9

Le ubɔr aabisal ngbaan bui upii ngbaan ke, “Gaa ubo umina ki li ŋaani u tii mi, aan m pa si.” Nima le u nan gaa ubo ngbaan, le ki kpiin u.

Matiu 1:21

U ga maa ubijabo, le aa ga yin u ke Yesu; ba pu? uma le ga nyan waanib baatunwanbir ni.”

Galantiya 4:5

ke u gaa binib bi dii nkaal ngbaan na lii, aan Uwumbɔr ŋa timi waabim.

Hiibru Yaab 11:24

Moses nan gaa Uwumbɔr ki kii, nima le waah nan chikr na, waa nan kii ke bi yin u ke Ubɔr Faro aabisal aabo.

1 Jɔnn 3:1

Lik Tite Uwumbɔr aah gee timi sakpen pu na. U yin timi ke waabim. Le ti mu sil ye waabim. Dulnyaa aanib aa nyi Uwumbɔr. Baah kaa nyi Uwumbɔr na, nima pu le baa nyi ti mu.

1 Samuel 1:20

Kina pu na, ni nan ye le ke u di dek, ki maa ubijabo. U nan yin u ke Samuel, le ki kpiir len ke, “M mee u Uwumbɔr chee la.”