Nnyam 19:11 - Uwumbɔr aagbaŋ

¹¹ aan ki gor bibaa daalpu. Liyaadaal ngbaan, m ga nyan ni paacham, ki sunn ni Sainai Aajool pu, nin chee binib ngbaan mɔmɔk ga kan mi na.

Nnyam 19:11 ပူးပေါင်းရင်းမြစ်များ

Mpiin 11:5

Le Uwumbɔr nan dan u nan lik baah maa kitiŋ ki na, ni kidifɔfɔŋ ngbaan.

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Ilahn 144:5

Uwumbɔr, chuu daa kar kitaapaak ki sunn ni; di aaŋaal meeh ŋijoo, aan ŋi nya iŋmanyuu.

Ilahn 18:9

U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Nnyam 19:16

Nwiin tatar daal ngbaan aachakpiik ni, le utaal tar ki moor, le ntaalangbam mu bɔn chin chin na jɔnn lijool ngbaan pu, le bi ŋun kakaan aah wii sakpen pu na. Le binib ngbaan mɔmɔk aawon gbaa ki jii ijawaan pu.

Nnyam 19:18

Le Sainai Aajool paab kpaln iŋmanyuu ŋmeen, ba pu? Uwumbɔr nan nyan ni paacham ki sunn ni li pu mmii ponn ni la. Le iŋmanyuu fii jon paacham ke mmii sakpiin aaŋmanyuu na, le binib mɔmɔk aawon gbaa sakpen.

Nnyam 19:20

Le Uwumbɔr nyan ni paacham ki sunn ni Sainai Aajool ngbaan paab, ki yin Moses ke u dan u chee lijool ngbaan paab. Moses nan jon u chee paacham,

Nnyam 24:16

Uwumbɔr aawiihn nan moor ki sunn ni lijool ngbaan pu. Israel yaab ma aah nan kan nwiihn ngbaan na, mu nan naahn ke mmii le aah gaal lijool ngbaan pu na. Le ntaalangbam ngbaan nan biin lijool ngbaan pu ki ti saa iwiin iloob; winlole daal le Uwumbɔr yin Moses ntaalangbam ni.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Nnyam 34:2

Gor aabaa, aan kichakpiik ni kan, aa fe dan Sainai Aajool paab m chee nima.

Nnyam 34:5

Le Uwumbɔr sunn ni ntaalangbam ponn ni, ki nan sil u chee nima, le ki yin ubaa ke U‑ye‑na u aayimbil bi chain na.

Nkahm 11:17

M ga sunn ni ki nan len aa chee tibɔr nima, le ki di Maafuur Nyaan mu m di tii si na ngem, tii bi mu. Nima kan, bi ga ŋmaa ter si, aa joo binib ngbaan, le naan ki li ye si baanja le ga li joo bi.

Jɔnn 3:13

Ubaa aa kee buen paacham see min Unibɔn Aabo u [bi paacham ki] nyan ni paacham na.

Jɔnn 6:38

M nyan ni paacham ke m nan ŋa Uwumbɔr u tun ni mi na aageehn la. Maa dan m nan ŋa mbaa aageehn.

Ikaal 33:2

Uwumbɔr nan nyan ni Sainai Aajool paab, u nan fii Edom ke nwiin na, le waawiihn nyan ni Parann Aajool paab ki woln waanib pu. Waatuuntiib ŋichur kipiik nan bi u chee ke mmiigaal mu nyan ni uŋangii wɔb na.

Ikaal 4:10

tiwan ni nan ŋa, bundaln ni nan sil Nidindaan Uwumbɔr aanimbiin ni, Sainai Aajool taab na. N‑yoonn ngbaan, u nan bui mi ke, ‘Kuun ni maanib ngbaan. M ban bi ŋun maah ga len pu na la, nima kan, bi ga li nyi baah ga kii maamɔb pu, ki ti saa baamɔfal aadoon na. Nima kan, bi ga mɔk baabim, aan bi mu li san mi ijawaan.’

Josua 3:5

Le Josua bui binib ngbaan ke, “Toor nibaa man, ba pu? Uwumbɔr ga fe ŋa lijinjiir aatuln nikaasisik ni.”