Nnyam 18:8 - Uwumbɔr aagbaŋ

⁸ Moses nan tuk Jetro, Uwumbɔr aah ŋa Ijipt yaab aabɔr, ni waanib pu, aan ki gaa Israel yaab lii na. U nan ki tuk u ŋimuk ŋi bi kan nsan ni aan Uwumbɔr gaa bi lii na mɔmɔk.

Nnyam 18:8 ပူးပေါင်းရင်းမြစ်များ

Mpiin 44:34

Ubo ngbaan yaa kaa dii timi kan, m ga ŋa kinye ki gir kun nte chee? Nte aah bi pu na, naa ŋan ke m joo ni tibɔbir kina aaboln u pu.”

Nehemia 9:32

Uwumbɔr, timi Aawumbɔr, saapɔɔn wiir sakpen; Unii mɔk san si ijawaan, le saapɔɔn ti nyaŋ. Aa joo saah nan puu tipuur ti na mbamɔm. Ki nyan buyoonn Asiria aatiŋ aabɔrb nan muk timi na, hali ki nan saa din, taah jin falaa u na nyaŋ a. Timi aabɔrb, ni timi aayidam, ni timi aatotoorb, ni saabɔnabtiib, ni tiyaajatiib, ni timi aanib mɔmɔk jin falaa la. Teer taah jin falaa sakpen pu na.

Ilahn 106:10

U nan gaa bi binib bi kaa gee bi na chee lii; u nan gaa bi baadim chee lii.

Ilahn 106:8

Tɔ, waah nan puu pu na, u nan gaa bi lii, ke ni mɔk waah kpa mpɔɔn sakpiin mu na.

Ilahn 107:2

Nimi bi mɔmɔk kan waaŋmarm na, di tibɔbaan ngbaan giin pak u man. U gaa nimi, nimi aadim chee lii,

Ilahn 66:16

Binib bi mɔmɔk nyuŋ Uwumbɔr na, dan ki nan pel man, aan m bui nimi waah tun pu tii mi na.

Ilahn 81:7

Buyoonn ni nan bi tibɔr ni na, le ni nan yin mi, le m gaa nimi lii. M nan bi maabɔbɔryaan mu ye kitaabuŋ ni na, le ki kii nimi aayim ngbaan. M nan tɔŋ nimi Meriba aanyunbun na chee.

Nnyam 15:16

le ijawaan lir bi pu. Uwumbɔr, binib ngbaan kan saapɔɔn, le ijawaan chuu bi, le bi si lik, kaa ŋmaa ŋa nibaa, le saanib bi aa nyan bi tinaagbiir ni na chuun jer.

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Nnyam 16:3

le ki bui bi ke, “Uwumbɔr yaa ba ku timi Ijipt aatiŋ ni kan, ti ba ga li gee kina. Ti ba ga li kani tinann ni tijikaar timɔk ti gee na ki ji, le ni joo ni timi nteersakpiin mumina ponn ni ti nan kpo nkon.”

Nnyam 18:1

Moses aachool uja Jetro, u ye Midiann aatiŋ aatotoor na, nan ŋun Uwumbɔr aah di Moses tun pu na mɔmɔk, aan ki cha u nyan ni Israel yaab Ijipt aatiŋ ponn ni pu na.

Nnyam 2:25

U kan Israel yaab aah ji falaa pu na, le naa mɔr u, le utafal nan bi bi ni.

Nnyam 23:23

Maatuun le ga loln ni pu nsan ki di nimi buen kitiŋ ki ye Amor yaab, ni Hef yaab, ni Peris yaab, ni Kanaann yaab, ni Hif yaab, ni Jebus yaab aatiŋ na, le m ga kuln bi mɔmɔk.

Nnyam 4:23

M tuk si, ubɔr, ke aa cha njapɔɔn ngbaan nya ki li cha, nima kan, u ga doon mi ubaa pu, le aa yii. Dandana wee m ga ku saajan aabijabim.’”

Nnyam 7:4

Le m ga cha ntafadaan mu bir ki pɔɔ na lir Ijipt aatiŋ ni, le ki loln ŋinibol ŋi ye maanib na nsan ki nyan bi kitiŋ ngbaan ni.

Nnyam 7:5

Buyoonn m daa Ijipt yaab aatafal ki nyan Israel yaab baatiŋ ni na, le Ijipt yaab ga bee ke min le ye Uwumbɔr.”

Nkahm 20:14

Baah nan ka Kades aatiŋ ni na, le Moses nyan ntuuntiib tun Edom yaab aabɔr chee. Bi nan ti bui u ke, “Tibɔr tee nyan ni aanaabitiib Israel yaab chee la. Aa nyi taah ji falaa umɔk na.