Nnyam 19:16 - Uwumbɔr aagbaŋ

¹⁶ Nwiin tatar daal ngbaan aachakpiik ni, le utaal tar ki moor, le ntaalangbam mu bɔn chin chin na jɔnn lijool ngbaan pu, le bi ŋun kakaan aah wii sakpen pu na. Le binib ngbaan mɔmɔk aawon gbaa ki jii ijawaan pu.

Nnyam 19:16 ပူးပေါင်းရင်းမြစ်များ

2 Samuel 22:10

U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Job Aagbaŋ 38:25

Ŋma nan gbii nnyunsan tii utaal u bar kpir ni na? Ŋma nan naan nsan tii utaal aah gbin kitaabuŋ ki ponn ni na?

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 77:18

Utaal aah tar pu na buen ni kookoo a, le utaal aah moor pu na cha dulnyaa mɔmɔk woln chain; le kitiŋ dam ki jii.

Ilahn 81:8

Maanib, li pel man tibɔr ti m joo sur nimi na; Israel yaab, m ba gee sakpen ke ni li ŋun tii mi.

Ilahn 97:4

Waawiihn mu moor ke utaal na le wolni dulnyaa pu; kitiŋ kan kina le ki jii.

Nnyam 19:11

aan ki gor bibaa daalpu. Liyaadaal ngbaan, m ga nyan ni paacham, ki sunn ni Sainai Aajool pu, nin chee binib ngbaan mɔmɔk ga kan mi na.

Nnyam 19:15

le Moses bui bi ke, “Gor nibaa man, ubaa taa doon upuu chee ki ti saa daalpu.”

Nnyam 19:17

Le Moses loln bi pu nsan, le bi nyan linampal ki buen Uwumbɔr chee, ti sil lijool ngbaan aataab.

Nnyam 19:9

Uwumbɔr nan ki bui Moses ke, “M ga dan ni chee ntaalangbam mu bɔɔn na ni, nima kan, binib ngbaan ga ŋun maah bi len aa chee tibɔr pu na, aan dandana wee ki joo cha bi ga gaa kii saah len pu na.” Moses nan tuk Uwumbɔr binib ngbaan aah kii pu na,

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Nnyam 20:21

Tɔ, binib ngbaan nan beenin si dandar, le Moses baanja buen ntaalangbam bɔmbɔm ngbaan chee, nin chee Uwumbɔr bi na.

Nnyam 40:34

N‑yoonn ngbaan, Uwumbɔr aataalangbam nan biin Libool pu, le waawiihn mu moor ki deer ŋinimbil na gbiin li ponn ni.

Nnyam 9:23

Moses nan yoor waajaangbeek mɔk kitaapaak, le Uwumbɔr cha ŋitaatakpal lir, le ki cha utaal moor ki tar kitiŋ pu.

Jeremia 5:22

Min le ye Uwumbɔr; ba ŋa naa san mi? Ba ŋa naa jii nnimbiin ni? M di litambol le bil kiir nnyusakpem, ke mu aanaanmɔk le na n‑yoonn mɔmɔk. Nnyusakpem aanyun ga fii too paacham, mu mu aan ŋmaa jer mu aanaanmɔk, le tinyunkpenn ga ŋmaa fii ti lir ni kifuuk, ti mu aan ŋmaa jer buen nibaa.

Nahum 1:3

Uwumbɔr aaŋuul aa fiir mala mala, le u tee kpa mpɔɔn sakpen, le ki dar binib bi aabɔr aa ŋan na aatafal, kaa joo cha pinni bi. Kitaabuŋ fii nin chee Uwumbɔr chuun na la; utaa aatangbaak le ye ntaalangbam.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Ikaal 5:5

N‑yoonn ngbaan, min le nan sil nimi ni Uwumbɔr aakaasisik ni, le ki tuk nimi waah len pu na, ba pu? ni nan san mmii ngbaan ijawaan, le kaa kaa ke ni buen lijool ngbaan paab. “Le Uwumbɔr nan bui ke,

Hiibru Yaab 12:21

Baah kan tiwan ni na nan kpa ijawaan pam. Moses mu nan len ke ijawaan joo u sakpen, le uwon gbaa.

Tibɔkpiirkaan 1:10

Tidindaan aakpaakool daal le Uwumbɔr Aafuur Nyaan nan fir m pu. Le m ŋun nneel sakpiin len mpuwɔb ke kakaan na,

Tibɔkpiirkaan 11:19

Tɔ, le bi chuu piir Uwumbɔr aadiik ki bi paacham na. Le m kan Uwumbɔr aakaal aadakaa si waadiik ponn ni. Le utaal moor, le kifuuk faa, le utaal tar, le kitiŋ deŋ, le utaal nu ŋitaatakpabil sakpiin.

Tibɔkpiirkaan 4:1

Waah len ti doo na, le m kan Uwumbɔr do aabisamɔb piir. Le nneel mu naahn kakaan ki len m chee njan na le len ke, “Dan paacham do, le m ga mɔk si budabu ga sil ŋa n‑yoonn mue aapuwɔb na.”

Tibɔkpiirkaan 4:5

Libɔrjal ngbaan chee moor lak lak ke utaal aah moor pu na, kifuuk mu faa ke utaal aah tar pu na. Karyaa bilole mu wiin libɔrjal ngbaan aanimbiin ni, ki ye Uwumbɔr Aafuur mulole la.

Tibɔkpiirkaan 8:5

Le Uwumbɔr aatuun ngbaan moo mmii mu bi kitork aabimbiln paab na gbiin tulalee aayon aasambil ngbaan, le ki di mee yaa dulnyaa wee ponn ni. Le kifuuk faa, le utaal tar ki moor, le kitiŋ deŋ.