Nnyam 19:4 - Uwumbɔr aagbaŋ

⁴ “Ni kan min Uwumbɔr na aah nan ŋa Ijipt yaab pu, ki kii nimi ke likaagiil aah kii laabo pu, ki yoor u ufeen pu pu na, le ki joo ni nimi mbaa chee.

Nnyam 19:4 ပူးပေါင်းရင်းမြစ်များ

Aisaya 40:31

le binib bima kpa limakl ke Uwumbɔr ga ter bi na ga kan ke bitaakpab moo pɔɔk la. Bi ga fii ke ŋikaagii na; bi ga san, kaan bak; bi ga chuun, le bitaakpab aan yɔl.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Hagai 2:5

Naah nan nyan ni Ijipt aatiŋ ni na, m nan puu ke m ga li bi ni chee n‑yoonn mɔmɔk. M beenin bi ni chee, kina pu na, ni taa san ijawaan man.

Malakai 2:10

Taa kpaan te la aa? Naa ye Uwumbɔr baan le naan ti mɔmɔk aa? Kina kan, ni ŋa kinye aan ti bii tipuur ti ti puu tii tɔb na, ki lik seen tipuur ti Uwumbɔr nan puu tii tiyaajatiib na?

Ikaal 1:30

Nidindaan Uwumbɔr ga loln ni pu nsan, ki jan ni pu, ke waah nan ŋa pu Ijipt aatiŋ ni, ni nteersakpiin ni, aan ni kan na.

Ikaal 1:31

Ni kan waah joo ni nimi laafee ni, ki nan saa do chee na, ke ubo aate aah joo u pu na.’

Ikaal 29:1

Tipuur timina le Uwumbɔr nan bui Moses ke uma Uwumbɔr puu tii Israel yaab, Moab yaab aatiŋ ni. Tipuur timina le nan ki kpee tipuur ti Uwumbɔr nan puu tii bi Sainai Aajool chee na pu.

Ikaal 29:2

Moses nan kuun Israel aanib ngbaan mɔmɔk le ki bui bi ke, “Nimi nibaa aanimbil nan kan Uwumbɔr aah nan ŋa Ijipt yaab aabɔr, ni waatutum, ni waatiŋ mɔmɔk pu na.

Ikaal 4:9

Ni li kii nibaa man. Ni yaa bi limɔfal ni ki ti saa buyoonn na kan, ni taa suln ninimbigbaŋ aah kan tiwan ni Uwumbɔr ŋa na. Ni tuk nimi aabim, ni niyaabitiib,

Josua 23:3

Ni mɔmɔk kan Nidindaan Uwumbɔr aah ŋa ŋitimbol ŋimina mɔmɔk pu na. Nimi pu le u ŋa kina. Nidindaan Uwumbɔr le jaa ni pu.

Tibɔkpiirkaan 12:14

Le Uwumbɔr tii upii ngbaan libɔrwiin aafeen ilee ke u fii buen nteersakpiin ni, waapaan ni, kipeewanbiik ngbaan taa ki pii u nima chee. Le bi ti kpiini u nima chee ki ti saa ŋibin ŋitaa ni ligeln.