Nnyam 19:6 - Uwumbɔr aagbaŋ

⁶ ki tii min baanja, le ki ga li ye bitotoorb ki tun maatuln.”

Nnyam 19:6 ပူးပေါင်းရင်းမြစ်များ

1 Bibɔrb 3:8

Min le ka do, binib bi aa lee ke bi li ye saanib, aan bi wiir, ubaa aan ŋmaa kahn bi na, aakaasisik ni na.

1 Bibɔrb 8:53

Aa lee bi binib mɔmɔk ponn ni, ke bi li ye aabaa aanib, ke saah nan cha saatutunn Moses tuk bi pu, buyoonn aa nan nyan ni tiyaajatiib Ijipt aatiŋ ni na.”

1 Bibɔrb Aabɔr 17:22

Aa di Israel yaab ŋa saanib n‑yoonn mɔmɔk, le sin Uwumbɔr ŋa Bidindaan.

Ilahn 114:2

le Juda yaab nan kpaln Uwumbɔr aanib bi u bi bikaasisik ni na, Israel yaab nan kpaln Uwumbɔr yaab.

Nnyam 15:26

U nan bui bi ke, “Ni yaa kii tii mi n‑yoonn mɔmɔk, ki ŋani maah ban pu na, ki joo maakaal i m di tii nimi na kan, maan cha iween i aaboln m nan cha i lir Ijipt yaab pu na lir ni pu. Min le ye Uwumbɔr u sɔŋni nimi aaween na.”

Nnyam 22:31

“Naah ye maanib pu na, ni taa ji kiwakork ki aanann upeel chuu ki ŋman gur na; ni di tinann ngbaan aaboln tii ibɔ.

Nnyam 28:36

“Aa di salmaa ŋmeen ki ŋa tiwanyaan, ki ŋmee ni pu ke ‘Uwumbɔr yoo’,

Aisaya 43:4

M ga di ŋitimbol mɔmɔk pa ki gaa nimi lii, ba pu? ni ye liwangol le m chee, le m gee nimi, ki nyuŋ nimi.

Aisaya 61:6

Le binib ga li nyi nimi, ke ni ye Uwumbɔr aatotoorb, timi Aawumbɔr aatutum. Ni ga ji ŋitimbol ŋiken aawangol, ki li mak ke ni ye nimi yaan la.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 66:21

M ga ŋa bi ponn ni bibaa bitotoorb ni Liifai yaab.

Jeremia 13:11

M ba ban ke Israel ni Juda aanib mɔmɔk li bub joo mi kin kin ke lichutageln aah ŋeer kichaŋ sab pu na la. M nan ŋa kina ke bi li ye maanib ki joo ni kipak ni inyuŋ nan tii mi la; le bi yii kaa kii maamɔb.”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 7:23

Tɔ, m nan tee bui bi ke bi li keei maamɔb, aan m li ye Baawumbɔr, le bi mu li ye maanib. M nan bui bi ke bi li bi maah bui bi ke bi li bi pu na, aan ki li kpa lifuur.

Liifai Yaab 19:2

ke u tuk Israel yaab ke, “Ni li bi chain, ba pu? min Nidindaan Uwumbɔr bi chain la.

Liifai Yaab 20:24

M puu ke m ga di kitiŋ ki kpa tiwakor aamoŋmɔpaan ni ŋisubil sakpen na tii nimi ki li ye nimi yaan, le m ga sil di ki tii nimi. Min le ye Nidindaan Uwumbɔr, le ki nyan nimi nibaa ŋinibol mɔmɔk ni.

Liifai Yaab 20:26

Ni li bi chain aan ki li ye maanib, ba pu? Min le ye Uwumbɔr le ki bi chain. M nyan ni nimi ŋinibol mɔmɔk ni ke min baanja le li yeh nimi.

Liifai Yaab 21:23

U mu aah kpa tiwon aaween na, u taa duun ni chain aakekeln li bi di gii Libool ni na, ki taa duun ni kitork aabimbiln mu chee. U taa bii chain aawan nee mɔmɔk, ba pu? Min le ye Uwumbɔr le ki ŋa tiwan ngbaan chain.”

Amos 3:2

“Dulnyaa aanibol mɔmɔk ponn ni, nimi baanja le m nyi nimi ki lik nimi, nibaa taa ŋa nimi. Nima le cha nimi aatunwanbir bir sakpen, ki cha m ga sil daa nitafal.”

Hagai 2:5

Naah nan nyan ni Ijipt aatiŋ ni na, m nan puu ke m ga li bi ni chee n‑yoonn mɔmɔk. M beenin bi ni chee, kina pu na, ni taa san ijawaan man.

Nkahm 16:3

Bi nan kuun sil Moses ni Aaronn chee, le ki bui bi ke, “Ni yoor nibaa paacham ki ti chaar jer a. Uwumbɔr le yeh binib ngbaan mɔmɔk, le ki bi ti mɔmɔk ubaabaa chee. Nima pu na, ba ŋa si Moses dak ke aa ŋan jer Uwumbɔr aanib ngbaan mɔmɔk, aan ki yoor aabaa paacham sakpen kina?”

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

1 Korenti 3:17

Unii yaa bii Uwumbɔr aadiik kan, Uwumbɔr ga bii udaan ngbaan. Ba pu? Uwumbɔr aadiik bi chain la. Nimi le ye kidiik ngbaan.

Ikaal 14:21

“Ni taa ji kiwakork ki kpo kibaa pu na. Ni ga ŋmaa di ki tii biwɔwɔm bi koo ni chee na, bee ni ga ŋmaa di kooh tii biwɔwɔm biken. Nimi ma kan, Nidindaan Uwumbɔr le yeh nimi; ni ye waanib la. “Ni taa di upiih, bee uŋoob aabiin ŋaa waabo.

Ikaal 26:19

Waah naan ŋinibol mɔmɔk ŋi dulnyaa wee ni na, nimi le u nyan ke u ga ŋa nimi linibol li kpa mpɔɔn sakpen ki jer ŋi mɔmɔk na, le ni ga pak ki nyuŋ waayimbil. Ni ga li ye uma ubaa aanib ke waah nan puu pu na.”

Ikaal 28:9

“Ni yaa kii Nidindaan Uwumbɔr aamɔb ki ŋa waah len pu na mɔmɔk kan, u ga di nimi ŋa waanib, ke waah nan puu tipuur pu na.

Ikaal 7:6

Naah ye Nidindaan Uwumbɔr aanib pu na, ni ŋa kina. Nimi le u nyan dulnyaa aanib mɔmɔk ni, ke ni li ye uma ubaa aanib.

1 Tesalonika 5:27

M gaŋ nimi Tidindaan aayimbil pu ke ni cha bi karn kigbaŋ kee tii tinaabitiib mɔmɔk.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 1:6

ki ŋa timi waanaan ni aanib bi ye bitotoorb na, ke ti li tun lituln tii Ute Uwumbɔr. Uma Yesu le ye uyimbidaan, ki kpa mpɔɔn mɔmɔk n‑yoonn mu kaa kpa ndoon na. Amii.

Tibɔkpiirkaan 20:6

Binib bi puen fikr nkun ni na kpa mpopiin; bi ye Uwumbɔr aanib la. Baan ki kpo lelee. Bi ga li ye bitotoorb ki tun lituln tii Uwumbɔr ni Kristo, ki ga ji nnaan u chee ŋibin lichur.

Tibɔkpiirkaan 5:10

Aa ŋa bi saanaan ni aanib bi ye bitotoorb na, bi ti tun lituln tii timi Aawumbɔr, le bi ga li joo dulnyaa mɔmɔk.”